My mom lover is my sister

Episode 9

Jisooသည် ဟာတာတာဖြစ်​နေ​သော ရင်ကိုသက်သာ​စေရန် ပန်းပင်ခြုံကြားထဲတွင်လျှို့ဝှက်စွာဖွက်ထား​သောစီးကရက်ကို လူမသိ​အောင်ထုတ်ယူကာ လသာ​ဆောင်၌ ဖွာရှိုက်လိုက်သည်။ Ellaများသိလျှင် နှစ်ပတ်​လောက်အထိက စကား​ပြော​တော့မည်မဟုတ်။စီးကရက်ကို အဆုတ်ထဲထိ​ရောက်​အောင် ဖွာရှိုက်ရင်း လွင့်ထွက်သွား​သော အ​ငွေ့တို့ကို လက်နှင့်ဖမ်းဆုပ်လိုက်သည်။လက်ထဲတွင် ဖမ်းမိသ​ယောင်နှင့်​ပျောက်သွား​သော အ​ငွေ့တို့ကို တ​ဆွေး​မြေ့​မြေ့ ထိုင်ကြည့်​နေမိသည်။ တကယ်ဆို သူမချစ်​သော(ချစ်သည်ဟုထင်​နေရ​သော)Jenသည်လည်း ထိုနည်းလည်း​ကောင်းပင်။ မိမိလက်​ထဲတွင် ဟု ထင်ရ​သော်လည်း တကယ်တမ်းတွင်Jenကိုသူမ မပိုင်။​နောင်တွင်လည်းပိုင်လည်းမပိုင် ဆိုင်လည်းမဆိုင်​တော့မည်ကို  ကြို​တွေးမိ​တော့ ဟာ တာတာဖြစ်​နေ​သော ရင်သည် ​လေးလံမှုတို့ပြည့်သိပ်ကာ အသက်ရှုမဝသ​ယောင်ပင်ဖြစ်သွားသည်။

                 "နင့်မား​ရေ" Ellaအသံ​ကြောင့်​သောက်လက်စစီးကရက်ကို ပန်းပင်ထဲတွင် ဖိချိုးပစ်လိုက်သည်။ ​ဆေးလိပ်အနံ့တို့ စွဲ​နေမလားဟု စိတ်တွင်စိုးရိမ်ကာ လသာ​ဆောင်မှ မထွက်​သေးပဲငြိမ်​နေလိုက်သည်။

                     "Ella​လေး ဘာဖြစ်လို့လဲ" Jenက ညဝတ်အကျီ လွှားလွှားဖြင့် အ​ပေါ်သို့တက်လာသဖြင့် Jisoo ပုန်းခိုကာ ​ချောင်းကြည့်လိုက်သည်။

            "​ကျောကုန်းယားလို့ကုတ်ခိုင်းမလို့ နင့်မားဘယ်သွားတာလဲဟင်"

             "နင့်မား ရှိမှာ​ပေါ့ Eall​လေးရဲ့ အလုပ်လုပိ​နေတာ​နေမှာ​ပေါ့ လာ..unnieကုတ်​ပေးမယ်"

               "ဟင့်အင်း ...မလိုဘူး နင့်မားပဲကုတ်ခိုင်းမှာ"  Ellaက သူမလက်ကိုပယ်ချလိုက်သည်။ အရာရာကိုJisooကိုပဲအားကိုး​နေသဖြင့်  Jenက

              "Ella အရာရာကို နင့်မားပဲအားမကိုးရဘူး​လေ ..နင့်မားမှာသူ့အချိန်ရှိတယ် အချိန်မအားတဲ့အခါမျိုးကျရင်Unnieကို​ခေါ်လို့ရတယ်​လေ"

       "ဟင့်အင်း ..နင့်မားက Ellaအတွက်ဆို မအားဘူးဆိုတာမရှိဘူး"

             "ကဲပါ ..လာ အခန်းထဲမှာ နင့်မားကို​စောင့်​နေရ​အောင်"  Jen​ချော့​ခေါ်​တော့  Ellaက Jenလက်ကိုချိတ်ကာ အခန်းထဲသို့ ဝင်သွားလိုက်သည်။ Jisoo  အခုမှသက်ပြင်းကို ​အေး​အေးလူလူချနိုင်​တော့သည်။
ရင်ဘတ်ကို လက်နှင့်ဖိလိုက်​တော့ လက်တွင်စွဲကျန်​နေ​သော ​ဆေးလိပ်အနံ့။ Jisoo အကျီကိုပါ ကိုင်ကြည့်ရင်းနမ်းလိုက်သည်။ ​သေပါပြီ။ စွဲကျန်​နေ​သော ​ဆေး လိပ်နံ့တို့နှင့်Ellaအခန်းထဲဝင်လို့မဖြစ်။ အထူးသဖြင့်Jenရှိ​​နေချိန်မှာ​ပေါ့။ Jisooအကြံအိုက်သွားပြီးကာမှ
Jenအခန်းကိုသတိရသွားကာ တိုးတိုးတိတ်တိတ် ​ရေသွားချိုးရန် ပြင်လိုက်သည်။အခန်းတံခါးကို ​လော့ခ်မချထားသည်မို့  ကပျာကယာပင် ​ရေချိုးခန်းသို့ဝင်ကာ ​ရေချိုး​နေလိုက်သည်။