يالا نصلى ع الرسول وندخل ع قصتنا ع طووووول🌹
اللهم تقواك والعمل فى رضاك 🤲
#أمر_من_السحر_
#جيهان_سلامه_البارودى
#محبه_الرحمن
الحلقه ال ٢🌹
فى بيت ام راضيه.
ام راضيه فى المطبخ ....جرس الباب رن
ياااا بسمه ....شوفى مين على الباب يا بنتى
السمك هيتحرق منى...........يااا بسمه
بسمه خرجت من اوضتها ومعها كتاب بتقرا فيه
حاضر يا ماماااا هشوف مين...........وفتحت الباب
اهلا يا طنط ........اتفضلى😊
ام سامح: ازيك يا بت يا بسومه يا ام وش بشوش يا قمر انتى......عامله ايه😁
بسمه بابتسامه: الحمدلله يا طنط 😊
الام من المطبخ: مين يا بسماااااا
بسمه: دى طنط ام سامح يا ماما
الام من المطبخ: طب خليها تدخل ..هغسل ايدى وجايلها اوام اهو
ام سامح: براحتك يا حبيبتى....... الله على ريحة السمك.....جريتوا ريقى الله يسماحكوا
وانا مفياش حيل انزل اشترى وانضف واقلى
بسمه : طب وعلى ايه كل ده يا طنط
حضرتك اتفضلى اتغدى معنا ☺️
ام سامح: تسلمى يا حبيبة طنط......الف هنا😁
وبصيتلها وضحكت....ياما نفسى يحصل اللى فى
باللى يا بسومه يا قمر انتى😁
بسمه استغربت: وايه بقا اللى فى بالك ونفسك
إنه يحصل يا طنط 🤔
ام سامح غمزتلها 😉 بعدين هتعرفى
المهم طمنينى عليكى .. عامله ايه فى مذكراتك
وعامله ايه فى الثانويه العامه اللى مخوفكوا
ووجعه بطنكوا على طول دى
بسمه: ادعيلى بالله عليكى يا طنط لحسن الامتحانات قربت وخايفه اوى
ام سامح: بإذن الله مجبوره ومنصوره....ودكتوره ان شاء الله 😁
بسمه: يارب يا طنط......وساعتها اوعدك هكشفلك ببلاش☺️
ام سامح :🖐️😠 يا ختى الشر بره وبعيد
بتبشرى عليا ولا ايه يا بت انتى
بسمه بإحراج: لاء طبعاا.... بعد الشر عليكى يا طنط
قصدى يعنى اكشف على سنانك الحلوة دى ☺️
ما هو انا نفسى ادخل طب اسنان
ام سامح: ااااااااه....قولى كده
اذا كان على سنانى ماااشى😁 مع انى مش
محتاجه اكشف عليهم ..دول كلهم مخلعين
بسمه: ولا يهمك بردوا........هركبلك طقم
بصى ..ماهو انا هكرمك يعنى هكرمك😃
ام راضيه خارجه من المطبخ وبتمسح ايديها
فى الفوطه
أنت تقرأ
{أمر من السحر}
Mistero / Thrillerقالوا زماااان فى الامثال ..الذن على الودان أمر من السحر وياما علاقات وبيوت اتخربت بسبب الذن ع الوادان من الحاقدين واصحاب النفوس الخبيثه اللى بتتمنى الخير لنفسها وبس😔 على حساب الأخرين .. والنموذج ده موجود فى حياتنا بس للاسف بقناع مزيف رمزه الطيبه...
