السلام عليكم جميعااااا😍موعدنا مع قصتنا اليوميه {أمر من السحر}
ويالا نصلى ع الرسول وندخل ع قصتنا ع طووووول🌹
#أمر_من_السحر_جيهان_سلامه_البارودى
#محبه_الرحمن
الحلقه ال ١٩🌹
حسام دخل شقته ..وحط مفاتيحه على التربيزه
ولسه هيدخل اوضته.....لفت نظره نور اوضة امه منور
وقرب من الاوضه وخبط على الباب.... ودخل
حسام بفرحه: ايه ده...هو حضرتك جيتى امتى 😊
ام حسام : صدق الله العظيم...وقفلت المصحف وحطيته جنبها ....وقلعت النضاره
وبصيتله بزعل .......جيت من شويه😔
حسام قرب منها وباس راسها...حمد الله على السلامه😊
بس مش انا قولت لحضرتك إتصلى بيا وقت
ما تحبى تيجى واجى اخدك
ام حسام: والد ريم كان رايح البيت عنده يجيب شوية حاجات لريم ...ووصلنى معاه فى طريقه
حسام اتضايق: طب ويوصلك ليه ..مش خلاص قفلنا الموضوع ده بقا وخلصنا منه 😠
ام حسام بحده: خلص بالنسبالك إنت.....ريم بنتى
يا حسام...زى ما انت ابنى بالظبط
ومش هسيبها الا لما اطمن عليها....انت فاهم 😠
حسام اتضايق من اسلوبها معاه ...وبزعل
ماشى يا ماما..... اللى حضرتك تشوفيه🤨
ولسه هيخرج......رجع تانى ووقف قدامها وهو متردد يكلمها..... وخايف من رد فعلها😒
ام حسام: واقف ليه ...فى حاجه تانى عاوز تقولها🤨
حسام: انا كنت عاوز اقول لحضرتك حاجه مهمه
ام حسام: خير 🤨
حسام: كنت عاوز حضرتك معايا فى مشوار مهم
يوم الجمعه الجايه بإذن الله
ام حسام بإستغراب: مشوار ايه ده
حسام بتردد... أنا ااا😔.....أنا ناويت اخطب راضيه زميلتى فى الشغل ....وكنت عاوز حضرتك معايا واااا....
قاطعته ام حسام بحده😠 انا مش فاضيه اروح معاك فى حته....واقفل الباب وراك وانت خارج
ولبست نضارتها واخدت المصحف من جنبها وفتحته وكملت قراءه....بسم الله الرحمن الرحيم
حسام اتضايق من عدم اهتمامها لكلامه 😔
وفهم انها رافضه.........وخرج وقفل الباب
**********************************
راضيه قاعده فى صالة بيتهم ومصطنعه البكاء
والانهيار 😭
والجيران حواليها بيطبطبوا عليها وبيواسوها
على اللى عمله سامح فيها ...وبسمه قاعده
جنبها منهاره ومش مصدقه ان سامح ممكن يعمل كده مع اختها😭
جاره ١: اعملى لاختك كوبية لمون اوام يا بت بسمه
معلش يا راضيه يا بنتى ...ده طيش شباب يا حبيبتى
جاره ٢: ايوه يا حبيبتى زى ما قالتلك خالتك
ام زكى كده.... ده طيش شباب
راضيه بعياط مصطنع: يعنى ايه ...اسكت على
حقى.......طب والله ما يحصل ابداااا
ده كان عاوز اااا... 😭....ده متوحش ...حيواااان😭
أنت تقرأ
{أمر من السحر}
Misterio / Suspensoقالوا زماااان فى الامثال ..الذن على الودان أمر من السحر وياما علاقات وبيوت اتخربت بسبب الذن ع الوادان من الحاقدين واصحاب النفوس الخبيثه اللى بتتمنى الخير لنفسها وبس😔 على حساب الأخرين .. والنموذج ده موجود فى حياتنا بس للاسف بقناع مزيف رمزه الطيبه...
