{أمر من السحر}

الحلقه ال ٨ 🌹

السلام عليكم اخواتى 😍موعدنا مع قصتنا اليوميه 😊{أمر من السحر}

ويالا نصلى ع الرسول وندخل ع قصتنا ع طوووول🌹🌹🌹

اللهم تقواك والعمل فى رضاك 🤲

#أمر_من_السحر
#جيهان_سلامه_البارودي
#محبه_الرحمن

الحلقه ال ٨ 🌹

عماد لسه بيفتح الباب وهيدخل..سمع امه بتزعق
مع سامح.......واستغرب
ايه ده ....معقول اللى انا سامعه ده.... امى بتزعق
مع سامح........لااااء ....اكيد فى حاجه غلط
اما ادخل اشوف فى ايه

ودخل عليهم...... وبصيلهم باستغراب🤔

فى ايه مالكوا ....مالك يا حاجه...صوتك عالى ليه
ده أنا سامعكم وانا طالع من على السلم
فى ايه يا عم سامح ...مزعل الحاجه منك ليه
مش عوايدك يعنى

ام سامح بصيتله بعصبيه: ما تنطق يا خويا
رد وإحكى لاخوك الصغير على اللى قولته
يا كبييييير .....يا عااااقل😠

سامح إتضايق من كلامها وبصيلها بزعل 😞
وسابهم ودخل الاوضه وقفل على نفسه

عماد قعد جنبها على إيد الكرسى وحط دراعه على كتفها......
مالك بس يا ست الكل
إهدى كده بس ووحدى الله..واحكيلى حصل ايه

ام سامح بنرفزه: لا اله الا الله... اخووووك......اخوك اتجنن فى عقله خلاااص يا عماااد😠

عماد بإستغراب...ساااامح.....مش ممكن
ده انتى مفيش على لسانك غير اتعلم من اخوك
يا عماد
شايف عقل اخوك يا عماد .....خليك عاقل زيه يا عمده😃

ام سامح بنرفزه وصوت عالى علشان يسمع😠

لاااااء.... ما خلاااااص..... اخوك باين عليه اتجنن يا عماااااااد
بعد كده هقولك إنت اللى تنصح اخوك الكبير

عماد: طب فهمينى الاول حصل ايه وانا زى الاطرش فى الزفه كده ومش فاهم حاجه

ام سامح :قوم هاتلى أشرب الاول.. ريقى نشف
من الكلام معاه.....الله يسامحه 😠

عماد قام وجابلها الميه وشربت........الحمد لله

عماد: ها فى ايه بقا...احكيلى وريحينى

ام سامح: اخوك ده ناوى يموتنى ناقصه عمر
يا عماد..😭

عماد :بعد الشر عليكى... ربنا يخليكى لينا
ليه بس بتقولى كده......... وباس راسها

امه بعصبيه...........على ايييييه😠
نفسى اعرف فيها ايه مخليك مكلبش فيها
بإيدك وسنانك اوى كده
شايف فيها ايه تتحب ام بوز ناشف دى 😠
و اللى رافعه مناخيرها فى السما وفاكره نفسها
ياما هنا......وياما هناك😡وهى شابه الليفه الناشفه

عماد: ااااه ... كده انا فهمت ...قصدك راضيه
مش كده

ام سامح بعصبيه: هى اللى ما تتسمى ....زفتة الطين 😠
واكله عقل الواد ...تقولش عامله لاخوك عمل