{أمر من السحر}

الحلقه ال ٢٦🌹

السلام عليكم جميعااا😍موعدنا مع قصتنا اليوميه {أمر من السحر}

ويالا نصلى ع الرسول وندخل ع قصتنا ع طووووول🌹

#أمر_من_السحر_جيهان_سلامه_البارودى
#محبه_الرحمن

الحلقه ال ٢٦🌹
ريم بعد ما قفل حسام فى وشها الخط...انهارت
بالعياط...وفضلت تسأل نفسها ...ليييه 😭
ليه يا حسام ...ده انا بحبك ....ليه بتعمل معايا كده
والله العظيم انت ظالمنى......ظالمنى😭

والد ريم سامع صوت عياطها من بره ومتردد يدخل يشوفها....وفضل رايح جاى بقلق قدام اوضتها وهو بيفكر ......و فى الاخر خد قراره
وخبط على باب أوضتها.....ودخل
ريم يا حبييتى ....إنتى صاحيه

ريم بتمسح دموعها: اه يا بابا صاحيه..... إتفضل😥

والد ريم: الجميل عامل إيه دلوقتى .....وقعد
جنبها على طرف السرير وحط ايده على كتفها

ريم مقدرتش تمسك دموعها قدام والدها وانهارت

تعبانه يا بابا......تعبانه اوى
وإترميت فى حضنه 😭

ابوها حاسس بوجعها وزعلان علشانها 😞
وسابها لحد ما بدأت تهدا.....وخرجت من حضنه
وإتكلم معها بكل هدوء.......
ريم يا حبييتى
انا من أول الموضوع وانا ساكت خالص ومش
عاوز أدخل فيه....وقولت يمكن كل واحد فيهم
يعرف غلطته ويتأسف للتانى والموضوع يتحل بدون تدخل طرف تالت بينكم

بس خلاص.......مينفعش أسكت بعد كده وانا شايفك كل يوم وانتى بتموتى بالبطئ قدامى😠

ريم بدموع: اه يا بابا ...ياريت تتصرف.....اقولك
انت تروح لحسام...وتتكلم معاه
وتقوله أد ايه هو ظالمني.... وحاول تخليه يرجعلى
ارجوك يا بابا......رجعلى حسام 😭

والد ريم اتضايق من كلامها.....وكلمها بحده وعصبيه
ريييم . ..من دلوقتى تنسى حسام ده خالص
ومتجبيش سيرته تانى ابدا بعد كده..انتى فاهمه😡

ريم اتفاجئت من طريقة ابوها معها فى الكلام
بابا إنت بتقول ايه...... أنسى حسام ازااااى 😭

والد ريم بعصبيه: بقول اللى سمعتيه 😠
حسام ده انسان انانى و ميستهلكيش

انا كنت ممكن اتكلم معاه بعد اللى حصل
بس ده لو كان إحترمني وجه واتكلم معايا
وحكالى على اللى حصل بينكم 😠

لكن ده زى ما يكون ما صدق يمسك عليكى غلطه

ده حتى محاولش يستفسر منك ولا من عمر انتو اتقابلتوا بره ليه 😠
مع انى بلومك على تصرفك ده يا ريم لانه غلط
ومينفعش من أصله انكم تتقابلوا بره لوحدكم

ريم بزعل : هو حضرتك عرفت 😞

والد ريم: ايوه عرفت...بس فضلت ساكت وقولت بكره يهدا و يعرف غلطته وانتى تكونى فوقتى من تعبك وعرفتى غلطتك انتى كمان
واكيد هيجيلك المستشفى لما يعرف إنك تعبتى بسببه.......لكن للاسف
بردوا ده محصلش... وكبريائه منعه عنك😠