أنا فيك ضعت وهذا أجمل ضياع

𝘗𝘢𝘳𝘵 20

نقدم الاحداث ..
الظهر .. كانوا متجمعين على الغدا وكايد مب موجود اما تولين ف كانت تحاتيه لان من طلعوا من المستشفى وهو ساكت ومتضايق ولما ردوا البيت نزلها وراح
ام كايد: وينه كايد.. ما يبا يتغدا؟!
تولين: طلع عنده شغل
ام كايد: اي شغل هذا الي وقت الغدا !!
تولين: ما اعرف
عهود: كنتوا رايحين المستشفى .. شو صار معاكم طلعت النتايج ولا بعدها ؟!
تولين: الشيء هذا بيني وبين زوجي ما يخصج انتي
عهود باستفزاز: هههههههههههههههههههههههههههه
تولين تقدمت صوبها بس وقفها مروان
مروان: تعالي بنطلع الحديقة.. ابا اقولج شيء
لولوة: بي معاكم
عهود: قعدي مكانج خالد موجود
لولوة: شو اسوي فيه انزين انا بقعد مع مروان
مروان مسك ايدها: امشي امشي
طلعوا برا و تولين لفت عليهم: هالعهود يوم من الايام بصفعها بخليها تنسى اليوم الي انولدت فيه
مروان: اهدي .. ليش تاخذين وتعطين معاها انتي؟!
تولين: ما قلت لها شيء هي بروحها الي تتكلم .. اتدور مشاكل
مروان: اتسوي كل هذا عشان منال
تولين بعصبيه: حريقه تحرقها هي ومنال
لولوة: لولي شفيج اهدي
تولين: دخلوا داخل خلوني بروحي
مروان: ممكن تهدين الحين .. كبريت
تولين: مروان بضربك ترا
مروان وهو يشوف وراها: كايد وصل
لفت تولين وراها ولقته يدخل السياره وينزل ويمشي صوبهم وعلى ويهه علامات الضيق .. وصل عندهم وعينه على لولوة و مروان
كايد: السلام عليكم
مروان و لولوة: عليكم السلام
تولين: اذا شبعت من تأمل اخوانك ممكن اتطالعني الحين
كايد تنهد و طالعها
تولين : شفيك .. وين كنت طول هالوقت اتصل فيك وما ترد ارسلك مسجات على الواتس وغيره وما ترد .. ممكن اعرف شو الي صاير ؟!!!
كايد: ما فيني شيء .. انا بروح انام
تولين وقفته: شو قالت لك الدكتوره لما طلعت .. شو الشيء الي خلاك تتضايق واتعصب شووو ؟!
كايد: قلت لج ما فيني شيء
تولين بعصبيه : عيل ليش حالك انقلب جذي فجأة .. شو الي صار فجأة .. ليش قاعد تكذب عليّ ليييش .. ليش ما ت..
قاطعها كايد وهو يسحبها لحضنه عشان تهدا .. وهي من سوى الحركة هذي صاحت
كايد: ما في شيء من الي ف بالج .. كل شيء زين الحمدلله
تولين: تكذب عليّ لو كل شيء زين ما طلعتني من الغرفه ولا بتطلع انت من عندها متضايق
كايد: صح كلامج .. عندي مشاكل صغيره بتنحل اذا سويت شيء واحد
تولين رفعت راسها ومسحت دموعها: كيف يعني ؟!
كايد: التدخين مأثر على صحتي شوي وهذا سبب التأخير .. يعني لازم اتركه
تولين: انزين خلاص لا اتدخن .. في مراكز تساعدك انك تتركه واصلاً كله امراض ما منه فايده
كايد: حاضر اصلاً كنت عند وحده من هالمراكز ببدا العلاج اسبوع الياي ان شاء الله وكل شيء بينحل
تولين ابتسمت: ان شاء الله
كايد لف على اخوانه ولقاهم قاعدين يطالعونهم باستغراب : شفيكم
مروان: انتو الي شفيكم ؟!
كايد: ما فينا شيء .. ليش طالعين برا
مروان: نشم هوا
كايد: لولو
لولوة: هلا؟؟
كايد ابتسم: الحين اتطمنت انكم بخير
مروان: خلونا باجر نروح المزرعه
كايد: لا ما اقدر باجر المحامي بي عندي يبا يتكلم عن الورث
مروان: خله يأجل هالموضوع ليوم ثاني نكون مستعدين فيه
كايد: زين .. يلا دخلوا
~~~~~~~~~~~~~~~~~~~~~~~~
ف الملحق عند خالد و حور .. بعد الغدا انسدح خالد عشان ينام وحور كانت تطالع التلفزيون
خالد: حور قصري على الصوت شوي
حور: ما اسمع عدل
خالد: مب لازم تسمعين شوفي بدون صوتي
حور: ما يستوي
خالد: يارب صبرك
حور لفت عليه وابتسمت وبعدها اتذكرت شيء وتقدمت صوبه: بابا
خالد: شو تبين
حور: ابا popcorn و حلويات
خالد طالعها بطرف عينه: وبعدها بوديج عند دكتور الاسنان .. زين؟!
حور بوزت: افففف مابا حلاوه خلاص
تمت اتطالع التلفزيون وخالد غمض عينه شوي ورن فونه تأفف و قام رد على الفون
خالد: الو
: بابا تعالي بسرئه
خالد: شووو .. منو معاي؟!
: بابا ماما جميله تعبان
خالد بملل: شو فيها بعد؟!
: بابا هي fall من درج
خالد فز: شوو
: بابا بسرئة راس مال هي كله دم انا ما يرف شنو سوي
خالد: الحين ياي .. اتصلي ف الاسعاف
سكر فويهها و لبس كندورته لفت عليه حور
حور: بابا وين بتروح
خالد: عندي شغل بخلصه وبرجع .. خلج هني زين لا تطلعين
باسها على راسها وركض برا ركب سيارته وتحرك متجه لبيت جميله
~~~~~~~~~~~~~~~~~~~~~~~~
عند مروان .. بعد ما دخلوا داخل .. انسدح على سريره و تم يفكر بالكلام الي سمعه من امه .. هز راسه يحاول يطرد الافكار .. شغل التلفزيون وتم يقلب ف القنوات عل وعسى يعجبه شيء ويقعد يتابعه وينسى الافكار الي اتدور ف باله لكن ما في فايده .. فر الريموت على اليدار وطلع من غرفته ناوي يكلم امه ف الموضوع .. دق باب غرفتها ولما سمع صوتها دخل
ام كايد: مروان تعال حبيبي تبا شيء؟!
مروان: بقولج شيء وبروح
ام كايد: قول فديتك شو بغيت
مروان: كلمج كايد عن المحامي ؟!
ام كايد: لا ليش؟!
مروان تقرب منها: يمه حياتج انتي و ابوي كيف كانت قبل لا تحملين فيني
ارتبكت ام كايد من سؤاله وتغيرت تعابير ويهها: ااا لل ليش تسأل
مروان: فضول
ام كايد: عادي يعني .. ما فيها شيء مثل اي زوجين
مروان: يمهه لاحظت ان لما ابوي توفى ما زعلتي عليه وايد ومن خلصتي العده على طول طلعتي وخاصة الايام هذي صايره وايد تطلعين
ام كايد: ااا منو قال بالعكس زعلت بس ما كان يبين عليّ يمكن لاني كنت زعلانه منه قبل لا يتوفى
مروان: ايوااااا .. يعني تذكرين خلافج مع ابوي قبل لا يتوفى تذكرينه عن شو صح؟! ومنو السبب
ام كايد: قوم اطلع برا قووم
مروان تقرب منها وهمس: اللي ف بالج طلعيه لاني مستحيل اشوف شيء مثل هذا واسكت وترا اللي بينج وبين المحامي انا اعرفه واعرف ليش هو مستعيل عشان نتقاسم الورث .. سوالفكم ما بتمشي عليّ
خلاها وطلع من غرفتها رايح غرفته .. قامت قفلت الباب واتساندت عليه وهي تتذكر احداث الليله المشؤومه .. الليله الي توفى فيها ابو كايد
<><><><><><><><><><><><><><><>
كانت راجعه من برا مستانسه .. دخلت البيت ولقتها واقفه اتطالع الدريشه الي موجوده ف الصاله .. اختفت ابتسامتها وهي تشوفها متصنمه تمت تدعي ف خاطرها انها ما شافت شيء تقربت صوبها
ام كايد: ليش واقفه هناك؟!!!
لفت عليها و الدموع ف عينها
ام كايد: شفيج تصيحين ؟!
: ليش جذي تسوين ف ابوي هو ما يتساهل
ام كايد بلعت ريجها بتوتر: اااا ما يخصج روحي غرفتج ونامي ولا تبطلين ثمج لحد فاهمه!!
تقدمت صوبها: عمري ما توقعتها منج انتي بالذات .. امي وهذي سوالفها جذي تسوين هذي فعايلج !! عيل شو خليتي حق بناتج هااا!! شو خليتي لهمممم
ام كايد وهي اتدزها: روحي غرفتج قبل لا ابوج يوصل روحييي
بصوت عالي: والله ما اتحرك خليه اي ويشوف حرمته كيف كاشخة لغيرها وتتزين له ونازله تضحك من سيارة واحد والله اعلم شو السوالف الثانيه
ام كايد صفعتها كف بكل قوتها وف هالاثناء دخل ابو كايد
ابو كايد: منى شفيج على البنت .. وبعدين وين كنت انت ؟!
وهي تصيح: يبهه انا بقولك وين كانت .. زوجتك المصون ك..
ام كايد دزتها: قلت لج روحييي غرفتتججج
ابو كايد: منىىى كم مره ناهيج ما تمدين ايدج عليها ؟؟!!
ام كايد: ما تسمعها شو تقول ما تسمععع!!!
قالت وهي تصيح: ابويه شفتها نازله من سيارة واحد وهذي مب اول مره صار لي فتره اشوفهم مع بعض
ام كايد بخوف: سلطان سلطان اسمعني هي مب فاهمه شيء
ابو كايد: مع منو كنتي؟!
ام كايد: سلطان
ابو كايد تقدم صوبها وصفعها كف: مع منو كنتي .. منووو الي طالعه معاه هالوقت منوووو
ام كايد بصريخ وهي تصيح: ما يخصك ما يخصك .. ما يخصك منووو .. سويت مثل ما سويت فيني مثل ما طعنتني طعنتك من نفس السكين .. ذبحتني والحين ياي تحاسبني
ابو كايد: طلعي برا بيتي طلعي برا و ورقتح بتوصل لج اطلعييي
ام كايد: ما بطلع مب على كيفك .. سلطان انا احبك
ابو كايد: هه تحبيني وجذي سويتي .. طلعي برا منى طلعييي ما ابا اشوفج طلعييي .. ولا اقولج شيء بتصل ف اخوج وامج خل ايون ياخذونج من هني ويعلمونج الادب من يد ويديد
ام كايد : لا دخيلك الا اخوي عبدالله ما اباه يعرف بيذبحني والله بيذبحني
طنشها ابو كايد واتصل ف اخوها .. لفت ام كايد حواليها ولقت فازه خذتها وضربتها على راسه و ثواني وهو طايح على الارض والدم ف كل مكان
<><><><><><><><><><><><><><>
ام كايد: غصباً عليّ والله غصباً عليّ مب قصدي مب قصدي

يتبع
|
|
|
|
|
|