كايد هد ايدها و سرع خطواته رايح ورا تولين .. تقرب صوب السياره وبطل الباب
كايد: انزلي
تولين:..
كايد: انزلي لا تسوقين وانتي بالحاله هذي .. يلا
تولين: روح عندها
كايد: تولييين انزلييي
نزلت تولين وركبت الصوب الثاني اما كايد حمد ربه وركب وحرك السياره .. وتموا ساكتين و هو ملاحظ انها كل شوي تمسح دموعها
كايد: تراج فاهمه غلط
تولين: ما ابا اقعد ف القصر بعد اليوم .. يا توديني بيتي يا ارجع المانيا
كايد: افهميني
تولين: كايد ودني بيتي
توجه كايد صوب بيته هو و تولين .. و اول ما نزلوا ودخلوا البيت يت تولين تبا تقفل باب الغرفه بس منعها كايد ودخل
تولين: اطلع برا
كايد: اسمعيني وبعدين سوي الي تبينه
تولين: ما ابا اسمع منك شيء اطللع برااااا
كايد: قصري حسج
تولين بصوت اعلى: قلت لك اطللللع برااااا ما ابا اشووفك
مسكها كايد من رقبتها وهمس
كايد: قصري صوتج وبتسمعيني لين اخلص فاهمه!!
دزها وطاحت على السرير
تولين وهي تصيح: اذا ما تحبني ولا تباني ط..
كايد وهو يحط ايده على حلجها: جب
تولين تمت اتطالعه ودموعها ينزلون
كايد: لو طلعتي وراهم على طول كنتي بتعرفين اني كنت واقف برا مع مروان .. ومن طلعوا بغيت ادخل بس وقفتني عهود طلبت مني اتم مع منال واسمعها رفضت عشانج .. قلت ما اقدر لان تولين مب موافقه على الشيء هذا بس عهود عاندت وخذت مروان وراحوا .. عاد منال من راحوا تمت اتصيح و تقولي انها ما تبا سالم حاولت اهديها بس ما في فايده بعدها مسكت ايدي تترجاني اقنع سالم يرفض الزواج هذا .. لاحظي اني قلت مسكت ايدي مب مسكت ايدها .. وبس بعدها شفتج .. فهمتي الي صار اليوم
تولين: ما يهمني
كايد: بس فهمتي شو الي صار بالضبط
تولين:..
كايد وهو يمسك ايدها: كيف طرا على بالج اني احب منال واباها واني يالس اخونج .. كيف؟!
تولين وهي تراويه خدها و رقبتها: شوف هذا و هذا الي هني .. اتشوف؟!! .. كل هذا سويته بس عشان منال بس عشانها هي اليوم مديت ايدك عليّ وزين ما ذبحتني
كايد مسك ويهها: انتي استفزيتيني تولين طلعتيني عن طوري .. الانسانه الوحيده الي تقدر على عصبيتي وتهديني اليوم ولعت النار وزادته بترول .. لو مكاني شو بتسوين
تولين: ما سويت جذي الا من غيرتي وحبي لك ما اباك تقعد معاها وتكلمها مب من حقها عندها اخو عندها ريل عندها ام وابو و ربيعه تقعد معاهم وتتكلم على راحتها شمعنى انت يعني ؟!!
كايد: اشوف رقبتج
تولين: قوم عني
كايد: ما يصير خاطرج الا طيب امري وادللي .. اي شيء تبينه بيصير والحين بعد
تولين: ..
كايد: بتخليني اشوف رقبتج ولا لا؟!
تولين طالعته: مستانس يعني ولا شو ؟!
كايد: ابا اتطمن عليج
تولين: كايد قوم عني .. يا تطلع انت برا يا انا اطلع
كايد: محد بيطلع .. وبعدين ترا بس اليوم بنقعد هني وباجر بنرد القصر
تولين: رد بروحك
كايد: لازم تكونين معاي ما اقدر اخليج بروحج هنيه
تولين:..
تنهد كايد وحط ايده ف مخباه وطلع علبة السجاير عشان يدوخ
تولين: شو تسوي؟!!!
كايد: شو بسوي يعني .. بدوخ
تولين مسكت ايده: هدهم .. نسيت ان الدكتوره مانعتنك
كايد: خاطري فيه .. بس حبه
تولين: كايد اليوم دخت حبه بسك .. ابا عيال دخيلك
كايد تم يطالعها بعدها رجع السجاير ف مخباه
تولين بهمس: افف الحمدلله
كايد مسك ايدها وخلاها تقعد على ريوله
كايد بهمس: احبج .. اعشقج .. امووت فيج
تولين تمت اتطالعه
كايد بعد شعرها الي منسدل على كتفها وتقرب وهو يتحسس رقبتها وبعدها طبع بوسه رقيقه وابتعد
كايد: حقج عليّ .. اخر مره يتكرر الشيء هذا
تولين: لازم تتعلم تضبط اعصابك ما يصير جذي
كايد: حبي تعرفين اني اترك التدخين شيء صعب و اكيد النفسية بتتغير والاعصاب ب..
قاطعته: ادري بس ما توصل للدرجة هذي .. كايد بغيت تقتلني اليوم .. شفت الموت مرتين وانا بين ايديك
كايد: بسم الله عليج يا قلب وروح كايد.. تحمليني حياتي تحملي
تولين: بتحمل .. انا معاك ف كل خطوه تخطيها
ابتسم لها كايد وو ..
و نخليهم بروحهم شوي يتفاهمون .. نروح مكان ثاني شرايكم؟!
~~~~~~~~~~~~~~~~~~~~~~~~~~~~~~
ف بيت عبدالرحمن .. كانت قاعده ف الصاله وتصيح .. شوي مدت له قلاص الماي وخذا منها
عبدالرحمن: مسكي اختي شربي ماي
ايمان: مابا شيء مابا
حنان: ما عليه حبيبتي ايمان اقعدي معاه تفاهموا و بتنحل اموركم
ايمان: يوسف ما قال الكلام هذا الا وراه شيء .. اعرفه ومب مستعده اعيش واتعذب معاه اكثر عن جي
عبدالرحمن: ممكن تهدين .. ما يصير جذي
ايمان: عبدالرحمن دخيلك تروح الحين وتيب اغراضي وبنتي .. خلاص ما اباه
عبدالرحمن: وين اروح الحين .. انتي اهدي وانا ان شاء الله بقوم الصبح وبوديج عند امي وبعد ما تقررين بنشوف شو بنسوي
حنان: وانا بعد اقول جذي .. وبنتج دامها عند ابوها خليها هناك لين تنحل مشكلتكم .. لا تخلينها تعيش وتشوف هالاجواء المتوتره بيأثر عليها بعدين
ايمان هزت راسها بموافقه وتمت تصيح لين هدت وبعدها نامت ف وحده من الغرف الفاضيه
~~~~~~~~~~~~~~~~~~~~~~~~~
اليوم الثاني ف القصر .. كانوا كلهم قاعدين ف الصالة الا كايد وتولين .. وام كايد معصبه من تصرف بنتها
عبدالرحمن: يا امي اهدي ما يصير جذي تعصبين .. انتي فيج الضغط
ام كايد: اسكت انت .. ياي عندي عشان تقول اهدي و اهدي .. وبعدين انت ليش الكبير المفروض اول ما تشوفها عند باب بيتك اتسكر الباب فويهها وتخليها ترجع بيت ريلها .. مب اتقعدها عندك واتطبطب عليها
مروان: يعني تبينها تقتل ولدها بس عشان ريلها ما يطير عنها!!
ام كايد: هيييه .. تقتله عشان ريلها .. وبعدين انتي عارفه ان الريال ما يبا عيال ليش تحملين
ايمان وهي تصيح: مب بايدي يمه شو تبيني اسوي
ام كايد: انا بقولج شو تسوين .. سالم قوم وصل اختك بيت ريلها واعتذر من الريال .. و يويلج لو شفتج يايه عندي مره ثانيه فاهمه ولا لا
عبدالرحمن: يمههه كيف ترضين ان بنتج تنذل وتنهان جذي ... تقولج الريال يباها تعق الجنين وانتي تبينها ترجع كيف يطاوعج قلبج وانتي تقولين لها اقتلي رووح عشان الريال ما يطلقها !!
ام كايد: ما عندي بنات يرجعون القصر مطلقات .. شو تبون العالم تقول عنا باجر .. والله ان اتطلقت محد بياخذها ولا بيطل فويهها
ايمان: شو يمه الحين انا صرت منبوذه.. خلاص ما تبيني .. مب بنتج انا .. ليش جذي تعامليني ليش تبين تعذبيني معاه
ام كايد: لا مب بنتي انتي بنت ابوج .. والحين تطلعين من هني قبل لا انادي الحرس يطلعونج .. يلاااا
ايمان: الله يسامحج يا امي الله يسامحج
وطلعت برا البيت
~~~~~~~~~~~~~~~~~~~~~~~~~
عند كايد وتولين
طلع من الحمام ( وانتو بكرامة) ولقاها بعدها نايمه .. تقرب منها
كايد: لولي .. لووولييي
تولين:..
كايد وهو يهزها: لولي
تولين: هممم .. شو تبا خلني نايمه تعبانه
كايد: قومي حبيبي يلا .. ما تبينا نطلع
تولين بطلت عيونها: وين بنروح
كايد: المكان الي ف خاطرج
تولين وهي تقعد: ابا أروح اشوف الخيول .. مشتاقه للجازي و شقرا
كايد: حاضر من عيوني
تولين: شرايك ناخذ لولو و مروان معانا
كايد: بس لولو ومروان ؟!
تولين: وناخذ حور بنت خالد
كايد: خلاص الحين بكلمهم عشان يستعدون
تولين: بروح اتجهز
يتبع
|
|
|
|
|
|
أنت تقرأ
أنا فيك ضعت وهذا أجمل ضياع
Romanceرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
