أنا فيك ضعت وهذا أجمل ضياع

𝘗𝘢𝘳𝘵3

نقدم الاحداث .. المانيا / 9:30
فتحت عيونها وما حصلته .. عقدت حوايبها ولفت اتشوف الساعه .. شهقت وقامت بسرعه واتسبحت وكل شيء و بعدها طلعت وهي لابسه الروب .. شوي سمعت صوت الباب
تولين: تفضل
ايمي: صباح الخير سيده تولين
تولين ابتسمت: صباح الخير
ايمي: سيدتي الفطور اصبح جاهزاً
تولين: اين كايد؟!
ايمي: خرج قبل قليل
تولين عقدت حوايبها: هل اخبركم الى اين سيذهب
ايمي: لا لم يخبرنا .. لقد خرج مع السائق
تولين: حسناً يمكنك الذهاب الان
ايمي: والفطور يا سيدتي
تولين: لا اريد
طلعت ايمي اما تولين اتصلت على كايد وما رد عليها .. تنهدت ودخلت تتلبس
~~~~~~~~~~~~~~~~~~~~~~
الامارات / 11:30
عند مروان .. بعد ما خلص من مدرسته طلع مع خالد و راحوا مدرسة لولوة .. نزل ودخل عشان يستأذن للولوة ورفضوا
مروان: شو الي ممنوع انا اخوها والهويات موجوده
المشرفه: اخوي اذا تبا اتطلع اختك لازم حد كبير من اهلها مب انته
مروان: اول مره اسمع بالموضوع هذا .. يعني اذا انا طلعتها بخطفها مثلاً ولا حرام ما فهمت
المشرفه: انا اسفه بس اذا تبا اختك لازم حد كبير يستأذن لها
مروان: معاي السايق
المشرفه: السايق مب ولي امرها
مروان: اففف شو هالحاله ياربي
تم يفكر شوي وبعدين ابتسم وطلع فونه واتصل عليه .. ثواني وسمع صوته
كايد: الو
مروان: كايد
كايد: نعم
مروان: اسمع ابا اطلع لولوة من مدرستها ورافضين اونه لازم حد كبير يطلعها .. ومعاي الهويات وكل شيء بس رافضين
كايد: انزين؟
مروان: اباك تكلمهم عشان اقدر اطلعها
كايد: وانت ليش تبا اتطلعها ؟
مروان: بقولك بعدين بس انت الحين كلمهم
كايد تنهد : انزين عطهم التلفون خلني اكلمهم
مروان مد الفون للمشرفه ودقايق رجعت له الفون ونادت لولوة .. تم مروان ينتظرها شوي يت لولوة
لولوة: مروان
مروان لف عليها وابتسم: يلا عشان انروح
لولوة: تأخرت عليك
مروان: لا عادي .. خلينا نطلع
لولوة: لحظة لازم تاخذ ورقة خروج واتوقع
مروان: شو ها الاجراءات استغفر الله
وحده من البنات بصوت عالي: لولوة
لولوة لفت عليهم باحراج
البنات بصوت عالي: هذااا اخووج ؟!!
لولوة شافت مروان وبصوت خفيف: خلص بسرعه لان الفضايح هذي انا ما احبها
مروان: ههههههههههههه انزين صبر
لولوة: مروان شو تكتب هالكثر اففف
مروان: رقم الهويه
لولوة : خلاص عطني انا بكتب
مروان: صبري شوي
تم يكتب وبعد ما خلص واستلم ورقة الخروج مسك ايدها وطلعوا ( مروان اطول عن لولوة ف اللي يشوفهم مع بعض يقول مروان اكبر عن لولوة 😂)
فتح لها الباب وركبت وهو ركب الصوب الثاني
لولوة: الحين وين بنروح ؟
مروان: تبين مكان معين ؟
لولوة: لا عادي
مروان: خلاص عيل انا قلت له وين يروح .. بس طبعاً ما بننزل بنحوط ف السيارة بس
لولوة: ليش عاد خلنا ننزل
مروان: اخوج الدب يحوط الحين لو شافنا بيروح يخبر امج وبتستوي سالفه
لولوة: قصدك سالم
مروان: في غيره
لولوة سكتت عنه وبعدها لفت عليه
لولوة: تدري ان اليوم الصبح قال لأمي جابلي بنتج النفسيه اونه سبيها وسوي فيها الي تبين ما بتتكلم .. ما ادري منو قاله اني حجر وما احس
مروان: ما عليج منه خليه يولي .. خالد شغل اغاني خلنا نستانس
خالد: حاضر طال عمرك
~~~~~~~~~~~~~~~~~~~~~~~
بيت ام كايد .. كانت قاعده مع ام منال وبنتها ومعاهم عهود
ام كايد: ها سلامة ( ام منال) شو الاخبار عندج؟!
ام منال: والله يا منى ( ام كايد) الاخبار عندج
ام كايد تنهدت: ادري تبون تعرفون عن كايد
ام منال: لا تلومينا يا منى انتي عارفه ان البنت خطاطيبها زادوا و رديناهم عشان كايد .. بس ما شفنا شيء لين الحين
ام كايد: والله يا سلامة في كل مره اكلمه يقولي شغل .. انتي تعرفين ابوه قبل لا يتوفى كان نفس الشيء كله مشغول والحين كايد هو الي استلم الشغل بداله
ام منال: عبدالرحمن الاكبر المفروض هو الي يستلم الشغل مب كايد
ام كايد: عبدالرحمن سلم الشغل كله لكايد .. يعني الشركات حالياً شركات كايد وعبدالرحمن يشتغل عنده
عهود وهي تحاول تغير الجو شوي : منول تدرين اني اكلم كايد كل يوم الفليل ودايماً يسألني عنج هههههههه
منال: صدق!!
عهود: هيه صدق .. واذا تبين بتصل فيه الحين وبكلمه قدامج
منال ابتسمت بحماس
عهود وهي تسحبها من ايدها: تعالي معاي
طلعوا للحديقه وعهود اتصلت ف اخوها كايد<< مسكين هالكايد كل شوي حد متصل فيه 😂😂
دقايق رد عليها .. حطت اسبيكر ومنال تقربت عشان تسمعه بوضوح
كايد: الو
عهود: السلام عليكم
كايد: وعليكم السلام .. هلا عهود شحالج؟
عهود: بخير الحمدلله
كايد: شحال امايه والبيت ؟
عهود: زينين
كايد: والاهل شحالهم؟
عهود وهي تغمز لمنال الي استحت: بخير ويسلمون عليك
كايد: الله يسلمهم من كل شر
منال بهمس لعهود: شكله متضايق من صوته .. سأليه شفيه
عهود: كايد فيك شيء .. شكلك متضايق
كايد غمض عيونه: لا ما فيني شيء بس مضغوط بالشغل
عهود: الله يعينك عاد .. انزين كايد متى بترد ترا اشتقنالك
كايد: قريب ان شاء الله
عهود ابتسمت: زين عيل ما ابا اعطلك عن شغلك .. بكلمك بعدين
كايد: انزين .. انتبهي على نفسج وسلمي على الي حواليج
عهود: يوصل .. باي
سكرت منه ولفت على بنت عمها
عهود: سمعتيه ولا لا؟
منال: سمعته سمعته .. احبه اخوج هذا احبههه
عهود ابتسمت: ان شاء الله اشوفج عروس واشوف ايدج بايده
منال: امييين يارب امييييين
~~~~~~~~~~~~~~~~~~
عند مروان و لولوة .. كانوا واقفين قدام محل الكوفي ويتريون طلبيتهم
مروان: خالد اطلب لبنتك بعد
خالد: لا طال عمرك .. بنتي ما تشرب كوفي
مروان: انزين عصير
خالد: بالعافيه عليكم
لولوة: خلها اليوم تتغدا عندنا
خالد: لا يالشيخه ما ابا اكلف عليكم
لولوة: لا كلافه ولا شيء .. خلها تتغدا عندنا اليوم
خالد: خلاص بسألها اذا طلعت من المدرسه
مروان: متى بتطلع هي
خالد وهو يشوف ساعته: الساعه ثنتين بيطلعون
مروان: خلاص ما باقي شيء .. بنروح ناخذ بنتك وبعدها بنروح البيت
خالد: حاضر طال عمرك
لولوة: اقول مروان كيف اقنعتهم يطلعوني؟!
مروان: واسطة اخوج ما تقصر
لولوة عقدت حوايبها: اي اخو
مروان: كايد
لولوة ابتسمت: متى بيرد ؟!
مروان: ما اعرف .. كل مره لما اسأله يقولي قريب
لولوة: اباه يرد بس ف نفس الوقت ما اباه يرد .. عشان ما يتزوج منال
مروان: اتخيلي اتجابلينها 24 ساعه ف البيت هههههههه
لولوة: بعيد الشر
مروان: ههههههه لا تخافين .. كايد مستحيل يفكر فيها حتى
دقايق .. وصلت طلبيتهم وخذوا الطلبيه وتموا يحوطون شوي لين يت الساعه ثنتين وبعدها راحوا مدرسة حور .. طلعوا البنات وطلعت من بينهم حور .. ركبت السياره وسكرت الباب بدون ما تتكلم
خالد: سلمي انزين
حور: ابا ارد البيت
خالد: بروح القصر اول
حور: اففف
خالد: لا تتأففين .. وبعدين ليش شعرج جذي
حور:
مروان: حور شحالج ؟
حور لفت ورا وشافتهم
مروان ابتسم: شحالج يا حلوه
حور: مب بخير
مروان: افا ليش
حور: بس
مروان: انزين شرايج تتغدين عندنا اليوم ؟
حور طالعت ابوها وبعدين طالعت مروان: لا ما ابا .. زعلانه انا اليوم
لولوه: فديت الزعلان هههههه
حور عدلت قعدتها وحطت راسها على الشيء الي بين كرسي السايق والكرسي الي عنده << ما اعرف اسمه 😅 ونامت
بعد دقايق وصلوا القصر وخالد بطل لمروان ولولوة الباب ونزلوا
مروان: تغدوا هني اليوم
خالد: ما عليه طويل العمر بس لازم ارد البيت لان حور نايمه
مروان: خلاص على راحتك
ركب السياره وتحرك على بيته ونزل وشلها ودخل داخل بعد ما قفل السياره .. دخل غرفتهم وفصخ لها شوزها " وانتو بكرامه" بدل ملابسها وبعدها دخل وبدل ملابسه وانسدح عندها ونام من التعب
~~~~~~~~~~~~~~~~~~~
عند كايد .. كان قاعد على مكتبه يشتغل .. وبعد ما خلص نص اشغاله طلع و ركب السياره ورد لقصره .. دخل و لقى الخدم يشتغلون .. صعد الغرفة واول ما فتح الباب لقاها اتطالع المرايه وتعدل فستانها البسيط والقصير .. ابتسم لما شافها تلف عليه بدهشه
تولين: وصلت؟! .. ليش وصلت بسرعه بعدني ما خلصت !!
كايد: ما بتسلمين عليّ ؟
تولين بزعل: تؤ ما بسلم .. بعدني ما خلصت
كايد: خلاص انتي خلصي وانا بقعد ف البلكونه
تولين: زين
قعد ف البلكونه اما تولين عدلت شعرها وحطت لها روج احمر وتعطرت وبعدها طلعت له ف البلكونه .. لقته سرحان ويدوخ زقارته .. وقفت قدامه وانتبه عليها .. مسك ايدها وقعدها على ريله .. تقرب وباس رقبتها وهو يشم ريحتها
همست: حبي
ابتعد عنها وشافها
تولين: ما تشبع
كايد: ما اشبع منج
تولين: اقصد الزقاير .. ما تشبع منهم
كايد وهو يطالع بعيد: لا
عرفت ان ما في فايده تناقشه الحين .. مسكت ويهه ولفته صوبها
تولين: كيف كان يومك ؟
كايد: كان ناقص والحين اكتمل
ابتسمت على كلامه ويت تبا تتكلم بس قاطعها صوت الباب .. قامت وبطلت الباب وكانت وحده من الخدم
ايمي: مساء الخير سيدتي .. الغداء اصبح جاهزاً الان
تولين: حسناً .. نحن قادمان الان
سكرت الباب ولفت على كايد
تولين: حبي .. الغدا جاهز
وقف وطلع من البلكونه ومسك ايدها ونزلوا يتغدون مع بعض

يتبع
|
|
|
|
|
|