{أمر من السحر}

الحلقه ال ٤

السلام عليكم اخواتى واحبتى😍 موعدنا مع قصتنا اليوميه 😊
ويالا نصلى ع الرسول وندخل ع قصتنا ع طووووول🌹

اللهم تقواك والعمل فى رضاك 🤲

#أمر_من_السحر
جيهان_سلامه_البارودى
#محبه_الرحمن

الحلقه ال ٤ 🌹

فى بيت ام راضيه .....

الكل فى حاله من الصدمه 😳والاستغراب 🤔والحزن 😞 والفرحه 😁

صدمه راضيه😳

استغراب ام راضيه وسعيد وبسمه🤔

حزن سامح😔

فرحة ام سامح 😁

سعيد مستغرب من اللى سمعه وبص لسامح  ومش عارف يقوله ايه😒

سامح: ايه يا جماعه سكتوا يعنى ..هو انا قولت حاجه غلط ولا ايه

سعيد: لاء ابداا .... بس اصل كنا يعنى مفكرين انك جاى تخطب اااا

قاطعته راضيه بنرفزه ...سعييييد 😠وقامت وقفت
انا خارجه يا ماما ..معلش  بقا يا جماعه ...اصلى انا كنت خارجه واضطريت اقعد شويه لما انتو جيتوا🤨

وبنرفزه....ادخلى يا بسمه هاتيلى شنطتى من جوه يالاااااا 😠

بسمه إتضايقت من اسلوبها وإحراجها قدامهم😞
عن اذنكوا ..ودخلت اوضتها وفضلت تعيط

سعيد بص لامه واتضايق ... ولسه هيتنرفز عليها
امه بصيتله بمعنى( اسكت مش وقت خناق)😒

ام سامح بفرحه:براحتك يا حبيبتى....وعقبالك انتى كمان لما يجيلك عدلك 😏

راضيه اتضايقت من كلامها ومردتيتش عليها😠
ودخلت تجيب شنطتها من الاوضه

ام سامح: ها يا ام راضيه ...قولتى ايه يختى😁

ام راضيه: هقول ايه ...سامح إبننا ومش هنلاقى حد زيه ابدا ..بس لازم بردوا اعرف رأى بسمه
ولا ايه

ام سامح: طبعا يا حبيبتى ..وبإذن الله هتوافق
دى بسومه دى حبيبتي 😁

سامح :على فكره يا سعيد.....انا  ناوى اكمل تعليمى واخد الثانويه العامه  منازل
وبإذن الله اجيب مجموع عالى وادخل الكليه اللى كان نفسى فيها من زمان

ام سامح:وشقته الله اكبر عليها جاهزه من مجاميعه
ماهو اصل  سامح من فلوس ورثه من ابوه عمل ورشه.....وبقا الله اكبر عليه اسطى اد الدنيا والناس بيجولوا من اخر الدنيا و بيطلبوه بالاسم 😁

ام راضيه: ما شاء الله الله اكبر ....ربنا يزيده من فضله ويسعده

لحظات صمت بين الجميع .....

سامح قام وقف......طب نستئذن احنا  بقا يا سعيد
وهستنى منكم الرد بإذن الله ..وطبعا لو محصلش نصيب احنا زيي ما احنا .. جيران وحبايب