العصر ف قصر ام كايد .. كانت قاعده مع منال وعهود يسولفون .. شوي نزلت لولوة وقعدت عندهم وبعدها نزل مروان وهو لابس لبس رياضة
ام كايد: وين رايح؟!
مروان: رايح النادي .. اليوم عندي تدريب نسيتي
ام كايد: بتتأخر
مروان: هيه بطول ف التدريب وبعدها بطلع مع ربعي
ام كايد: زين الله يحفظك
لولوة: مروان لحظه شوي
تقربت منه وهمست: شفيك
مروان : لحقيني برا
طلع وطلعت وراه .. وقفوا عند الباب ولف عليها
لولوة: قول شفيك
مروان: متضايق
لولوة: اسمع من الحين اقولك مب تروح وتضغط على نفسك وتينا متكسر ياويلك
مروان: بطلع مع ربعي لا تحاتين
لولوة: اوك انتبه على نفسك
مروان: انزين
دخلت عندهم وقعدت معاهم .. دقايق وسمعوا صوت لين بنت ايمان كانت اتصيح
ايمان: السلام عليكم
الكل: عليكم السلام
ام كايد: شفيها تصيح جذي
ايمان: تبا ابوها
ام كايد: بنت ابوها لازم
لولوة: ليوني .. تبين شوكلت
لين وهي تصيح: ابا بابا
لولوة: تعالي براويج شيء
لين: ما ابا ما ابا
ايمان: خليها الحين بيزيد صياحها وبتصدعني اكثر
عهود: ويييه ايمان .. جان خليتيها تروح مع ابوها
ايمان: بيروح عند ربعه
سالم وهو ينزل: خير خير .. شو هالازعاج افففففف
ايمان: اسفين اخوي ازعجناك
سالم : شوفيها بنتج تباغم
ايمان: تبا ابوها
سالم بصوت عالي: ايييه انتي لييينوووو .. جب يلا جبببب
لين سكتت بخوف وحضنت امها وهي تشاهق
سالم: هذا الي ناقص بعد .. اففف الواحد ما يقدر يرتاح ف بيته
ايمان: شدعوه اخوي ترا مره ف الاسبوع ازوركم
سالم: لو ما تزورينا بيكون احسن
عهود: اييه انت احترم نفسك .. وايد زودتها تراك
سالم: انتي جب واكرمينا بسكوتج احسن لج
ام كايد: شفيك معصب .. وبعدين وين رايح ؟!
سالم: بطلع البر مع ربعي
ام كايد: زين شوي شوي ف الدرب بلا تهور
سالم: انزين .. يلا باي
ايمان: وهذا كله معصب .. ف حياتي ما شفته يبتسم او يضحك افف
لولوة: الابتسامه والضحك مب لكم .. لحد ثاني
ام كايد: بس خلاص اسكتوا
لولوة بهمس لايمان: ولدها سالم عشان جي ما ترضى عليه
ايمان: الله يسامحها وكأن نحن مب عيالها بعد
لولوة: لا انتو احتياط ... سالم ومروان وكايد الي عيالها
ايمان:هي صح كايد متى بيرجع ؟!
ام كايد: ما اعرف .. عطيني تلفوني بكلمه شوي
عهود: انا كلمته قالي قريب
ام كايد: انزين عطيني التلفون بتطمن على ولدي
عهود قامت ويابت لها الفون وعطتها
~~~~~~~~~~~~~~~~~~~~~~
نروح عند كايد .. كان ف الغرفه وقاعد يخلص اشغاله وتولين قاعده على الارض وترسم واتصمم .. شوي وقفت وتمت تمشي في الغرفه وهي ماسكة ظهرها
كايد: لولي اقعدي مب قادر اركز
تولين: بس شوي ظهري يعورني
كايد: اقعدي على الكرسي واشتغلي
تولين: ما اقدر اشتغل اذا ما قعدت على الارض
كايد: لا حول
تولين: انزين خلاص بطلع
كايد: لا تطلعين خلج معاي
شوي سمع صوت فونه يرن .. خذه وشاف المتصل امه اشر لها تسكت ورد عليها
كايد: الو
ام كايد: السلام عليكم
كايد: عليكم السلام .. امي شحالج؟!
ام كايد: انا بخير اذا انت بخير
كايد: الحمدلله بخير انا
ام كايد: ولدي متى بترجع ان شاء الله
كايد: قريب
ام كايد: متى قريب يعني حدد لي يوم
كايد: ما اقدر احدد .. بس الشغل ما باقي له شيء وبيخلص
ام كايد: انزين حبيبي .. لا تتأخر ها بنت عمك تنتظرك ترا
كايد: ان شاء الله .. يلا باي
ام كايد: باي
تولين: يسألون عنك ؟!
كايد: هيه .. هذي يمكن ثالث او رابع مره يتصلون
تولين: اكيد يحاتونك
كايد: بس انا مب اول مره اسافر .. عادي .. ما ادري ليش مستعيلين
تولين: ان شاء الله خير .. بروح اصب لي عصير برتقال تبا شيء
كايد: لا قلبي ما ابا شيء
~~~~~~~~~~~~~~~~~~~~~
ف بيت خالد .. كان قاعد ويتعبث ب تلفونه اما حور ف كانت تحل واجباتها .. شوي سمعوا صوت الجرس
حور نقزت بحماس: وصل الاكل
خالد: بروح افتح الباب
حور: لا انا بروح
خذت الفلوس وطلعت وطلع معاها خالد .. بطلت الباب ولقته قدامها .. تأففت ولفت على ابوها بملل
حور: مب الاكل
خالد ابتسم وهو يشوف ربيعه: هلا جمال حياك ادخل
جمال: بلاها بنتك اتأفف
خالد: هههههههه ادخل يا ريال ذبحنا البرد ترا
دخلوا الصاله وكانت حور قاعده وتلعب بفون ابوها .. تقدم جمال صوبها وقعد عندها
جمال: شحالج يا حلوه
حور طنشتنه وتمت تلعب
جمال: خلود ترا بنتك خقاقه
خالد: شو تشرب ؟
جمال: شو عندكم في المنيو
خالد:عندنا ماي بس
جمال: خلاص عطني ماي واثنين قهوه
خالد: وليش اثنين
جمال: لي وللحلوه
حور: ما اشرب قهوه
جمال: شو تشربين
حور: ما ابا شيء
خالد خلاهم وراح .. تمت حور تلعب وجمال يحاول يكلمها وهي مب معطتنه ويه .. شوي وسمعوا صوت الجرس وقامت حور وفتحت الباب
حور بصوت عالي: وصل الاكل
طلع جمال و وقف وراها: كم الحساب ؟!
حور: 30
جمال طلع فلوس من مخباه وعطاه الريال
حور لفت عليه: عندي فلوس
جمال: خذي طلبيتج
حور خذت طلبيتها وسكرت الباب ويت تبا تدخل بس وقفها جمال
جمال وهو يقعد على ريوله عشان يوصل لطولها وبصوت خفيف: من وين لج الفلوس
حور بنفس نبرت صوته: من فلوس الرحله
جمال: ابوج يعرف
حور هزت راسها بلا
جمال: لو عرف بيعصب عليج ترا .. لانج مب ماكله شيء
حور: ادري .. بس انا ما اشتريت فيهم لاني اعرف انه يحتاج الفلوس
جمال: انزين سمعي خلي الفلوس هذي عندج ولا تخبرينه .. وانا بعد بعطيج .. بس لا تقولين له ابداً سمعتي؟!
حور هزت راسها بموافقه
جمال ابتسم لها وباسها على خدها: يلا ندخل
دخلوا ولقوا خالد يتكلم بالتلفون .. دقايق وسكر ولف عليهم
جمال: شفيك .. كنت تكلم منو؟!
خالد: كنت اكلم كايد
حور: الاكل وصل
خالد: يلا قعدي وكلي
حور: في حقك بعد
خالد: لا انا ما ابا اكل شبعان
جمال: اقعد كل مع بنتك وبلا دلع
خالد: اقولكم شبعان
حور طلعت وجبته وعطته : هذا حقك .. طلبت لك نفسي
خالد بتعجب: من وين لج الفلوس
جمال: انا عطيتها
خالد رفع حاجبه: عيل خذ كل
جمال: ما ابا اكلكم توني ماكل مع امي وشبعان .. بس بشرب الشاي معني قايلك ابا قهوه
خالد: عاد هذا الي موجود
وهم ياكلون دقايق وياهم اتصال .. رد عليه خالد
خالد: الو
سالم: اسمع تعال وايب معاك السيارة الي موجوده بالكراج
خالد: وين
سالم: تعال عزبة الشباب .. بنتظرك برا
خالد: الحين؟!
سالم: عيل متى باجر .. تعال بسرعه
خالد: ان شاء الله طال عمرك
سكر فويهه واما هو لف عليهم: عندي شغل بخلصه وبرد
حور: وين بتروح ؟!
خالد: ما بطول .. جمال خلك عند حور لين ارجع
جمال: لا تحاتي
~~~~~~~~~~~~~~~~~~~~~~~~~~~
نقدم الاحداث .. الفليل ف قصر ام كايد .. كانوا قاعدين على العشا
ام كايد: وينهم اخوانج؟!
عهود: ما ادري .. اتصلت فيهم وما يردون
ايمان: لا تحاتين يا حبيبتي ما فيهم شيء .. وبعدين تعرفين هم شباب واليوم الخميس .. يعني يتمشون ويطلعون مع ربعهم واكيد انهم بيتأخرون على البيت ولا بيسهرون برا
ام كايد: عسى خير ان شاء الله
عهود: يلا خلونا ناكل .. يوعانه تراني
ايمان وهي تأكل بنتها: لولو عطيني البطاط
لولوه وهي تعطيها: ليكون تتوحمين ههههههههه
ايمان: ههههههههه لا بس لان لين تحب البطاط
تموا يسولفون وياكلون وبعدها كل وحده على غرفتها وايمان ردت بيتها
يتبع
|
|
|
|
|
|
أنت تقرأ
أنا فيك ضعت وهذا أجمل ضياع
Romanceرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
