{أمر من السحر}

الحلقه ال{ ٦}🌹

السلام عليكم اخواتى واحبتى😍 موعدنا مع قصتنا اليوميه😊

ويالا نصلى ع الرسول وندخل ع قصتنا ع طووووول🌹

اللهم تقواك والعمل فى رضاك 🤲

#أمر_من_السحر
#جيهان_سلامه_البارودى
#محبه_الرحمن

الحلقه ال{ ٦}🌹

راضيه : بكام الطرحه دى لو سمحت.......ايه ده
هو فين الراجل

(وحده واقفه بتشترى.)....بيشوف فكه وجاى

لبنى بإستغراب : ايه ده ......هو  انتى مش عندك اختها  يا بنتى
هتشترى منها تانى ليه بقا ..ما تجيبى شكل تانى جديد

راضيه: الست  بسمه  هانم  بوظتهالى😠
بس بتقول غصب عنها

لبنى: يا خسااااره ...طب كنتى خدتى منها حقها
عشان تحرم  تاخد منك حاجه تانى وتبوظها🤨

راضيه:إنتى عبيطه ولا ايه يا لبنى... اخد ايه

لاء طبعا مينفعش اخد منها حاجه....يا ستى فداها
دى اختى الصغيره بردوا والمفروض انا اللى اجيبلها

لبنى مش عاجبها كلامها😏
أهى حنية  قلبك دى  مع اخواتك هى اللى مخلياهم يستهتروا بيكى وبحاجتك......تستاهلى

راضيه:  أعمل ايه بس ...هى الاخت الكبيره كده
قلبها طيب على اخواتها  ودايما تحس إنها أمهم التانيه 😀
ده انا حتى كمان بفكر أجيبلها وحده جديده علشان متفتكرش إنى زعلت منها

لبنى 😏كمااااان ...يختى هاتيلى انا ..على الاقل
انا طالع عينى وبلف معاكى بقالى يومين لما رجلى ورميت 😠

راضيه عملت نفسها مش واخده بالها من كلامها
وقعدت تتفرج على الطرح😒

اهو الراجل جه اهو ....بكام دى لو سمحت

البياع : ب 90 جنيه يا انسه

راضيه: لييييه...كانت حرير ...هما 50جنيه حلو اوى عليها 😠

البياع بنرفزه : لااااااء ..50جنيه ايه يا انسه.....ده ميجيش حق قماشها وخياطتها😠

لبنى:خلاااص.... 60حلوين اوى عليها...قولت ايييه

البياع: طب خليهم 70 يا انسه وحبه عليكى وحبه عليا

لبنى : هما ال ال60 مفيش غيرهم...وهات  الطرحه بقااا لحسن نرجع فى كلامنا

البياع: خلاص خدى .....وعوضى على الله

راضيه  أخدتها منه وإديته الفلوس... ومشيوا

راضيه ماشيه متضايقه وطلعت الطرحه من الكيس و فضلت تبص فيها وهى مش مقتنعه🤨
مش انضحك علينا فيها  كده

لبنى: ليه... هو إنتى كنتى جايبه القديمه بكام

راضيه: ب35 جنيه  من الناس اللى بتقعد
على الارض دول