دخلوا مروان و لولوة وتولين وشافوا منال و ايمان وبنتها وام كايد و عهود وكايد .. كانوا قاعدين مع بعض ويسولفون ولا كأنه كانت شيء عاصفه قبل لا يطلعون
مروان: السلام عليكم
الكل: وعليكم السلام
كايد: ما طولتوا ؟!
لولوة: كل هذا وما طولنا .. غريب امرك!!
ام كايد: عهود قولي حق الخدم يزهبون العشى .. ما نبا نأخر منال عن بيتهم
عهود: جاهز العشى .. يلا قوموا
ايمان وهي تتقدم صوب تولين: انتي تولين عروسة كايد
تولين طالعت كايد وردت طالعتها ومدت ايدها: هيه انا .. منو انتي؟!
ايمان وهي تسلم عليها: ايمان اخته وهذي البنوته الي هناك بنتي لين
تولين ابتسمت: تشرفنا
ايمان: ما شاء الله كايد ما كنت ادري ان عندك ذوق .. ملكة جمال حرمتك
كايد ابتسم و شاف تولين
مروان وهو يغمز لاخته: قلت هالكلام قبلج
كايد: مروان
مروان: اقول تولين اذا عندج اخت بنت خاله بنت عمه اي حد من اهلج مستعد اخطبها .. وما يهم العمر بس بشرط تكون نفس جمالج
تولين ضحكت
كايد وقف وتقدم صوبها: روح اقعد لا تتصفع
مروان: ليش عصبت
ايمان: مروانوه صاير قليل ادب .. عيب عليك
كايد: خليه عشان ينضرب
تولين: لا حرام ما ارضى على مروان انا
كايد مسك خصرها وقربها منه: لا تستفزيني
تولين ابتسمت ابتسامه جانبيه وابتعدت عنه: ما قلت شيء
ايمان: تعالوا تعشوا كلهم راحوا ونحن بس الي بقينا
مروان: يلا بروح اكل .. لولو خذت طلبيتي وراحت عادي الحين الاقيها تاكل منه
ايمان: يلا كايد وتولين
كايد: روحي وبلحقج
خذت بنتها وراحت
كايد وهو يلف على تولين: تعالي تعشي
تولين:طالبتلي اكل
كايد:كلي من اكل البيت وعطي الي طالبتنه حق وحده من الخدم
تولين: ما ابا
كايد: بلا عناد
مسك ايدها و مشوا لين غرفة الطعام قعد وقعدت عنده وبدوا ياكلون
ام كايد: بعد ما تخلص اكلك توديني عند اخوك المستشفى
كايد: يمه لازم ترتاحين .. ارتاحي وباجر الصبح بوديج
ام كايد: باجر بنروح بيت عمك ابو منال .. وبعدها بيت يدتك
كايد: ليش كل هذا؟!
ام كايد: ها عيل تبا تيب عيال ومحد يدري انك متزوج اصلاً !!
كايد: حاضر
ام كايد: واباك تعتذر من بنت عمك الحين و قدامي
كايد: يمههه
ام كايد: اعتذر قلت .. خليت البنت اتضيع سنين من عمرها وهي تترياك واخر شيء ماخذلي هالغبره
كايد: يمه وبعدين يعني؟؟
ام كايد: هذا الي عندي .. اعتذرر
كايد لف على منال: منال انا ا..
قاطعته تولين وهي تحط ايدها على ثمه: ما سويت شيء غلط عشان تعتذر
ام كايد بعصبيه: الولد عصى امه واتقولين ما سويييت شيء غلططط
تولين: كايد ولا مره قال الكلمه هذي .. ليش اتسوين فيه جذيي
كايد: منال انا..
قاطعته منال: مسامحتنك كايد و مب زعلانه .. صح ضيعت كم سنه من حياتي وانا انتظرك بس مب مشكلة خيره .. وانت الله يوفقك ف حياتك و مع حرمتك وان شاء الله نشوف عيالكم قريب
الكل سكت وتم يطالع منال منصدمين
كايد: مشكوره منال
ام كايد: ولا خدامه من الخدم الي عندي يخدمون حرمتك .. اتسوي شغلها بنفسها
كايد: لا تحاتين يمه .. خدمها بيوصلون قريب ان شاء الله
ام كايد: زين .. واذا شفت شيء ما عجبني يويلها مني
مروان: يمههه .. ف خاطري كم كلمه ودي اقولها
ام كايد: شو عندك
مروان وهو يقعد عندها: يمه ابا اطلب منج شغله
ام كايد: انت الحين تبا تطلب ولا تبا تقول شيء
مروان : ابا اطلب
ام كايد: اطلب عيوني لك
مروان: تسلم عيونج يالغاليه .. يمهه طلبتج باجر ابا غدا من ايدج الحلوه
ام كايد: اووه مروان باجر انا بروح عند اخوك
مروان: يمهه ف خاطري اذوق من طباخج مثل قبل
ام كايد: واخوك منو يبجابله
مروان بزعل: خلاص ما ابا شيء .. الحين لو سالم ولا كايد هم الي طالبين جان ركضتي اتسوين لهم .. انتي اصلاً ما تحبيني
عهود: وااااي مروان دراما دراما .. خلاص مب لازم كل اي شيء
مروان: مابا اكل .. باجر لحد يناديني على الغدا
ايمان: خلاص انا بسوي لك مجبوس لحم ومع الحشو الي تحبه بعد
مروان: مابا مابا
كايد: بدينا بالدلع .. المفروض لولو الي تدلع مب انت
مروان: على فكرة ترا انا اخر العنقود مب لولو
تولين بصدمه: صدق!!! .. لولو اكبر عن مروان
ام كايد: هيه لولوه اكبر عن مروان .. اذكري الله لا تحسدينهم
تولين نزلت راسها باحراج
ام كايد: وانت خلاص .. باجر الصبح بروح عند سالم وبرجع بسويلك الي تباه
مروان نقز وحضن امه وتم يبوسها على راسها وايدها وخدودها لين طفرت منه ودزته
ام كايد: بس مروان خنقتني
مروان: يمههههه احبج حب ابدي ما حبج مثله انسان
ام كايد: هههههههه انزين اقعد خلاص .. طفرتني تراك افففف
بعد ما خلصوا الاكل كل واحد راح غرفته وايمان رجعت بيتها وعهود اصرت على منال تنام عندها اليوم .. اما تولين ف سحبتها لولوة لغرفتها وتموا يسولفون وشوي انضم لهم مروان و اصوات ضحكهم ماليه الغرفة
تولين: هههههههههههه مينون مروان كيف فكرت جذي تسوي
مروان: لعوزتني الا تبا تركب معاي .. ركبتها وصار الي صار
لولوه: عاد لا تشوفين شكلها وهي معصبه عليه واتصيح هههههه
تولين: مسكينه عهود هههههههههههه
مروان: تعرفين شو سوت راحت عند عبدالرحمن وسالم تشتكي عليّ .. طبعاً سالم لانه يدور مشاكل هزبني وضربني ضرب
لولوه: لا ويوم ما برد قلبها راحت تركض واتصلت ف كايد وخبرته
تولين: وشو كانت ردة فعل كايد
مروان: قالها انه بيتفاهم معاي .. شوي واتصل فيني وتم ينصحني .. عاد كايد يوم ينصح تقولين شيبه عمره 70 سنه
الكل: ههههههههههههههههههههههههه
تولين: حرام عليك مروان
لولوة: كايد مثل ابوي الله يرحمه.. مثل حنانه وعطفه حتى عصبيته ومزاجيته
مروان وتولين: الله يرحمه
لولوه: تولين كيف تعرفتي على كايد ؟!
تولين: هههههههه .. اول مره شفته ف كوفي هني ف الامارات .. كنت واقفه ف هالطابور الطويل واتريا دوري لين يا كايد وتعدى الكل وراح طلب له .. وقتها عصبت ورحت اتفاهم معاه واهزبه بس هو اول ما شافني ما ادري شو صار فيه تم يطالعني و ساكت ما يتكلم اخر شيء طلع بدون ما ياخذ طلبيته
لولوه: وييييييي يحليله اخوي حب من اول نظره
مروان: الا قولي حب من اول هزبه
الكل: ههههههههههههههههههه
مروان: والله صدق .. وفي بعد عبارة ثانيه يقولونها .. شو هي ياربي شو هي .. هيه اتذكرته ومن الحب ما قتل .. انتي وكايد يقولون عنكم ومن الحب ما هزب
الكل: هههههههههههههههههههههه
قاطعهم كايد وهو يدق الباب ويدخل: انتي هني وانا هناك اترياج
تولين: يت اسولف مع مروان ولولو
كايد: قومي يلا عشان تنامين وترتاحين شوي
تولين: ابا اقعد شوي ما شبعت
مروان: ولا بتشبعين منا
تولين ابتسمت له
لولوه: يلا خلاص تولين روحي مع ريلج شوفي كيف يطالعنا
تولين لفت على كايد: شفيك
كايد بهدوء: قومي يلا
لولوه تقدمت وباست تولين على خدها: تصبحين على خير
تولين: وانتي من اهل الخير
مروان مد ايده: تصبحين على خير يا جميله
تولين مدت ايدها تسلم عليه: وانت من اهله
مروان سحب ايدها وباسها و شرد على طول قبل لا يضربه كايد
كايد: انا براويك اصبر عليّ شوي
مسك تولين من ايدها و طلعوا متوجهين لغرفته .. دخل ودزها على الباب وتم يطالعها
تولين وهي اتطالعه: شفيك
كايد: عادي عندج تخليني اتريا هني على بالي انج ف الحمام اخر شيء تطلعين عند لولو ومروان تسولفين معاهم
تولين: ما كنت ابا اخرب الجو الرومانسي عليك
كايد طالعها باستغراب
تولين: لا تسوي نفسك ما تفهم .. اقصد منال الي كنت تبا تعتذر لها اليوم والي خليتني اطلع مع قوم مروان غصباً عني بس عشان تاخذ راحتك معاها
كايد تم يطالعها وبعدها ابتسم وضرب راسها: غبيه
خلاها وراح ينسدح على السرير .. اما تولين انقهرت من رده وتقدمت صوبه
تولين: الحين انا غبيه ؟!
كايد هز راسه بهيه
تولين: عيل روح عندها .. ام الذكاء
يت تبا تمشي بس مسك ايدها وردها
كايد: لولي من متى وانا عيني على البنات .. لو اباها جان ما يت وطلبت ايدج من اهلج
تولين برفعة حاجب: ما تباها وبغيت تعتذر لها .. انت ف حياتك ما اعتذرت لي ولا قلت لي كلمة اسف
كايد: عشان اسكت امي .. ولا تبين تنامين وتقومين وتسمعين كلام يسم البدن
تولين تمت اتطالعه
كايد:وبعدين لا تقارنين نفسج بالناس .. انتي عندي بكف والعالم كله بكف ثاني
تولين:..
كايد: يلا تعالي نامي .. وايد تعبتي اليوم لازم ترتاحين
يتبع
|
|
|
|
|
|
أنت تقرأ
أنا فيك ضعت وهذا أجمل ضياع
Любовные романыرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
