{أمر من السحر}

الحلقه ال ١٤🌹

السلام عليكم جميعااا😍موعدنا مع

قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال ١٤🌹

لبنى:بقا كل ده يحصل اليومين اللى فاتوا دول
ومتحكليش
اخس عليكى..ده انتى طلعتى سوسه اوى🤨

راضيه: ولا سوسه ولا حاجه يا بنتى
بس مكنش عندى وقت اقعد وارغى معاكى

لبنى: ليه بقا ....كان وراكى ايه إن شاء الله😏

راضيه : كنت بخطط لكل اللى حكيتلك عليه ده
واشوف هعمل معاهم ايه تانى
علشان يعرفوا يتكلموا عليا كويس من ورايا😠

لبنى : ومن امتى يعنى بتخططى لوحدك
ما احنا دفنينوه سوااا......ولا ايه 😒

راضيه بزهق: بقولك مكنش عندى وقت ارغى معاكى
و بقولك ايه بقااا ..من هنا ورايح تبطلى كلامك البيئه ده😠

لبنى: بيئه...... دلوقتى بقا كلامى بيئه
الله يرحم 😏

طب ورينى صورة الفستان خلينى امشى

راضيه: مصورتوش

لبنى: طب لما تطلعى بيتكم صورهولى وابعتهولى على الواتس اشوفه.....علشان لو عجبنى هخده منك يوم الخميس الجاى ..عندى فرح بنت عمتى😁

راضيه: اوريهولك اه ...لكن تخديه لاء ..انسى😠

لبنى بزعل:بقا كده......ماشى يا راضيه.... براحتك🤨

راضيه: اه طبعا براحتى.....ده غالى اوى يا حبييتى🤨

لبنى : ليه يعنى .....هيكون بكام

راضيه بتغظها: موحتى دفع فيه ٣٠٠٠ جنيه 😁

لبنى: كاااام😮٣٠٠٠.....ليه .....شكله ايه ده

راضيه : هبقى اهوريهولك وامرى لله
وسلام بقا
وبقولك ايه......حسك عينك حد يعرف عن المشوار اللى كنا فيه دلوقتى مع بعض

اما اشوف اخرتها ايه مع افكارك السوده اللى هتودينى فى داهيه دى🤨

لينى : عيب عليكى ....بس انتى اول ما تطلعى
صورى الفستان وابعتهولى واتس...انا فاتحه اهو

راضيه بخنقه: طول عمرك ذنانه .....ما خلاص
قولتلك لما اطلع هبعتهولك ...سلام

وطلعت شقتهم ودخلت على اوضتها على طول
وطلعت الفستان من الدولاب وصورته ....واتصلت بيها
ايوه يا ذنانه بعتهولك اهو... هاااا......ايه رايك؟؟

وبصوت واطى ....الله اكبر من عنيكى 🖐

لبنى😲ايه دااا..ايه الجمال ده...ده حلو اووووى
عشان خاطرى يا رورو يا حبيبتى ادهولى
اروح بيه.....يمكن اطلعلى بعريس من هناك