اليوم الثاني .. عرس سالم و منال
قامت من نومها وهي تحس نفسها ثقيله وجسمها متكسر
قعدت وهي تتذكر كلامها امس مع كايد
تولين: اففف انا شو قلت له .. طلعت كل حرتي فيه لازم اعتذر له و اراضيه ..ولا ليش اعتذر ما سويت شيء غلط كل الي قلته صح .. افف يا ربي شهالحاله
قامت دخلت الحمام واتسبحت و بعدها تلبست وطلعت حطت كريماتها وتعطرت وطلعت ... نزلت تحت و ام كايد وسالم و مروان قاعدين
تولين: سلام عليكم
الكل: وعليكم السلام
ام كايد: تأكدتي من فستان منال ؟!
تولين: هيه عموه بيطلعون مجموعه الحين عشان يساعدونها تلبس الفستان وبالمره اذا صار شيء يتصرفون .. و الميكب ارتست بعد بتكون معاهم
ام كايد: زين زين
تولين لفت على سالم: البشت جاهز؟!
سالم ابتسم: اكيد
تولين ابتسمت له
شوي يت رودينا
رودينا: صباح الخير ست تولين
تولين: صباح النور رورو
رودينا: بدك تفطري هلأ ولا بعدين على رواء ؟!
تولين: لا مابا اكل .. بس عطيني ادويتي
رودينا: طيب بتحبي تشربي عصير اورانج ؟!
تولين: لا رورو بس عطيني ادويتي مع ماي بارد
رودينا: لك يا ست تولين ما بيصير هيك .. لك السيد كايد بيبهدلني بعدين
تولين: ما عليج حبيبتي .. بس سوي الي قلت لج عنه
رودينا: طيب بتكرمي
مروان: لولي فيج شيء؟!
تولين هزت راسها بلا
شوي دخل كايد وشافهم قاعدين
كايد: السلام عليكم
الكل: عليكم السلام
كايد وهو يطالع سالم: حجوزاتك صارت جاهزه
سالم ابتسم: مشكور اخوي
ام كايد: وين بتسافرون ؟!
سالم: ما اقدر اسافر .. بنقضي ليلة ف برج خليفه و ليلة ف يخت وبعدها بنرجع البيت
ام كايد: تمزح انت .. ليش ليلتين !!
سالم: امايه عندي دوام
ام كايد: كايد ما عطيت اخوك اجازه
كايد: خلص اجازاته وبعدين ما عنده راتب كيف بيسافر .. برايه ليلتين الحين ومتى ما تعدلت اوضاعه يروحون المكان الي يبونه
ام كايد: والبنت شاورتوها ولا بس جذي من راسكم
سالم: خبرتها و وافقت
ام كايد: والله نفس هالمنال ما بنحصل ذهبه .. لو وحده غيرها جان سوت لنا بدال العرس عرسين
كايد: تولين الحقيني المكتب
تولين: ليش ؟!
كايد: اباج ف سالفه .. تعالي
قامت تولين ومشت معاه للمكتب دخلوا وقفل الباب و لف عليها
كايد: متى قمتي؟!
تولين: قبل شوي
كايد: كيف نفسيتج اليوم ؟!
تولين تمت اتطالعه
كايد تقدم صوبها ومسك ويهها: امس كنتي معصبه .. شو قالوا لج
تولين: ماشيء
كايد: لو صدق ماشيء ومب هامج الموضوع ما كنتي قلتي الكلام الي سمعتيني اياه ولا تصرفتي التصرف الي تصرفتيه امس
تولين بعصبيه: يعني ما اقدر اعيش براحتي ف هالبيت .. كيفي اتصرف التصرف الي اباه عندك شيء قوله لا تقعد كل شوي تعيد نفس الكلام Ich habe diese Situation satt
كايد تم يطالعها
تولين: لا تضغط عليّ .. هالفتره مب قادره اتحمل حد حتى انت .. كل شيء فوق طاقتي لا تضغط عليّ عشان ما اغلط على حد ولا تحاسبني على افعالي انا حره اسوي الي اباه
كايد: مليتي مني؟!
تولين طالعته
كايد مسك ايدها وقعدها على الكرسي: بعطيج شيء
طلع من كبت المكتب كيسه ومده لها
تولين: شو هذا؟!
كايد: هدية منال
تولين رفعت حاجبها وطالعته
كايد: هدية زواجها .. عطيها وقولي لها انه مني ومنج
تولين تمت اطالع الكيسه
كايد: فتحيه وشوفي اذا تبين
فتحت تولين الكيسه و طلعت البوكسات الي فيه
أنت تقرأ
أنا فيك ضعت وهذا أجمل ضياع
Romanceرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
