رواية هبت عواصف احداثها في ذهني .. عجزت نسيان تلك الاحداث المشوقه ف سارعت في كتابتها ونسيت عالمي .. الى ان اصبحت بين شخصيات الروايه اقف بعيداً واراقب الاحداث واكتبها ..
~~~~~~~~~~~~~~~~~~~~~~~~ اليوم الثاني الصبح .. قامت وهي تحس بتعب .. تسبحت بماي دافي و طلعت لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد ما تجهزت وكل شيء يت بتطلع بس دخل كايد .. ابتسمت له وراحت عنده حضنته كايد: صباح الخير حبيبي تولين: صباح النور كايد بعد شعرها و باس رقبتها برقه وشم ريحتها تولين: حبيبي كايد: همم تولين: بروح المستشفى بعدها عنه بخوف: ليش ؟! شفيج؟! تولين: قمت وانا احس بتعب ف جسمي و الفيتامينات الي عندي خلصت .. ف بروح اسوي فحص دم و باخذ الادويه وبرد بس كايد: اكيد ما فيج شيء ثاني؟! تولين هزت راسها بهيه كايد باسها على راسها: زين حبيبي طمنيني من تخلصين يت بتطلع بس مسك ايدها لفت عليه تولين: تبا شيء؟! كايد: وين رايحه؟! تولين: بنزل اتريق كايد: اقعدي هني بيبون ريوقج بروحهم وصيت رودينا .. و بعدين لا تطلعين برا باللبس هذا تولين: ليش؟! كايد برفعة حاجب: اخواني تحت .. ما يستوي هاللبس القصير ينلبس عندهم .. البسي عدل ولا لا تنزلين تولين: اول مره تحدد انا شو البس و ما يعجبك شيء البسه كايد قربها منه ومسك خصرها وبصوت قريب للهمس: لانج صايره تفتنين اكثر و تثيريني تولين تمت اطالع عيونه و بعدها ابتعدت ودخلت تبدل ملابسها ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تولين: انا بطلع وما ابا ريوق .. بتريق بعد ما افحص طلعت من الغرفه بعد ما تعطرت و نزلت تحت كلمت صوفيا وطلعت معاها مع الدريول .. بعد مده وصلت المستشفى ودخلت عند الدكتوره وكلمتها وطلبت منها فحوصات وغيره ~~~~~~~~~~~~~~~~~~~~~~ عند خالد .. كان يجهز شنطة حور و يحط ملابسها و ملابسه .. سمع صوت الباب وراح بطله خالد ابتسم من شافها: هلا لولو لولوه: شحالك خالد .. وحور شحالها؟! خالد: الحمدلله بخير ونعمه لولوه: كيف الوضع معاك .. تباني اساعدك ف شيء؟! خالد: لا تسلمين برتب كل شيء بروحي اصلاً ما بقى شيء لولوه: انزين خالد لا تشل وايد اغراض ومن توصل لندن خذ الاغراض الناقصه لان انت ما بتم يوم او يوم بتم فتره خالد: ان شاء الله نزلت راسها: ترد لنا بالسلامه خالد وهو يمسك ايدها: لا تحاتين بطمنج كل يوم لولوه هزت راسها بموافقه: بخليك وقبل لا تسمع جوابه ركضت صوب بيتهم و دخلت وعلى طول على غرفتها تصيح ~~~~~~~~~~~~~~~~~~~~~~~~~~ نقدم الاحداث .. الظهر وقت الغدا كان الكل متجمع حوالين الطاوله يتغدون الا سالم و كايد الي كان واضح عليه التوتر زفر بضيق وهو يحط تلفونه على الطاوله ام كايد: انزين يمكن راحت تاخذ لها كم غرض كايد: تخبرني مب تروح على هواها .. ع الاقل ترد على المكالمات لولوه: اتصل على صوفيا كايد خذ فونه بيتصل بس قاطعه دخولها و هي تصيح وقف بخوف: تولين .. شفيج؟! تولين من شافته ركضت صوبه وحضنته وزاد صوت بكاها ضمها اكثر: حبيبي شفيج؟! تولين: كايد ااناا انااا .. بعدها كايد عنه وسحبها لمكتبه دخلها وقفل الباب ولف عليها وهو خايف مسح دموعها الي رجعوا نزلوا كايد: انتي شو .. شفيج؟! تولين طلعت ورقه ومدته له .. قرا الورقه وما فهم ورفع عينه لها : حبيبي ليش مستعيله الله الرازق .. مقطعه عمرج عشان ت.. قاطعته: كااايد اناااا حاااملللل بلم ف ويهها وقعد يطالعها وعاقد حوايبه وهو يحاول يستوعب اخر كلمه نطقتها تولين مسكت ايده: رحت افحص عشان الفيتامينات و الدكتوره خلتني اسوي تحليل عشان تشوف اذا حامل ولا لا عشان تعطيني الادويه .. و طلع ايجابي .. كايد انا حامل بيصير عندي بيبي ههههه ردت حضنته وهو بادلها الحضن مو مصدق الخبر فرح لفرحتها ابتعدت عنه: كايد بصير ام كايد: عاد الحين لازم ترتاحين وتاكلين عدل وادويتج تاخذينهم تولين: ان شاء الله ردت حضنته: فرحانه مب قادره اصدق كايد: هههههه .. الله يحفظكم لي .. قالت اي شهر؟! تولين: اخر اسبوع من الشهر الثاني كايد حط ايده على بطنها: ل.. قاطعه صوت الصريخ الي برا .. طلع من مكتبه وتولين معاه .. شاف سالم ماسك لولوه وطايح فيها ضرب ويحاولون يبعدونه عنها كايد وهو يسحبه: مينون انت .. كم مره قلت لك ما تمد ايدك على خواتك!!! سالم بصريخ: هاي مب اختي .. ما وراها غير الفضايح و سواد الويه حط قدامه الفون: شوف سواد ويهها ماسكه ايد خالد وطالعه معاه وغير الاشياء الي تسويها مره بحضنه والله يستر شو مسويه بعد كايد لف على لولوه: لولو شو هذا!! لولوه تصيح بحضن تولين كايد تقدم صوبها: لولو ردي عليّ .. شو هذا !! تولين: كايد شوي شوي عليها عهود: انا خبرتكم قبل قلت لكم بس نازعتوني و خليتوني اسكت .. شوفوا لوين وصلنا سالم سحبها من حضن تولين بعنف: والله ما تقعدين ف هالبيت .. انا بعلمج الادب سحبها معاه و على صوت صريخها و صريخ سالم طلع خالد وشافهم .. تقدم صوبه وهو عاقد حوايبه خالد: سالم شو تسوي انت!! سالم دز لولوه عليه و خالد مسكها قبل لا اتطيح: قذارتكم الكل عرفها .. هذا جزات الثقه فيك يا خالد .. هذي سواتك انت وياها!! .. علاقة حب وتطلعون و سوالف من ورانا .. ما تستحي انت !! خالد: شو السالفه!! سالم تقدم صوبه ومسكه من ياقة كندورته: اليوم بي المليج وبتاخذها رضيت ولا لا غضب طيب بتاخذها خالد بطل عيونه: انا مسافر اليوم المغرب كيف !! سالم: مب شغلي بتاخذها اليوم وشلها معاك .. هالوساخه ما تمشي عندنا .. فهمت!!! تركهم وطلع برا .. لولوه لفت على كايد لولوه: كايد الله يخليك ا.. قاطعها كايد: لولو ما اقدر اسويلج شيء .. ما اقدر لين اعرف الموضوع تركهم وطلع .. تقدم مروان صوب اخته وحضنها لولوه: مروان والله م... قاطعها مروان: انا بدخل داخل قعدت على الارض تصيح بعد ما الكل دخل .. تقدمت تولين صوبها وحضنتها: لا تسوين جذي ف نفسج لولوه: ما سويت شيء والله فاهميني غلط تولين: قومي لولو قومي ادخلي داخل دخلت لولوه مع تولين وراحت غرفتها خلتها تنسدح وترتاح وتمت معاها ~~~~~~~~~~~~~~~~~~~~~~~ المسا .. كان سالم و مروان مع المطوع ف الميلس وخالد قاعد وكأنه شال هموم الدنيا على راسه ما يعرف شو يسوي .. ملج عليهم المطوع و الشهود ربع سالم و بعد ما بارك لهم طلع .. اما لولوه ف كانت منهاره و تولين معاها ام كايد: قومي البسي عبايتج وانزلي بتروحين مع ريلج منال: سالم يقول بيروحون المطار على طول لولوه: حرام عليكم ليش تسوون فيني جذي انا شو ذنبي عهود: عشان تتأدبين مره ثانيه .. نزلتي روسنا ف الارض !! سالم بصوت عالي: لولوه ام كايد: يلا انزلي يتريونج طلعوا كلهم و لولوه حضنت تولين وصاحت بصوت عالي : شوفي وين وصلت .. شوفي حالي كيف صار .. وينه كايد ليش ما يوقفهم يعرف ان مالي ذنب ليش جذي تسوون فيني!! تولين: اتصل عليه وما يرد تلفونه مغلق .. اكيد معصب من الي صاير بس لا تحاتين حبيبتي انا معاج مروان وهو واقف عند الباب: لولوه يلا .. وراكم طياره لولوه: انت بعد يا مروان ! مروان: خالد ريال زين وبيصونج و بيعزج ما عليه خوف .. بعدين احسن من القعده ف هالبيت وهذا نصيبج نزل عنهم و لولوه لبست ملابسها ونزلت وركبت السياره بعد ما ودعت تولين وانطلقوا .. كانوا طول الطريق ساكتين وما في الا صوت لولوه تصيح و حور نايمه .. وصلوا المطار و نزلوا وبعد ما خلصوا كل الاجراءات ركبوا الطياره منطلقين صوب لندن ~~~~~~~~~~~~~~~~~~~~~~~~~~ عند تولين تمت تتصل على كايد وما في رد .. تنهدت و قعدت على الكرسي.. ردت راسها على الكرسي وغمضت عيونها تسترجع الاحداث الي صارت اليوم لين غفت
بعد ساعتين اندق الباب بقوه عليها فزت من مكانها و فتحت الباب مروان وهو يتنفس بصعوبه: تولين الحقي تولين: شفييكك خوفتنيي!! مروان: توولييين .. كك ككاااايددد
