أنا فيك ضعت وهذا أجمل ضياع

𝘗𝘢𝘳𝘵6

الساعه 2:00
ف الميلس .. كانوا لولوة ومروان قاعدين ومشغلين فلم ويطالعون
مروان وهو يعطيها البوبكورن: ما تبين
لولوة وهي مندمجة: لا .. ما احب اكل وانا اطالع فلم
مروان: ترا انتي غريبه تدرين
لولوة: اوك
مروان: هبله حمدلله والشكر
لولوة: اششش
مروان: انزين خلاص سكتنا
دقايق ونزلت عهود .. سمعت صوت ف الميلس و دخلت
عهود: شو تسون هني
مروان: نطالع فلم
عهود: انزين تعال معاي .. طالبه من المطعم و الطلبيه وصلت
مروان: طرشي وحده من الخدم
عهود: مروانوه الساعه ثنتين كلهم رقود .. قوم تعال معاي
مروان وهو يوقف: اوك يلا بسرعه
طلعوا مروان وعهود وخذوا الطلبيه ودخلوا .. وهم داخلين القصر سمعوا صوت التلفون يرن
عهود: مروان روح رد
مروان بانزعاج: وانتوا كله عندكم مروان افف
رد على التلفون: الو
: السلام عليكم
مروان: وعليكم السلام .. هلا اخوي منو معاي؟!
: معاك خليفه من مستشفى ال.. قسم الطوراىء
مروان: هلا
: ولدكم سالم سوا حادث سيارة وحالته خطيره .. ممكن حد يتفضل المستشفى
مروان: شو يعني
: اخوي في حد غيرك اقدر اكلمه
مروان: عهود تعالي
عهود باستغراب: شفيك
خذت التلفون وفجأة وقفت بصدمه: انت شو تقول .. ومتى صار الحادث .. اوك اوك الحين يايين
ركضت عهود ودخلت عند امها وخبرتها ودقايق البيت كله درا واصوات صياحهم ملت البيت
~~~~~~~~~~~~~~~~~~~~~~~
ف بيت خالد .. كانوا قاعدين يلعبون
خالد : بلا غش انتو الاثنين
حور: ههههه محد يغش انت ما تعرف تلعب
خالد: واضح .. وانتي ليش قاعده عنده تعال هني عندي
جمال: هههههههههه شو تبا فيها خلها قاعده عندي
خالد وهو يفر الكروت: خلاص ما بلعب .. انتو غشاشين
حور وجمال: ههههههههههههههههههه
خالد طالعهم بضيق وبعدين لف عنهم
جمال وهو يضربه على كتفه: يا ريال شفيك تراها لعبه
خالد لف عليه: انت مطول هني مب ناوي تروح بيتكم
جمال: شو تطردني من بيتك؟!
حور وهي تحضن جمال: لا لا تروح .. خلك معانا
خالد برفعة حاجب: لا والله .. من متى المحبه .. رحت ورديت واشوفج واقفه معاه وكل قاعده عنده
جمال: بدينا بغيرة الابهات .. يلا يلا قوم ايب لي بطانية ومخده بنام عندكم اليوم
خالد: لا تنام .. روح بيتكم ونام وبعدين كيف بتخلي امك بروحها ف البيت
جمال وهو ينسدح: اولاً امي مب ف البيت عند اختها .. ثانياً البيت ما فيه حد وانا ما احب اقعد بروحي انت تعرفني
خالد: ما تحب تقعد بروحك ولا تخاف
جمال: ههههههههههههه قالو لك خلود
حور وهي تتثاوب: خلود ابا انام
خالد وهو يوقف: يلا قومي ف..
قاطعه صوت تلفونه .. عقد حوايبه ورد: الو
عهود وهي تصيح: خالد وينك ؟
خالد: هلا الشيخة .. موجود انا ف بيتي
عهود: تعال بسرعه القصر
خالد: خير الشيخة صاير شيء .. عسى ما شر
عهود: سالم مسوي حادث .. تعال بسرعه
خالد: حاضر الحين ياينكم
سكر من عندهم ولف على بنته وربيعه: لازم اروح
جمال: وين رايح ف هالليل
خالد: سالم مسوي حادث .. لازم اروح .. جمال..
جمال قاطعه: بنتك ف عيوني لا تحاتي
خذ المفتاح وطلع وهو مستعيل .. وصل القصر ونزل وبطل لهم الباب وطيران على المستشفى
~~~~~~~~~~~~~~~~~~~~~~~
المانيا / 12:00
كانت ف غرفتها تتجهز عشان تنام .. شوي دخل عليها وشافها تمشط شعرها
تولين وهي تشوفه: خلصت شغلك؟!
كايد وهو ينسدح بتعب: هيه الحمدلله
تولين: جهزت لك الحمام عشان تتسبح وتريح شوي
كايد وهو يوقف: تسملين حبي كنت احتاجه فعلاً
تولين ابتسمت له .. وهو دخل يتسبح .. اما تولين بعد ما خلصت خذت فونها وقعدت على الكرسي تنتظره .. بعد فترة شبه طويله طلع بعد ما اتلبس
كايد وهو يرش عطر: لولي شرايج باجر الصبح نطلع نتريق
ما سمع رد ولف عليها مستغرب .. تقدم صوبها ولقاها نايمه على الكرسي واليوتيوب شغال على فونها اتطالع fashion show
كايد وهو يرد شعرها ورا اذنها: لولي .. لولي
تولين تحركت بانزعاج بس ما ردت عليه
خاف يزعجها اكثر .. شلها وحطها على السرير وحط فونها عنده .. سكر كل الليتات و انسدح عندها عشان ينام .. شوي سمع صوت فونه يرن عقد حوايبه ورد على الفون
كايد: الو
مروان: كايد
كايد فز اول ما سمع صوته: هلا مروان .. فيكم شيء؟!
مروان: كايد سالم سوا حادث وحالته خطيره
كايد بصدمه: شووو .. متى هالكلام ؟!
مروان: قبل شوي اتصلوا علينا من المستشفى .. دخيلك كايد تعال .. امي وخواتي كلهم منهارين ومب عارف شو اسوي
كايد: كلمتوا عبدالرحمن ؟!
مروان: كلمته وقالي انه ف الدرب .. بس انت عارف امي ما بتهدا مع عبدالرحمن .. كايد تعال الله يخليك
كايد تنهد: لا حول ولا قوة الا بالله .. ان شاء الله .. بحجز على اقرب طياره وبي عندكم لا تحاتي وخلك مع خواتك .. واي شيء يصير خبرني
مروان: ان شاء الله
~~~~~~~~~~~~~~~~~~~~~~
اليوم الثاني الصبح ف المانيا .. بطلت عيونها على صوته وهو يناديها .. استغربت ليش يواعيها الحين ركزت ف ملامحه وفزت بخوف
تولين: حبي شفيك .. صاير لك شيء؟!
كايد: قومي جهزي اغراضج واتلبسي .. ورانا سفر
تولين عقدت حوايبها: وجذي فجأة .. شو مستوي؟!
كايد: لولي قومي اتجهزي وبعدين بتعرفين كل شيء
طلع وهو يتصل وخلاها قاعده وفوق راسها اكبر علامة استفهام .. قامت اتجهزت وسوت كل الي قالها اياه .. بعد حوالي ساعه او ساعه و نص .. وصلوا المطار وخلصوا كل الاجراءات وقعدوا ينتظرونهم ينادون على رحلتهم
تولين: حبي شفيك شو الي صاير ؟!
كايد: اخوي سالم مسوي حادث
تولين بخوف: شووو ..متى .. وكيف حاله الحين ؟!
كايد بضيق: ما ادري .. ان شاء الله يكون بخير
تولين مسكت ايده تواسيه: ما عليه حبي لا تشل هم .. كلها كم ساعه وبتطمن عليهم
كايد حط ايده فوق ايدها وتنهد: الله يستر
دقايق ونادوا على رحلتهم وركبوا الطيارة وكل واحد يدعي لسالم
~~~~~~~~~~~~~~~~~~~~~~~~
ف المستشفى ..
عبدالرحمن: امايه يلا قومي معاي .. خلونا نرد البيت
ام كايد: ما بتحرك من مكاني
عبدالرحمن: امايه الله يرضى عليج .. قومي تعالي معاي وخلينا نرد البيت .. قعدتكم هني ما منها فايده
ام كايد: خلاص خذ خواتك معاك .. و روحوا البيت
عبدالرحمن: لا اله الا الله محمد رسول الله .. امايه ليش ما تسمعين كلامي .. خلاص قلت لج سالم ما فيه الا العافيه .. خلنا نرد البيت وبعدين تعالي واتطمني عليه مره ثانيه
ام كايد طنشته وتمت تستغفر .. اما عبدالرحمن تنهد و تم واقف عندها
~~~~~~~~~~~~~~~~~~~~~~~~~
ف بيت خالد .. كان يحاول معاها تاكل بس رافضه
جمال: و بعدين يعني .. تبيني ازعل عليج
حور: ما ابا اكل وبابا مب موجود
جمال: ابوج مشغول .. ما يقدر ايي
حور: ما ابا اكل
خذ تلفونه واتصل بخالد .. ثواني و رد عليهم
خالد: الو
جمال: شحالك
خالد بتعب: تعبان الف .. والصداع مليون مب قادر حتى افتح عيوني
جمال: انزين ليش ما ترد البيت
خالد: لازم اتم معاهم .. ما اقدر اتحرك عشان اذا احتاجوا شيء اكون انا موجود
جمال: الله يقويك
خالد: حور وينها .. و كيف حالها؟
جمال: حور موجوده عندي بس ما تبا تاكل الا وانت معاها
خالد: عطها التلفون ابا اكلمها
جمال مد لها الفون وهي خذته:الو
خالد: حور؟!
حور: نعم
خالد: ليش ما تبين تاكلين ؟
حور: لانك مب موجود .. قلت انا ما بتأخر والحين تأخرت وايد
خالد: حور حبيبتي انا وايد مشغول الحين ما اقدر ايي
حور: انزين انا ما ابا اقعد بروحي
خالد: عمج جمال قاعد معاج .. يعني انتي مب بروحج
حور: ابا ايي عندك
خالد: لا ما يصير .. كلي عدل و بعدين ألعبي مع جمال .. لا تلعوزينه انزين؟!
حور: انزين
خالد: يلا مع السلامه
سكر عنها و رد راسه على اليدار وتم يضغط بايده على راسه يحاول يخفف الصداع الي يحس فيه
~~~~~~~~~~~~~~~~~~~~~~~~
نقدم الاحداث .. بعد حوالي 6 ساعات ونص و ف المطار بالتحديد .. خلصوا كل اجراءاتهم وبعدها قعدوا ينتظرون خالد
تولين: ليش ما نروح بتاكسي احسن
كايد: ما عليه حبيبتي .. الحين بيوصل خالد
تولين: حجزت لي ف الفندق ولا احجز الحين؟!
كايد: وليش الفندق ؟
تولين: حبي نسيت ان اهلك ما يعرفون عن زواجنا
كايد: وبيعرفون الحين
تولين مسكت ايده: لا تضغط عليهم اكثر .. تلاقيهم الحين ف حاله ما يعلم فيها الا الله واكيد انهم يحاتون سالم
كايد بدون ما يطالعها: انا قلت الي عندي
تولين تنهدت وحطت راسها على كتفه وهي عارفه ان ما في فايده من الكلام معاه الحين
بعد نص ساعه .. شافوا خالد مقبل عليهم .. وقف كايد وتقدم صوبه وحضنه وخالد نفس الشيء
خالد: الحمدلله على السلامه
كايد: الله يسلمك .. شحالك خالد وشحالها حور؟
خالد: الحمدلله بخير .. شخبارك انت .. لك وحشه يا اخوي
كايد ابتسم وحط ايده على كتفه: وانت اكثر يا اخوي .. شفيه ويهك كأنك تعبان؟!
خالد: لا تشيل همي .. شحالج حرمة اخوي عساج بخير
تولين: بخير الحمدلله
كايد: قولي اخوي .. شفيك ؟!
خالد: يا اخوي لا تحاتي بس لاني من امس وانا معاهم ف المستشفى عشان يعني شوية تعب
كايد: لو قلت لي انك تعبان كنت برد مع التاكسي
خالد: افا عليك يا اخوي انا موجود وترد بتاكسي
كايد: الاهل بعدهم ف المستشفى؟!
خالد: هيه
كايد: يلا خلنا نروح عندهم
خالد: ان شاء الله

يتبع
|
|
|
|
|
|