{أمر من السحر}

الحلقه ال ١٨🌹

السلام عليكم جميعاااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

أمر_من_السحر_جيهان_سلامه_البارودى
محبه_الرحمن

الحلقه ال ١٨🌹

سامح وبسمه راكبين العربيه ورايحين ع البيت
سامح سايق و سرحان فى راضيه
وصدمته الكبيره فيها ونفسه يعرف ليه عملت
فيه كده..ومين اللى كانت وافقه معاه

بسمه قاعده محروجه من سامح 😞
وعماله تفكر ازاى تفتح معاه الموضوع وتثبتله  انها بريئه من الكلام اللى اكيد عرفه
عنها حتى لو مش هيرجعوا لبعض تانى بس تثبت برائتها قدامه هى واخوها
وبعد تردد.......قررت تتكلم

بسمه : سامح.....ممكن اتكلم معاك بخصوص ااا

سامح فهم عاوزه تقول ايه...وقاطعها فى كلامها
بسمه ارجوكى..بلاش نفتح كلام فى مواضيع
المفروض انها اتقفلت خلاص

بسمه صعب عليها نفسها ..... وبدموع 😭
لو سمحت يا سامح....انا من حقى ادافع عن نفسى وسومعتى انا وسعيد ..وميهمنيش الموضوع اتقفل ولا لاء بالنسبالك
بس المهم  عندى اتكلم واوضحلك الحقيقه

سامح بضيق: صدقينى يا بسمه كلامك مش هيقدم ولا هيأخر ...فالاحسن منتكلمش فيه...وخلينا احسن زى ما كنا ...جيران وبس

ومسك تليفونه وبيتصل

بسمه اتوجعت من كلامه: بس انا مصممه انى
اوضحلك اللى حصل ..وبردوا زى ما قولت
هنرجع جيران وبس 😞

سامح وقف بالعربيه... و بدون اهتمام
خلااااص... لو انتى مصممه... اتفضلى اتكلمى
وكمل اتصال على تليفونه.....

وبيكلم نفسه بغيظ.....لسه بردوا  قافله تليفونك
ماشى يا راضيه😡

بسمه : انا كنت عاوزاك تعرف ان اى حاجه عرفتها عنى انا وسعيد ..يشهد ربنا انها كذب وافترى علينا
والموضوع اتفهم غلط من خطيبته
الحكايه هى ااااا

قاطعها سامح بضيق......بسمه

بسمه بصيتله بعيون كلها دموع 😭
وعندها امل يصدقها : نعم

سامح: صدقينى ملوش لزوم كل اللى هتقوليه
وخلينا زى الاول... اخوات
وبكره يا ستى ربنا يرزقك بأحسن منى
وبص قدامه وساق

بسمه اتصدمت من كلامه وبصيتله وهى مش  مصدقه نفسها..معقول..هو ده سامح اللى حبيته
ورجعت بصيت قدامها ومنطقتش بعدها بكلمه واحده.... بس غصب عنها

مقدرتش تمسك دموعها 😥
******************************
راضيه:  بس يا سيدى ..هى دى كل الحكايه

حسام: ده بردوا ميدلوش الحق انه يندهلك
كده بإسمك 😠

راضيه: ما انا بقولك يا حسام ..احنا متربين مع
بعض وبعتبره زى  اخويا ...وكان خايف عليا
اروح الفرح لوحدى وصمم انه يوصلنى
بعربيته اللى مشغلها أوبر