وقت الغدا تجمعوا الكل الا كايد و سالم
رودينا: ست تولين بدك شي ئبل ما تاكلي؟!
تولين: لا رورو فديتج .. روحي تغدي انتي وارتاحي
رودينا: طيب و ادويتك لازم تاخذيهم ست تولين
تولين: بعدين باخذهن روحي الحين انتي تغدي وارتاحي
رودينا: الي بيريحك .. ناديني بس تحاتجي شي
تولين: حاضر من عيوني
شوي دخلوا كايد وسالم
: السلام عليكم
الكل: عليكم السلام
ابتسمت له تولين وقامت لين عنده وحضنته وهو بادلها الحضن
كايد: شحالج؟!
تولين: الحمدلله بخير
ام كايد: يلا تعالوا تغدوا
قعدوا يتغدون وشوي يابوا العصير و يت الخادمه تبا تصب لهم و وقفتها عهود
عهود: خليه لا تصبين .. تولين بتصب لنا
تولين تمت تاكل ومطنشتنها
عهود رفعت حاجبها: تولين بتصب لنا العصير
تولين رفعت راسها لها: كلمتيني؟!
عهود: العصير .. صبيه انتي
سالم: عهود هذا شغلة الخدم
عهود: ما نبا خدمة الخدم اليوم .. عندنا تولين
ام كايد: عهود
عهود: صبي شو تترين !
تولين لفت على كايد اتطالعه ولقته ياكل و لا هامه الموضوع حتى ما لف طالعها .. انقهرت منه ان تم ساكت ولا تكلم
عهود بصوت شوي مرتفع: ما تسمعين ؟!!!
تولين طالعتها بغيض: لا تصارخين انا ما اشتغل عندج .. تبين عصير في خدم يخدمونج خبريهم بيصبون لج العصير اما اذا ما بغيتي اتعبينهم اشتغلي بدالهم و وفري على اهلج المصاريف الي مالها داعي
خلتهم وراحت فوق غرفتها .. انتبه لها كايد و استأذن من الكل وقام راح غرفته .. دخل ولقاها قاعده تمشط شعرها .. تقرب صوبها وحضنها ..ابتعدت عنه وقعدت على السرير .. تقدم صوبها مستغرب حالها
كايد: لولي فيج شيء .. متضايقه من شيء؟!
تولين طالعته ورفعت حاجبها: وين كنت لما كنا نتغدا تحت؟!
كايد عقد حوايبه: ما فهمت
تولين وهي تأشر على راسه: هذا وين كان لما كنا نتغدا !!
كايد: شغل
تولين: سمعت اختك شو قالت لي ولا؟!
كايد: شو قالت؟!
تولين وقفت بعصبيه: كايد ابا اروح بيتي ما ابا اقعد هني خلاص
كايد: شو مستوي؟!
تولين رفعت حواجبها بتعجب: مب طبيعي تراك .. يعني ما سمعت عهود شو قالت لي قدام الكل .. تباني انا اصب عصير وتتأمر عليّ كأني خدامه عندها
كايد تم يطالعها
تولين تنهدت: كايد انا بتحمل كل شيء عشانك .. حتى كره امك لي بتحمله .. لكن عهود مستحيل اتحملها مستحيل
تقرب من تولين ومسك ويهها: وعد مني لج اني بكلمها وبفهمها .. لا تشلين بخاطرج واهدي
تولين ابتعدت عنه: في فرق بأنك تكلمها وانك توقفها عند حدها .. بس انت ابداً ما بتتحرك كل همك اهلك ورضاهم وانا لو اموت قدامك ما بتتحرك خطوه وحده
رفعت شعرها وطلعت من الغرفه .. راحت غرفة لولوه وما حصلتها .. راحت غرفة مروان دقت الباب ودخلت لقتهم ف الغرفه
مروان: اووه حرمة اخوي يايه عندنا اليوم .. اعترفي اشتقتيلي صح؟!
تولين: هيه
مروان وهو يهد جهاز البلايستيشن: تعالي اقعدي
تولين وهي تشوفهم: ما تبون تطلعون الحديقه؟!
لولوه: لا منالوه وامها بعدهم تحت
تولين: افففف
مروان: هههههههههههههه منغثه منهم؟!
تولين: منغثه من حياتي .. ابا اطلع من هني ابا اروح بيتي
لولوه: لولي لا تكفين .. محد مصبرني على العيشه هني غيرج .. وين تبين تطلعين وتهديني !
مروان: صدقها لولو .. ادري مب قادره تتحملين امي وعهود وحركاتهم .. والي بيزيد الطين بله منال الي بتي بعد اسبوع بس بعد محد مصبرنا على الارف هذا غيرج
تولين: تعالوا معاي
مروان: هههههههه .. ما يستوي
تولين: اففففف
لولوه: انزين اقولكم
مروان وتولين: قولي
لولوه: باجر عندي اجتماع اولياء امور
مروان قاطعها: لا تداومين باجر و قولي لهم اي عذر لما بتداومين
لولوه: ما اقدر .. انا ثانويه عامه وباجر وقت تسليم الشهايد ما بيعطونا اياها الا اذا حضر ولي الامر
مروان: خلاص خبري امايه او عهود شوفيهم
لولوه: تعرف ان اهلك ما بيقتنعون
مروان: انتي كلميهم اول شيء حني فوق راسهم لين يوافقون .. اذا رفضوا نشوف لج حل بعدين
لولوه: افففف زين
شوي اندق الباب
تولين: شوفوا لو اخوكم خلوه يطلع
مروان قام فتح الباب: هذي رودينا
تولين لفت عليها: هلا رورو بغيتي شيء
رودينا: حضرت لك غدا ما اكلتي شي تحت
تولين: ما ابا رورو تسلمين
رودينا: ست تولين ما بيصير هيك لك لازم تاكلي عشان تاخذي ادويتك
تولين: زين حطيه ف الحديقه بنزل الحين
رودينا: تكرم عينك
طلعت رودينا وتولين تمت تسولف بعدها نزلوا الحديقه
~~~~~~~~~~~~~~~~~~~~~~~~~
عند خالد .. كان طالع مع جمال و حور
جمال: وين تبون تروحون؟!
حور: الحديقه
خالد: روح الحديقه بس نرد بسرعه باجر وراج مدرسه
دقايق وصلوا الحديقه و نزولوا تمت حور تلعب اما خالد و جمال تموا قاعدين يشوفونها ويتكلمون
جمال: يلا قول شو فيك .. ليش متوتر هالفتره ؟!
خالد: احبها
جمال عقد حوايبه ولف عليه:منو !!
خالد: لولوه
جمال بطل عينه وقال بصوت عالي: شووووووووههههه
خالد لف عليه: بلاك تصارخ
جمال: خالد انت تعرف شو تسوي كيف تحبها وانت تعرف ان مستحيل يصير شيء بينكم .. غير جذي البنت صغيره وايد صغيره
خالد: 18 سنه صغيره!
جمال: 17 قصدك
خالد: عيد ميلادها بعد يومين
جمال: اسمع خالد انت بيت لين الحين ما عندك .. ولا تنسى ان كايد يعتبرك اخوه واكثر ومعيشنك ف بيته ومعطيك سياره وراتب الكل يتمناه ويعاملك احسن معامله والاهم من هذا كله انه يوثق فيك و يحترمك .. لا تدمر علاقتك معاه بسبب مشاعرك .. وبعدين لا تنسى عندك بنت و مطلق يعني مستحيل يقبلون فيك
خالد: انت ليش يالس تحبطني الحين .. ع الاقل قول كلمه تسر الخاطر وتريح القلب اففففف
جمال: هذا الصدق ليش تكذب على عمرك وتوهم نفسك بأشياء ما بتصير!
خالد: تعرف شو .. ندمت اني خبرتك قوم قوم خلنا نروح
جمال: حور يالسه تلعب خلنا قاعدين شوي
خالد: عندك فلوس؟!
جمال: كم تبا؟!
خالد: 50 اخاف الحين تيوع وتبا تاكل شيء وانا ما عندي
جمال طلع من مخباه وعطاه .. شوي رن فون خالد برقم غريب رد عليه
خالد: الو
: اشتقت لي؟!
خالد وقف من سمع صوتها وابتعد: ليش متصله ؟!
: ابا بنتي
خالد: جميله انا طلقتج وانتي فريتي بنتج بارادتج ليش تبينها الحين
جميله: والله يا خالد اذا ما شفتها اليوم .. والله لارفع عليك قضيه سمعتني ولا لا
خالد: بتشوفينها لكن من بعيد لا بتكلمينها و لا تقربين صوبها فهمتي
جميله: اهم شيء اشوفها
خالد: بتشوفينها .. وبعدها لي كلام معاج
جميله: وينك بي لين عندك؟!
خالد: ف حديقك ال..
جميله: قريبه انا دقايق وبوصل عندك
أنت تقرأ
أنا فيك ضعت وهذا أجمل ضياع
Romanceرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
