{أمر من السحر}

الحلقه ال ١١🌹

السلام عليكم اخواتى واحبتى😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال ١١🌹

بسمه بفرحه: بس يا ستى...هو ده كل اللى حصل😊

إيمان بزعل: مبروك يا حبيبتى ...ربنا يسعدكم ويهنيكم ببعض😔

بسمه: ياااااارب🤲🏼😊.......إسكتى يا إيمى
ده أنا كنت هموت من الكسوف لما أمه بتقولى هاتى إيدك يا عروسه علشان سامح جايبلك هديه

ولقيته مطلع علبه فيها حتة خاتم شيك جدااا
وقال إيييه🤨
عاوز يلبسهولى هو.......تنحت ومبقيتش عارفه أعمل إيه

ايمان: طب وعملتى ايه

بسمه: مرضيتش طبعا أخليه يلمس إيدى وانا لسه مش مراته.....دى يدوب لسه قراية فاتحه

ايمان:يا شيخه حرام عليكى ..ده انتى كده كسفتيه قدام الكل

بسمه: طب ما يتكسف ...مش احسن ما ربنا يغضب علينا احنا الاتنين.....إنتى نسيتى حديث الرسول صل الله عليه وسلم اللى حذر
فيه عن ملامسة النساء غير المحارم

إيمان: ايه ده....هو فى حديث عن الرسول إتكلم فيه عن كده

بسمه: اه طبعا يا بنتى ..رسولنا الكريم مسابش حاجه إلا لما إتكلم عنها علشان يعلمنا كل امور الدين......بصى يا ستى
قال رسول الله صلى الله عليه وسلم
"لإن يطعن في رأس أحدكم بمخيط من حديد
خير له من أن يمس امرأة لا تحل له"
صدق رسول الله صل الله عليه وسلم

ايمان: عليه الصلاه والسلام...وطب الكلام ده
لينا إحنا كمان

بسمه: طبعا....هو إنتى شوفتينى عمرى مديت
إيدى وسلمت على مستر فى السنتر زى البنات ما بتسلم

إيمان بزعل : بصراحه لاء ....وفهمت قصدك على فكره
واوعدك من دلوقتى أنا كمان مش هسلم على
أى مستر بعد كده ابداااا......بس المهم قوليلى سامح عمل إيه..........اكيد إتحرج

بسمه بإبتسامه: بصراحه طلع محترم أوى وحس إنى إرتبكت لما امه قالتلى كده
وشافني لما بصيت لسعيد علشان يتصرف وفهم
من نفسه......فقال لطنط تلبسهولى هى

ايمان: ده طلع بيفهم اهو.... 😀

بسمه: طبعا يا بنتى اومال ايه 😂
إستنى أما أصورهولك.....افتحى الواتس

هاااا ...إيه رأيك فيه😁

ايمان بفرحه :الله.... جميل أوى ما شاء الله

بسمه: عقبالك يا إيمى يااارب... علشان تخلصى
من عيشة اخوكى اللى تقرف دى بقاااا

ايمان بتنهيده كلها حزن : هو طول ما هشام موجود فى حياتى فى حد ممكن يتقدملى ولا يبصيلى حتى😔
اخويا سمعته فى المنطقة زى الزفت يا بسمه
منه لله 😞