{أمر من السحر}

الحلقه ال ٢٢🌹

السلام عليكم جميعااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال ٢٢🌹

ريم قاعده فى اوضتها ماسكه تليفونها وبتتفرج على صورها هى وحسام ....وبتفتكر كل ذكرى حلوه لكل صوره ليهم مع بعض بإبتسامه مخلوطه بالدموع 🥲

دخل عليها ابوها وقعد جنبها  وإبتسملها
حبيبة بابا قاعده لوحدها بتعمل ايه😊

ريم قفلت تليفونها بسرعه... وبتحاول تدارى دموعها
لاء ابدا يا بابا مفيش حاجه😔
بس ايه ده
هو حضرتك مش ناوى تنزل الشركه انهارده كمان
  ولا ايه

والد ريم: لاء طبعا شركة ايه اللى انزلها واسيب
بنوتى حبيبتى لوحدها😊
ده انا ما صدقت انك جيتى ونورتى بيتك ...اقوم انزل واسيبك بردوا
ده انا حتى انهارده موضبلك حتة اكله إنما ايه
هتكليها من هنا وتقولى اااه يا بطنى على طول😄

ريم بضحكه منكسره: لاء يا بابا متتعبش نفسك
وتعمل اكل.....انا اصلا مليش نفس ومش قادره اكل حاجه

والد ريم: لاء طبعا مينفعش ..الدكتور قال لازم
تتغذى كويس ...انا هعملك حاجه كده  على أدى
شوربه خضار وفراخ مسلوقه

ريم استغربت:ايه ده.... معقوول حضرتك هتعرف تعمل الاكل ده

والد ريم :بصى......انا مش هكدب عليكى واقولك اعرف.....بس هحاول
وبردوا موعدكيش إن الاكل يطلع حلو زي ما بتعمليه انتى ولا مامتك الله يرحمها....يعنى تاكلى وانتى ساكته ....والله يكون فى عونك بقا😄

ريم: ربنا يستر😄...طب تحب اقوم اساعدك فى حاجه....انا حاسه انى بقيت كويسه الحمد لله

والد ريم: لاااااا....اوعى تفكرى تقومى من السرير
دلوقتى خالص....الدكتور قال راحه تااامه ..مفهوم

ريم هزت رأسها وابتسمتله......حاضر 🙂

جرس الباب......

والد ريم استغرب وبص فى ساعته: ايه ده
ده مين اللى هيجلنا بدرى اوى كده....🤔

وخرج يشوف مين  ...وفتح الباب

والدة حسام: سلامو عليكم ...ازاى حضرتك يا استاذ عاصم
انا اسفه انى جايه بدرى اوى كده .. اصل ااا

والد ريم:عليكم السلام...اهلا بحضرتك يا مدام
مرفت...اتفضلى ....ده بيتك تشرفى فيه فى اى وقت 😊

والده حسام بإحراج : شكرا لذوق  لحضرتك
اصل انا روحت المستشفى وقالولى إن ريم خرجت من شويه فقلت اجى اطمن عليها وامشى على طول

والد ريم: فعلا....خرجنا بدرى  انهارده لما لقيت حالتها كويسه الحمد لله ...والدكتور قال ممكن تخرج
هى قاعده فى اوضتها......اتفضلى  
دى هتفرح اوى لما تشوفك....تحبى تشربى ايه