{أمر من السحر}

الحلقه ال ٥

السلام عليكم اخواتى واحبتى😍موعدنا مع قصتنا اليوميه (أمر من السحر)

ويالا نصلى ع الرسول وندخل ع قصتنا ع طووووول🌹

اللهم تقواك والعمل فى رضاك 🤲

#أمر_من_السحر
#جيهان_سلامه_البارودى
#محبه_الرحمن

الحلقه ال ٥🌹

سعيد وأمه وأخته قاعدين بيفطروا

ام راضيه: ها يا بنتى .....صليتى الاستخاره ولا لسه

سعيد: خليها براحتها يا ام سعيد متستعجليش عليها علشان تقرر هى عاوزه ايه بالظبط

الام: بس ياريت متطولش اكتر من كده
احنا بقالنا يومين اهو و الناس عاوزين الرد
خد يا حبيبى الشاى ليبرد.......
إلا قولى صحيح
هو انت رايح انهارده تتغدى عند خطبتك

سعيد: والله اذا كان عليا مش عاوز اروح عندهم خالص

بسمه: ليه بس يا سعيد ...انت زعلت مع ساره تانى ولا ايه

سعيد: ولا زعلت ولا حاجه.. بس امها مقابلتها مش قد كده ...وعلى طول بتقطمنى بالكلام طول القاعده
ده احمد جوز دعاء جاب...ده احمد جوز دعاء بعتلها
لحد ما كرهتنى فى احمد وفى نفسى انا كمان😠

بسمه: المهم ساره ...وسيبك من امها دى خالص

سعيد: هى امها بس....دى اختها هى كمان طول ما هى قاعده... ده احمد بعتلى اشترى دهب
ده احمد بعتلى اغير عفش الشقه كله.....وكلام زى ده كتير...لحد ما حسيسونى إنى مقصر مع بنتهم ومش قد المقام😔

الام: ولا يهمك من كلامهم يا حبيبى..المهم البت زى ما اختك قالتلك......ومادام شرياك يبقى يقولوا اللى يقولوه بقا

بسمه بهزار:هى شرياه بس يا ماما ...دى شرياه
وشريااه....وغمزتله ولا ايه يا سعده😉

سعيد: إفضلى قورى علينا كده كتير ....صبرك عليا بس اول ما تتخطبى
هنزل فيكى أر إنتى وخطيبك لحد ما اخليكوا
تمسكوا فى خناق بعض😃

بسمه بضحكه:طب ورينى يا خويا كده هتعمل
معايا ايه انا وسامح ..ولا هتقدر تعم😒
وسكتت فجاءه....بعد ما وقعت بلسانها

سعيد وامه بصوا لبعض وضحكوا 😁😁

سعيد: ايوه بقااا....هو الموضوع كده
يبقى الجميل وافق على موحه...ولا ايه يا بسوم😉

بسمه اتكسفت ....وارتبكت .. ااا....انا كلت الحمد لله ..هدخل اذاكر بقا😌

سعيد مسكها من إيديها ...والله ما انتى قايمه الا لما تعترفى
قولى يختى قولى..دى الاستخاره مفعولها إشتغل
يا ام سعيد والجميل شكله وافق 😀

بسمه بكسوف : ملكش دعوه يا بايخ ...وأوعى سيب إيدى
يا مااامااااا ....خليه يسيبنى بقا😌

الام قاعده بتضحك عليهم 😀
يا واد سيب ايديها بقا ومتكسفهاش