{أمر من السحر}

الحلقه ال ٢٣🌹

السلام عليكم جميعاااا❤موعدنا مع قصتنا اليوميه(#أمر_من_السحر)

ويالا نصلى ع الرسول وندخل ع قصتنا ع طول

#جيهان_سلامه_البارودى
#محبه_الرحمن

الحلقه ال ٢٣🌹

هنادى خارجه من مكتب عميد الكليه وهى منهاره من العياط 😭
جريوا عليها اصحابها وفضلوا يواسوها
و فى نفس الوقت بيغلطوها على اللى عملته فى نفسها وانها ضحيت بمستقبلها علشان خاطر عماد اللى مش واخد باله منها اصلااا😠😠😠

هنادى بنرفزه : لو سمحتوا كفايه بقاااا😭
ممكن  تسيبونى لوحدى
مش عاوزه اكلم حد........ومشيت وسابتهم

عماد واقف مستنى على جنب.......ولما قربت
منه جرى عليها

انسه هنادى ....انسه هنادى .. ممكن دقيقه لو سمحتى😟

هنادى : نعم......فى حاجه 😭

عماد: ممكن لو سمحتى اعرف حصل ايه مع العميد 😟

هنادى بانهيار: اتفصلت فصل نهائى ...😭

عماد بزعل: ايييه😳....اتفصلتى...ازاااى

وسكت شويه وحس بتأنيب الضمير
طب ليه........ليه عملتى كده 😟

هنادى بنظرة عتاب....🥺
عملت ايه.....هو انت فاكر إنى سرقت الخاتم فعلا
انا مسرقتش حاجه😭

عماد: عارف انك مسرقتيش .. وواثق انها لعبه من
الحيوانه اللى اسمها نور علشان تنتقم منى 😠
لكن انتى ليه قولتى على نفسك كده

هنادى كان نفسها تصرخ وتقوله علشان بحبك
بس مقدرتش
قولت كده علشان مينفعش 😞

عماد بإستغراب :مينفعش ايه....مش فاهم

هنادى :علشان مينفعش توطى راسك فى الارض
قدام كل الدفعه زى ما عملت من شويه فى المحاضره🥺
لانك  كبير اوى يا عماد فى عيونا كلنا😭
وكنت واثقه ومتاكده انك مخدتش حاجه
وإن دى لعبه من نور زى ما قولت ....بس للأسف معنديش دليل علشان اقوله عليها...وانت عارف هى بنت مين...😔
وممكن تعمل فيا ايه لو اتكلمت وجبت سيرتها
فى اى حاجه
وانا أهلى ناس غلابه ........ومش قدهم😥

عماد بنرفزه:  طب  كنتى سكتى ومورطتيش
نفسك فى السرقة.....وكنت انا هتصرف
واخليها تعترف على نفسها غصب عنهاااا 😠

هنادى بدموع: للاسف مقدرتش اسكت 😞

ممكن تقول عليا عبيطه ....بس والله العظيم مقدرتش اشوفك فى الموقف ده ..واشوف نظرة الشماته فى عنيها 😭

عماد استغرب  كلامها ...ومش عارف يفسره
بإيه
وفى نفس الوقت مش عارف يساعدها ازاى 😞

طب ممكن اعرف  هتعملى ايه دلوقتى

هنادى بدموع: ابداا....هروح على بيتنا وربنا
يستر على ابويا التعبان وامى الشقيانه لما
يعرفوا انى اتفصلت من الكليه وانا كنت
كل امالهم😭