عند كايد و تولين .. كانوا يتمشون على البحر
كايد وهو يبوس ايدها: ليش ساكته؟!
تولين: ما عندي شيء اقوله
كايد: اخترتي لج فستان لعرس سالم ولا بتطلبين من برا؟!
تولين: بصمم لي و بفصله .. و وابا اسوي شيء بس متردده
كايد: والي هو
تولين: ابا فستان منال يكون من تصميمي .. يعني فستانها يكون من البراند الخاص فيني و من محلي
كايد: شوفي هي الفكره حلوه و بتستفيدين وهي بعد بتستفيد ..بس لازم تقعدين معاها و اتشاورينها
تولين: ان شاء الله .. بس تتوقع اهلها بيرضون و امك بترضى؟!
كايد: اكيد بيرضون و غصباً عنهم وين بيحصلون تصاميم مثل التصاميم الي تسويهن هالانامل الحلوه
تولين: ههههههههه
كايد: يا عساها دوم هالضحكة
تولين وقفت وجابلته: بسألك سؤال
كايد: بجاوبج جواب
تولين: ههههههههه حبي عاد .. اسمعني بدون استهبال
كايد: هههههه اسمعج
تولين: تبا يكون عندك ياهل؟!
كايد: اكيد ابا .. منو الي ما يبا يكون عنده ضنا
تولين: تخيل اني الحين حامل .. شو اول شيء بتسويه؟!
كايد وهو يتقرب منها: اشوف حياتي مستعيله على اليهال .. اذا تبين ياهل ترا انا جا..
قاطعته تولين وهي تحط ايدها على ثمه: كااايد!! .. افف لازم تحرجني يعني
كايد ابتسم ومسك خصرها وقربها منه: اذا الله كتب تحملين الحين او بعدين حتى لو بعد سنوات طويله انا مب معارض و ما عندي مشكلة ومب مستعيل .. ف النهايه هذا رزق ونصيب وكلن بياخذ نصيبه ورزقه من هالدنيا
تولين: تتوقع فيني عله؟!
كايد: قلت لج كل شيء رزق ونصيب .. اذا انتي ما حملتي بعد سنه من زواجنا هذا مب معناته ان فيج عله .. لكن اذا تبينا نفحص وتتأكدين انا ما عندي مانع .. باجر الصبح نروح المستشفى وانسوي الفحوصات اللازمة
تولين حضنته: الله لا يحرمني منك ويخليك لي .. ارتاح لما تقولي هالكلام قلبي يرتاح اذا شفتك واثق والابتسامه مرسومه على ويهك
كايد باسها على رقبتها وبادلها الحضن
~~~~~~~~~~~~~~~~~~~~~~~~~
عند قوم خالد .. كانوا صوب محل الالعاب يختارون لعبه لحور
خالد: شوفي حور هذي اللعبه حلوه
لولوة: لا خذي هذي احلى
خالد: انا بختار لها اللعبه
لولوة: لا انا
حور: بابا ابا هذي اللعبه
خالد: خذي الازرق
لولوة: لا الوردي
حور: بابا
خالد: حور خذي المطبخ هذا كبير و حلو
لولوة: لا لا لا .. خذي البيت احلى
خالد: شو ها العناد؟!
لولوة: مب عناد البيت احلى عن المطبخ حتى الوانه احلى
حور: خلاص بابا ابا البيت
خالد تنهد: لانكم بنات واقفين ضدي صح؟!!
اشترى خالد اللعبه لحور و طلعوا بعدها يحوطون و اثنينهم كانوا ماسكين ايد حور
حور: بابا ابا ايس كريم
خالد: لا ما في برد .. بناخذ حلاوة شرايج ؟!
حور: اوك بس انا اختار
راحوا عند كشك الحلويات وتمت حور تختار و دفعوا الحساب وبعدين راحوا
خالد: وين في محل يبيع ذهب هني ؟!
لولوة ابتسمت: تبا تاخذ لحور
خالد: هيه .. عندي فلوس وبدال لا يضيعن ابا اخذ لها شيء تلبسه
لولوة: عيل تعالوا معاي
راحوا ودخلوا محل وتموا يختارون و هم الاثنين يتضاربون والي ف المحل يضحكون عليهم
خالد: هذا وايد صغير مب حلو
لولوة: الحين جذي يختارون ناعم وحلو مناسب لليهال
خالد: لا لا مب حلو .. هذا احلى
لولوة: هذا مال عيايز رده مب حلو
خالد: عيل مالج الي حلو
لولوة: هيه واحلى عن مالك
خالد: انزين القلاده الي هناك .. حلوه ولا ؟!
لولوة: امممم حلوه بس تصميمها قديم شوي
حور مسكت راسها: بس عورتوا راسي
خالد: شفتي .. كله من عنادج
لولوة: ههههههه انت الي تعاند .. وبعدين ذوقك مب حلو ابداً
خالد: حلو بس انتي اليوم ضدي
لولوة: انزين شوف هذي والله حلوه .. حور شو فيها حلوه ولا لا
حور: هيه
لولوة: خلاص بناخذ هذي
خالد: لا ما عيبتني
لولوة: ها الحين منو يعاند .. ليش ما عيبتك
خالد: ما فيها الوان
لولوة: يا ربي انزين هذي .. عاد هذي حلوه لا تقول لا
خالد: لا ما عيبتني بعد
لولوة بصوت شوي عالي: خاااالددد
لفوا عليهم الحرمتين الي ف المحل
خالد: اشششش فضحتينا ههههههههه
الحرمة1: كيوت مع بعض الله يحفظهم
الحرمه2:...
الحرمه1: ما شاء الله بنتهم جميله .. تشبه ابوها وفيها ملامح بسيطة من امها
الحرمه 2: هذي مب امها
الحرمه 1: شدراج انتي
الحرمه2: ركزي عدل .. هذا خالد نسيتيه ؟!
الحرمه1 بصدمه: خااااالد مستحيل .. تغير
الحرمه 2: بروح اسلم عليه
الحرمه 1: جميله لحظة وييين رايحة .. جميلة!!
لولوة: حور عيبها هذا ليش ما تباه الحين
خالد: ما عيبني انا .. اصلاً حور مشغوله تاكل
لولوة: انزين .. اخر شيء شوف هذي ولا هذي عاد عيبوني ودخلوا قلبي
خالد: ولا واحد اختاري غيرهن .. مال عيايز
لولوة: هذا مال عيايز الحين!! .. شيبه
خالد: هههههههههه
جميلة: عادي اساعدكم تختارون للبنوته
خالد لف عليها واختفت ابتسامته
لولوة: اذا تقدرين ساعديني اقنعه يختار واحد من الاثنين هذيل مب عايبنه شيء
خالد: لولو
جميلة: اشوف .. اممم هذي احلى يليق على جمال البنت
خالد تم يطالعها وهي ابتسمت له وراحت
لولوة: خلاص ناخذ هذا؟!
خالد:..
لولوة: خالد
خالد:...
لولوة: خالدد
خالد انتبه لها: هلا؟!
لولوة: شفيك ؟!
خالد: ما شيء
لولوة: ناخذ هذا؟!
خالد: لا .. خذي الي عيبج
لولوة: يعني الحين اقتنعت فيهم
خالد ابتسم: حور عايبنها وانتي عايبنج ما اقدر اقول لا
لولوة ابتسمت له وكلمت الريال يغلفه حقهم .. دفعوا الحساب و طلعوا من المحل وهم ماسكين ايد بعض بدون ما يحسون و لولوة ماسكة ايد حور
لولوة: وينها عهود كأنها طولت
خالد: اذا خلصت بترد
شوي شافوا عهود قدامهم
لولوة: خلصتي ؟!
عهود رفعت حايبها وهي تشوف ايدينهم المتشابكة
استغربوا سكوتها وشافوا المكان الي اتشوفه وانتبهوا على على عمارهم وابتعدوا
خالد و لولوة: اسف / اسفه
عهود: مشينا البيت .. خذ الاغراض
خذ خالد الاغراض وعهود مسكت لولوة من ذراعها ومشت قدامه
عهود: شو القلة الادب هذي ماسكين ايد بعض وين قاعدين نحن
لولوة بخوف: ما انتبهت والله
عهود: ما عليه عشان جذي اصريتي تيين معاي هذي سواالفج؟!!!!
لولوة: عهود والله ما انتبهت كنا مندمجين ف السوالف وما حسيت على عمري
عنود: تراه سواقنا سواقنا مب حد من اهلج .. الي ف راسج طلعيه
لولوة: شو الي فراسي يعني .. ما في شيء !!
عهود: جب لا تراددين .. دواج عند امايه ف البيت
لولوة بطلت عينها: لا عهود دخيلج دخيلج
عهود: جب وامشي جدامي
~~~~~~~~~~~~~~~~~~~~~~~~~~
ف القصر .. اتصلوا عليهم و خبروهم عن مروان
ام كايد وهي تصيح: يا رب انك تحفظه يا رب انك تحفظه
سالم: امايه ممكن تهدين شوي عشان اعرف اتكلم؟!
ام كايد: ولدي ماخذينه الشرطه و تباني اهدا !!
سالم: بروح الحين وبطلعه بس اول شيء اهدي
ام كايد: لا حول ولا قوة الا بالله
سالم عقد حوايبه: وينهم بناتج ولا وحده فيهم هني .. شو هالحاله
ام كايد تصيح
سالم تنهد واتصل ف ايمان وخبرها السالفه وقالها تي تقعد عند امه .. وبعدها طلع متجه لمركز الشرطة
~~~~~~~~~~~~~~~~~~~~~~~~~~~~~~~
بعد تقريباً ساعه .. رجعوا كايد وتولين وشافوا حالة البيت معتفس وام كايد تصيح وايمان تحاول تهديها .. سألوهم و خبرتهم ايمان عن السالفه
كايد: وينه الحين سالم.. كلمتوه؟!
ايمان: بعدهم يحققون مع مروان ويبون يتأكدون ان ما يخصه بالقضيه
كايد: لا حول ولا قوة الا بالله .. انا طالع اشوفهم
ايمان: لا كايد لا تطلع .. محتاجه حد معاي يساعدني مع امايه .. خلك وان شاء الله مروان ما عليه شر
شوي دخلوا عهود و لولوه
عهود من شافت حالتهم عقدت حوايبها: شفيكم ؟!
ايمان: مروان
لولوة بخوف: شفيه مروان!!!
تولين وهي تتقدم صوبها: ما فيه شيء .. مشكلة صغيره و راح تنحل
لولوة: متأكدين؟! اي مشكلة هذي شفيكم فهمونا
كايد حاول يهديها وخبرهم السالفه .. لولوة ما قدرت تتحمل وتمت تصيح اما عهود ف عصبت وتمت قاعده تنتظر بدون ما تعلق
بعد طول انتظار دخلوا مروان و سالم وام كايد اول ما شافتهم قامت وحضنت ولدها
ام كايد: تعال امايه .. تعال اقعد عندي
عهود: هذا المفروض تضربينه مب اتدلعينه وتاخذينه بالاحضان
مروان: ما سويت شيء
عهود بصوت عالي: قضيه مخدرات وتقولي ما سويت شيء .. كم مره نبهتك و قلت لك مروان لا تدخل بيت حد ما تعرفه لا تمشي مع اي حد انتبه بس لااا الي ف راسك بتسويه
مروان: قلت ما سويت شيء .. مظلوم
عهود: لو مظلوم ما خذوك الشرطه .. من اليوم و رايح طلعه من البيت ما شيء تقعد ف غرفتك واذا بغيت تطلع حدك الحديقه فاهم!!
مروان: شو سجنن .. ترا قلت مظلوم ليش مكبرين السالفه .. خلاص طلعت افففف
سالم: تلفونك و الايباد والبلايستيشن تحطهم ف غرفتي .. بسرعه
مروان: ليش ان شاء الله شو مسوي انا .. بعدين شو اسلوب اليهال هذا ؟!!
سالم: ما ابا كلام زياده بسرعه
كايد: سالم شو صار ف المركز .. شو قالوا لكم
سالم: براءة بس الحبيب ف المركز مسوي له راس وما كان يباهم يتصلون اونه باخذ حقي بنفسي
مروان: نسيت تقولهم انك صفعتني قدام الضابط .. ولا خايف
سالم: انت اخر واحد تتكلم ان سمعت حسك مره ثانيه يويلك مني
مروان: بتكلم و بقول الي اباه ما تقدر تمنعني .. اذا عندك عضلات و تبا تتعنتر شوف لك غيري
سالم بصوت عالي: بتسكت عني ولا اقوووم لك
تولين تقدمت صوب مروان: مروان تعال معاي فوق .. الحين بخليهم يجهزون لك العشا وايبونه غرفتك يلا
مروان: لا بشوفه شو بيسوي .. راوني مرجلتك
سالم عصب عليه وتقدم صوبه بيضربه بس منعته تولين
تولين: سالم استهدا بالله ما يصير جي انتو اخوان
كايد: سالم خلاص خله .. ياهل
سالم تم يطالع مروان بنظرات
مروان دز تولين: لا تطالعني جذي .. عندك شيء تكلم
سالم ما تحمل اسلوبه وتقدم صوبه وصفعه باقوى ما عنده وتموا يتضاربون وكايد يسحب سالم وتولين تسحب مروان لين فرقوا بينهم
كايد بعصبيه: اعقلوا انتو الاثنين وبطلوا عنكم حركات اليهال هذي .. وين قاعدين نحن
مروان: ق..
كايد: ما ابا اسمع صوت .. كل واحد على غرفته وحس واحد ما ابا اسمعه ولا ترا بيصير شيء ما يسركم .. من متى اصلاً انتو تمدون ايدكم على بعض تربية منو هذي ها!!!
سالم نزل راسه
كايد: اخر مره .. وعيدوها مره ثانيه وقتها بيكون لي تعامل ثاني معاكم .. فاهمين
الكل:..
كايد: ايمان ساعدي سالم يروح غرفته .. وعهود ودي امايه غرفتها خليها ترتاح .. لولوة انتي ومروان على غرفكم وما ابا اسمع صوت .. بسرعههههه
ثواني واختفى الكل من الصاله .. قعد كايد بتعب و رفع راسه شاف تولين واقفه اتطالعه
ابتسم بتعب واشر لها تقعد عنده
كايد و هو يمسك ايدها: شفيج جذي اتطالعيني
تولين: اول مره اشوفك معصب عليهم
كايد: تعدوا حدودهم
تولين: ما عليه اهدا .. خلنا نروح فوق غرفتنا نرتاح شوي
كايد: لا انا بدخل المكتب .. في كم ورقة ابا اراجعها
تولين: عيل انا بروح ابدل و ارتاح
كايد: شوي وبلحقج
تولين ابتسمت له وباسته على خده و راحت فوق
يتبع
|
|
|
|
|
|
أنت تقرأ
أنا فيك ضعت وهذا أجمل ضياع
Romanceرواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
