{أمر من السحر}

الحلقه ال ١٦🌹

السلام عليكم اخواتى جميعاااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹
#أمر_من_السحر_جيهان_سلامه_البارودى
#محبه_الرحمن

الحلقه ال ١٦🌹

دعاء ماسكه طبق  الأكل فى إيديها وبتجرى
ورا ابنها حمزه ....وهى بتزعق فيه😠

يا واد تعاااالى ....نفسى إتقطع من اللف وراااك بالطبق
تعالى هنا لحسن ورب العزه هتاخد علقه موت منى ..يا واد تعالى بقولك😠

حمزه وهو مستخبى تحت السرير
لاء ..مث حاوز اتول 😭

ام ساره قاعده على الارض وقدمها الطبليه
بتخرط عليها الملوخيه
خلاص يا بت يا دعاء سبيه وريحى قلبك
هو لما يجوع هيجى ياكل لوحده
وبطلى دوشه بقا انتى وابنك قلبتوا دماغى😠

دعاء رزعت الطبق على التربيزه ...منه لله ابوك
مسافر ومريح دماغه وانا اللى طافحه المرار
مع ولاده.......عيشه بقيت تقرف😠

ام ساره: يوه ..وبتدعى ليه بس على ابوه
ما الراجل شقيان وتعبان فى غربته

إلا قوليلى صحيح يا دودو....هو جوزك مقالكيش
هيبعت الشاشه الكبيره اللى قال عليها  دى امتى
😁
دعاء بغيظ: وبتسألى عنها ليه بقا إن شاء الله
ده هيبعتها عشان احطها فى شقتنا 🤨

ام ساره: شقتكوو😏وهى فين شقتكو دى يا حسره😏
هو انتى بتروحيها فيها خااالص
ما انتى قاعده طابقه على نفسنا بقالك سنتين
اهو انتى وعيالك.....هتحطيها هناك بقا لميييين😏

دعاء بغيظ: طب لما تيجى بس الأول ونشوف
ساعتها نعمل ايه ....ياااواد اهمد بقا وتعالى كل
لحسن وربنا هتاخد منى حتة علقه👌

الباب اتفتح.... ودخلت ساره وهى ماسكه دماغها ودايخه ومش حاسه بنفسها ودموعها على خدها
ودخلت على اوضتها على طول😭

حمزه : ختو ساله دت.....ختو ساله دت 👶
دبتيلى حاته حوه يا ختو.......وجرى وراها🏃

دعاء:طب يختى قولى حتى سلامو عليكو 😏
تعالى هنا ياواد ملكش دعوه بيهاااا

ام ساره: ساااره...انتى يا بت...مالها اختك يا بت 
دعاء

دعاء: يعنى هيكون مالها...تلاقيها اتخانقت مع
اللى ما يتسمى اللى منكد عليها ليل ونهار 😠

ده محمد اخو جوزى  نفسه بس يسمع منها كلمه
حلوة......واتفرجى على العز اللى هتبقى بنتك فيه

واهو مسافر الكويت الشهر الجاى وهيعملهم
على قلبه تانى💰اد كدااااا

حمزه جاى بيجرى وهو خايف ...الحقى يا تيته
ختو ساله وقعت على الألض

ام ساره  بخضه.....بنتى😳
ودعاء قامت جريت تشوفها........يا حبيبتي
يختى🏃

دعاء بخضه قعدت جنبها على الارض وخدتيها
فى حضنها وبتحاول تفوقها....ساااره......سااااره
مالك يا حبيبتى فيكي ايييه😲