رواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
ف المستشفى كان واقف برا ينتظر الدكتور يخلص من عندها .. بعد طول انتظار طلع الدكتور وشرح له وضعها و سمح له يدخل يشوفها .. دخل عليها وشافها اتطالع الدريشه خالد: الحمدلله على سلامتج جميلة لفت عليه: الله يسلمك خالد تقدم صوبها: شو تحسين الحين ؟! جميلة: ما شيء خالد عقد حوايبه: وليش حضرتج مب ماكله شيء من كم يوم زين جذي الحين طحتي من الدري ؟!! جميلة تمت اتطالعه: انت السبب خالد: كيف يعني انا السبب!! .. جميلة هذي صحة مب ا.. قاطعته: ليش ما تنادني مثل قبل ليش تناديني جميلة !! خالد: هذا اسمج جميلة: ابا اطلع ما ابا اتم اكثر هني خالد: ارتاحي شوي البيت ما بيطير جميلة: مابا خالد: مب على كيفج جميلة: بتكلم الدكتور ولا اضغط على الزر واكلمه بنفسي خالد: بكلمه خلاص طلع خالد و كلم الدكتور ورخصها وصرف لها ادويه .. راح خالد الصيدليه وخذ الادويه وبعدها راح عند جميله وساعدها لين ركبوا السياره وتحرك متجه صوب بيتها .. بعد مده نزل وساعدها تنزل و وصلها لين غرفتها عشان ترتاح خالد: خليهم يسوولج اكل و بعدها خذي دواج جميلة: و.. قاطعها صوت فون خالد يرن .. رد عليه بعد ما شاف الاسم خالد: هلا لولو غمض عينه بعد ما قال الاسم لولوه: خالد وين رحت حور يت عندي تقول طلعت تركض واسعاف ما فهمت عليها؟! خالد: واحد من الربع تعبان شوي ويت اشوفه .. طمني حور ما فيني شيء لولوه: اكيد ما في شيء؟! خالد: اكيدين اطمنوا .. شوي وبرد البيت لولوه: تمام .. باي خالد: باي جميلة: هه خايف تخبرها انك معاي ولا خايف على مشاعرها عن تزعل خالد: جميلة جميلة: لا تقول جميلة لا تناديني بالاسم هذا اكرههه خالد: شو تبيني اقول يعني اسمج هذاااا !! جميلة: وين راحت جميلتي ها وييينن!! خالد: طلقتها .. لا تنسين طلقتها جميلة: طلقه وحده طلقههه وحدههه بس خالد: لا تحاتين بكملهن جميلة وهي تصيح: ليش تسوي فيني خالد ليش .. انا احبك خالد: وبعدين معاج .. شو فيج انتي الطيحة اثرت عليج ؟!! جميلة: ليش ما قلت لها الصدق ليش كذبت عليها ليش ما قلت انك عندييي خالد: ما اباها تزعل جميلة: تدري شصار فيني ذاك اليوم لما شفتك واقف معاها ف محل الذهب و تختارون ذهب لبنتي؟!! >> وهي تضربه<< متتت مت من الغيره كان ودي اصارخ واضربها .. اشوفها قريبه منك وايدك ف ايدها واتسولفون مت .. انت لي بروحي كيف هذي تشاركني فيك ما اتحمل الفكره هذي .. خالد انا احبك واموت فيك ليش تسوي فيني جذييي خالد وهو يمسك ايدها ويصارخ: لو تحبيني مثل ما تقولين ما فريتي بنتج و رحتي تسرحين وتمرحين .. بنتج ربيتها سبع سنين بروحي ولا دريتي عنها .. الحين يايه تبين كل شيء يكون مثل قبل!! .. مينونه انتيييي دزها على السرير وطلع وهو يسمع صوت صياحها .. خطف على المطبخ وامر الخدامه تسوي لها اكل وتعطيها و تخليها تاخذ دواها .. بعدها ركب سيارته وتحرك راجع القصر ~~~~~~~~~~~~~~~~~~~~~~~~ نقدم الاحداث .. المغرب بلغت ام كايد الكل انهم معزومين ف بيت ابو منال بمناسبة خطبة سالم ومنال وانهم لازم يكونون مستعدين ام كايد: كايد بلغ حميد خله يجهز السياره الكبيره عشان نطلع كايد: امايه فيج شيء .. احسج متضايقه ام كايد: لا فديتك انا بخير كايد وهو يتقرب منها: يمهه اذا فيج خ.. قاطعته ام كايد: ما فيني شيء انت كلم حميد و خلكم جاهزين بنطلع بعد صلاة العشا خلتهم و دخلت غرفتها .. لف كايد على اخوانه وخواته كايد: حد كلمها ؟! مروان: انا كلمتها كايد: ضايقتها مروان صح؟! مروان وقف: موضوع بيني وبينها سالم عقد حوايبه: كيف يعني موضوع بينك وبينها وانت ما تروم تمسك لسانك ما تعرف ان فيها الضغط .. غبي غبي!! مروان تقدم صوبه: شو يعني ما اتكلم مع امي ولا شووو سالم: لا لا تتكلم حط لسانك ف حلجك واسكت ولا يطلع صوتك فاهم !! كايد: وبعدين معاكم انتو الاثنين بس خلاص مروان تنهد: كايد بروح العين كايد: ليش الحين يعني؟! .. وبتروح تقعد مع منو ؟! مروان: بقعد ف القصر هناك ولا بيت ربيعي سالم: ناقصين نحن مشاكل .. ما يسدك مشكلة المخدرات ناوي تعقنا ف مشكلة ثانيه!! مروان بعصبيه: ممكن افهم شو مشكلتك معاي ؟!!!! تولين تقربت منه: مروان تعال معاي فوق يلا مروان دزها: قومي عني انتي بعد!! كايد بصوت عالي: مروان مروان طنشهم و راح غرفته .. تقرب كايد من تولين الي كانت طايحة على الارض و تتألم كايد: تعورتي؟! تولين همست: ليش وايد يعصب ؟! كايد ساعدها توقف وخلاها تقعد على الكرسي عهود: سالم خف عليه شوي .. تراه مراهق اخاف يسوي شيء نحن في غنى عنه سالم: ما عليج ما يقدر يسوي شيء عهود: ما نبا موضوع ابوي يتكرر لف عليها كايد بعصبيه: عهووووود!! عهود بخوف: اسفه كايد: ما ابا الموضوع هذا ينذكر مره ثانيه .. مفهوووم!! عهود بلعت ريقها: ح حاضر كايد: يلا قوموا اتجهزوا .. وبعد ما نرجع لي جلسة ثانية معاكم ~~~~~~~~~~~~~~~~~~~~~~~~~ بعد ساعه الكل بدا يتجهز ويتكشخ عشان عزيمة ابو منال ف غرفة كايد و تولين كايد: لولي خلصي بسرعه ما نبا نتأخر عليهم تولين طلعت و فايدها لبسين: حبي احترت شو البس هذي ولا هذي كايد: اي شيء عليج حلو .. البسي الي يريحج تولين: يعني ساعدتني جذي ؟!! كايد: ههههههههه لولي اختاري اي شيء عشان نطلع بنتأخر تولين: بتختار ولا ايب الي ف الكبت كله عندك كايد: لا .. اممم اشوف البسي الازرق تولين ابتسمت: اوك بلبس الوردي كايد: هههههههههه ليش ما تثقين ف ذوقي يعني تولين: ههههههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت تبدل ملابسها و بعدها طلعت وتمت تتمكيج و سوت شعرها ولبست اكسسواراتها وبعدها رشت عطر ولفت تاخذ شنطتها لقته سرحان .. تقدمت صوبه تولين: حبيبي ف شو سرحان كايد انتبه لها: خلصتي؟! تولين: طلبت منهم يجهزون المدخن .. بنتدخن بعدها بننزل تحت كايد سحب ايدها وقعدها على ريوله: احبج تولين: انا اكثر كايد: لولي تولين: عيونها كايد: في شيء لازم ت.. قاطعهم صوت الباب .. سكر عيونه بعصبيه كايد: منووو ؟!! تولين وهي تقوم: اكيد يايبين المدخن كايد: وقته !! فتحت تولين الباب وخذت المدخن ورجعت له .. تبخرت وبخرت كايد تولين: احس وايد تأخرنا عليهم كايد: ما بنروح وياهم تولين: لا ما يصير ما نروح بيزعلون علينا بعدين كايد: لولي في شيء ل.. قاطعه صوت الباب كايد: ما بنخلص اليووووممم .. منووووو عهود: اخوي هذي انا .. ممكن ادخل؟! كايد: ادخلي عهود: كايد ممكن طلب ؟! كايد: شو بغيتي؟! عهود: هو مب انا الي طالبه منال .. تبا تقعد معاك تولين رفعت حاجبها: ريلها سالم مب كايد ليش تبا تقعد معاااه!! عهود: كايد شو قلت ؟! كايد:...
يتبع | | | | | |
مبارك عليكم شهر رمضان الكريم وكل عام وانتم بخير ♥️♥️ اسمحولي اتأخرت عليكم ف تنزيل البارت و اعتذر بعد لان البارت قصير .. و طبعاً مثل كل سنه ما راح انزل اي بارت ثاني في رمضان لين العيد .. و ف العيد بنزل لكم بارتين و اسمحولي لاي اخطاء املائية دمتم بحفظ الله و رعايته ♥️♥️♥️
