{أمر من السحر}

الحلقه ال٢٩🌹

السلام عليكم جميعااااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال٢٩🌹

راضيه ولبنى قاعدين فى اوضة راضيه
وراضيه قاعده قدامها على السرير ولبنى قاعده
وراها وماسكه مكوة الشعر وبتكولها شعرها
وهاين عليها تحرقه من الغل اللى جواها
وهى بتحكيلها عن حسام 😡

راضيه بوجع ونرفزه:اااه شعرى...ما براحه شويه
يا لبنى ....شعرى هيتقطع فى ايدك.....جبتيلى صداع 😠

لينى: ماهو يا حبيبتى فتلة شعرك خشنه اعملك
ايه بس
لازم اشدها كويس علشان تتفرد.....اتعدلى بقا كده 😠

راضيه بنرفزه : فتلة شعرى ايه دى اللى خشنه يختى😠
اومال شعرك انتى بقا يبقى ايه.....وخلصنى بقا
زهقتينى😠

لبنى: خلاص أهو خلصت .....وقومى يالا اغسلى
وشك من الماسك ده علشان اعملك واحد تانى

اصل وشك مينفعلوش اتنين بس.....ده عاوز شغل
كتير عشان يتعدل......قصدى يعنى علشان يتظبط😒

راضيه بنرفزه: هو انتى جايه تنكدى عليا انهارده
ولا ايييه...شويه شعرك...وشويه وشك...ايييه 😠
ده اللى يشوف كده يقول عليكى ملكة جمال 😠
زهقتينى....اوووف😤

وخرجت تغسل وشها وهى متنرفزه 😡

ودخلت الحمام...وبصيت فى المرايه وكلمت نفسها
انا ايه اللى خلانى اتهفيت فى عقلى وخليتها تيجى
دى كرهتنى فى نفسى.....قال شعرك خشن قال😠

لبنى قاعده فى الاوضه بتضحك علي شكل
راضيه وهى متنرفزه😁ومسكت تليفونها واتصلت بسرعه

الووو.....طمنينى إيه الأخبار 🤔
انا قولت اتصل بيكى وأكد عليكى ميعادنا النهارده لتنسى

..........

الساعه ٨ ونص بالظبط تكونى هنا ومعاكى اللى اتفقنا عليه🤨....وفهمتى طبعا هتقولى ايه

.............

صح كده .....بس بقولك ايه 🤨
خلى بالك انا معرفكيش ولا عمرى شوفتك

ودخلت عليها راضيه وهى لسه بتتكلم.....
أدينى غسلت وشى اهو يختى ومفيش تغير فيه ولا حاجه
ورينى بقا الماسك التالت ده هيفتح وشى ولا هيعمل فيا ايه هو كمان😠

لبنى ارتبكت: ااا.طب خلاص يا ماما مش هتأخر
ماما بتقولك مبروك يا راضيه

راضيه: حبيبتي يا طنط الله يبارك فيكى 😁هاتى اكلمها.....وشدت التليفون من إيديها

لبنى😳😱

راضيه: الله يبارك فيكى يا طنط ..عقبال لولو

الووو ...الووو...... يا طنط
خدى يختى......رصيدك شكله خلص