أنا فيك ضعت وهذا أجمل ضياع

𝘗𝘢𝘳𝘵33

قبل لا نبدا خلونا ندعي للشيخ خليفه بن زايد الله يرحمه:

(اللَّهُمَّ، اغْفِرْ له وَارْحَمْهُ، وَاعْفُ عنْه وَعَافِهِ، وَأَكْرِمْ نُزُلَهُ، وَوَسِّعْ مُدْخَلَهُ، وَاغْسِلْهُ بمَاءٍ وَثَلْجٍ وَبَرَدٍ، وَنَقِّهِ مِنَ الخَطَايَا كما يُنَقَّى الثَّوْبُ الأبْيَضُ مِنَ الدَّنَسِ)
اللهم امين

~~~~~~~~~~~~~~~~~~~~~~~~~~~~~~
ف بيت كايد .. تجمعوا كلهم الا لولوه وخبرهم مروان انها راحت مع خالد لما سمعت ان بنته مريضه
تولين: بسم الله عليها .. ما قالك شفيها؟!
مروان: قال انها طاحت شيء جذي
تولين: كايد اتصل عليه اتطمن على البنت
كايد طلع فونه واتصل على خالد لكن ما رد عليه : ما يرد
سالم: وانت كيف تخلي لولو تروح مع واحد غريب بروحها ليش ما رحت مع اختك؟!!
مروان: ما احب المستشفيات وبعدين ليش اروح معاها خالد كلنا نعرفه مب غريب
سالم: طول عمرك بتم حمار وما بتفهم
كايد: سالم .. بس خلاص
سالم: ما تسمعه عيب ترا وين قاعدين نحن
عهود: وبعدين ما تعرف ان اختك ف علاقة غراميه مع الي اسمه خالد
كايد بصوت عالي: عهووووددد .. جب وما ابا اسمع ولا كلمه
مروان: بتصل ف ايمان عشان تي عندنا
تولين: خلها تيب ليون معاها اشتقت لها
عهود: ناويه على لين بنت اختي .. تبين تذبحينها بعيونج
كايد: عهود
عهود: يوم انج متشفقه على العيال هالكثر قومي هزي طولج وتعالجي من العله الي فيج .. ايبي لج ياهل يشغلج عن عيال الناس شوي
كايد وقف بيضربها بس تولين مسكت ايده: كايد استهدا بالله .. تعودت على كلام عهود
سالم: عهود اذا ما لميتي ثمج بردج البيت
تولين وقفت: بروح اجهز الاغراض عشان نشوي
~~~~~~~~~~~~~~~~~~~~~~
ف المستشفى .. تموا قاعدين يتريون حور تقوم .. شوي دخل عليهم الدكتور والممرضه عشان يشوفون حالة حور ومن خلص لف على خالد الي سأله عن حالتها
الدكتور: الحمدلله بخير الفحوصات كلها تمام .. بس حاولوا انكم ما ترهقونها اكثر وتبعدونها عن اي صدمات او شيء يزعجها عشان حالتها النفسيه
خالد: ان شاء الله.. اقدر اطلعها اليوم؟!
الدكتور: اكيد .. راح اكتب لها ادوية تروح تاخذهم وبعدها تقدرون تطلعون
خالد: يعطيك العافية دكتور
طلع الدكتور ويت الممرضه بطلت ابرة المغذي وحطتهم الادويه
لولوه: انتو ردوا البيت وانا بتصل ف اشرف ايي ياخذني ويوديني بيت كايد
خالد: انا بوصلج
لولوه: حور تعبانه لازم تروح البيت ترتاح
خالد: وانا ما بطمن عليج لين اوصلج بنفسي
لولوه ابتسمت له ابتسامه خفيفه و راحت عند حور و شلتها
خالد: تقدرين تشلينها .. مب ثقيله عليج؟!
لولوه: لا عادي
طلعوا من الغرفه وهي شاله حور لاحظ عليها خالد انها تمشي بطيء لف عليها لقاها ترفع حور وتحاول تعدل شيلتها وحالتها حاله .. ضحك خالد وتقدم صوبها
خالد وهو يشل حور: قلت لج خليني اشلها اعرفها حور دبه
حور بصوت خفيف: بابا انت دب
لولوه وخالد:ههههههههه
عدلت شيلتها و هو مسك ايدها و طلعوا وهم يضحكون
الصوب الثاني
1: اقولك شوف هناك
2: وين؟!
1: هناك عند الاستقبال شوف الريال شال بنت و ماسك ايد حرمه تشوفهم
2: هيه شفتهم شفيهم
1: ركز عدل هذا مب خالد صبي قوم سالم ال..
2: هيه والله هو .. بس منو الي عنده ليكون تزوج؟!
1 بابتسامة سخريه: ما عرفتها .. هذي اخت سالم
2 بدهشه: تمزح !! .. كيف وافقوا يزوجون اختهم لواحد مثل هذا
1 طلع فونه وصورهم
2: شو تسوي انت فضحتنا
1: ما عليك بتشوف شو بسوي ههههههههه
~~~~~~~~~~~~~~~~~~~~~~~~~~~~~~
عند تولين ف المطبخ كانت اتابع مع رودينا الاغراض و وصتها تجهز كل شيء .. طلعت من المطبخ و راحت غرفتها وتمت اطالع نفسها ف المرايه .. دخل الغرفه وشافها تقدم صوبها وحضنها من ورا
كايد وهو يبوس خدها: لا تزعلين من كلام عهود
تولين لفت عليه: عادي اطلب منك طلب
كايد: امري
تولين: خلنا نفحص مره ثانيه .. يمكن هالدكتوره غلطانه
كايد: ما فينا شيء قلت لج .. وبعدين اذا رحتي عند حد ثاني شو الي بيتغير مثلاً ترا الحمال مب بايدهم بايد رب العالمين
تولين: يستوي
كايد عقد حايبه: شو الي يستوي ؟!
تولين: نروح ونسوي عملية اطفال الانابيب
كايد فتح عينه: لا طبعاً .. ما بوافق على هالشيء انا
تولين باحباط: ليش؟! 
كايد: تولين انتي جسمج ضعيف وما يتحمل كيف بعمليه ؟!! .. انتي حتى الحمال يمكن ما تتحملينه
تولين: باخذ ادريتي اول باول
كايد: لا انسي هالفكره خطر عليج
تولين: انزين في شيء ثاني اقل خطوره
كايد طالعها بدون ما يتكلم
تولين: نتبنى ياهل
كايد بدون اي تعبير : لا
تولين بيأس: لييييشششش
كايد مسك ايدها وقعدها ع الكرسي: لولي يا قلبي افهمي .. الفحوصات الي سويناها ما فيها شيء وانتي سليمه ما فيج الا العافيه .. المسأله مسألة وقت فقط لا غير .. لا تستعيلين اصبري
تولين نزلت راسها بحزن
كايد حضنها: لا تزعلين بس كل شيء يباله صبر .. ادعي والارزاق بايد الله .. قومي يلا عندنا ضيوف ترا
تولين تنهدت ومسحت دموعها ونزلت معاه
مروان وهو يحاول يلطف الجو: ها لولي شكلج تبينا نروح
تولين وهي مب فاهمه عليه: لا .. ليش؟!
مروان: عيبج الجو مع كايدوه و تبين تقعدين معاه بروحج .. عادي اعترفي اعرف سوالف الكبلز ترا
تولين بطلت عينها: ما تستحي على ويهك انت
مروان ابتسم: لا
سالم: قلت شيء يديد يعني .. لا تستغربين تراه يقول الصدق
تولين: يبالك ضرب مروانوه
مروان: شرايج اليوم انام عندكم ؟!
كايد لف عليه وهو رافع حاجبه: خيرر وين عايشين ؟!
تولين بابتسامه: عادي برايه شيء غرف فاضيه
كايد: ما عندنا غرفه حق مروان
مروان: افا ما تباني معاكم ؟!
كايد وهو يحط اسياخ اللحم على الفحم: لا
مروان لف على تولين: تعرفين ليش
تولين: هههه ليش؟!
مروان: يخاف تحبيني و تطيحين ف غرامي
كايد لف عليه: والله يا مروان بحطك على هالشوايه وبشويك وانت حي
الكل: ههههههههههههههههههههههههههههه
تموا يسولفون لين انضمت لهم لولوه و اطمنوا على حور وكايد اصر على خالد انه يقعد معاهم بس رفض عشان بنته ترتاح ف البيت وراح
سالم وهو ياكل قطعة لحم: امممم لذيذه
عهود: ناقصنا امايه وتكتمل القعده
منال: حليلها عموه كانت ودها تي بس معزومه
سالم: عهود اتصلي فيها وشوفيها اذا خلصت بروح ايبها
عهود: بعدها كلمتها قبل شوي
منال: حبيبي
سالم: هلا
منال: خاطري ف تفاح اخضر و ليمون
سالم لف على كايد: عندكم تفاح اخضر
كايد لف على تولين: عندنا؟!
تولين عقدت حوايبها: اممم ما توقع
سالم: بروح ايب لج وبي
منال ابتسمت له
عهود: اقولك سالم يب لي عصير برتقال معاك
تولين: شيء عندنا .. فريش حتى احط لج ؟!
عهود: لا طبعاً شدراني شو بتحطين لي فيه
لولوه: لولي انا ابا
مروان: وانا بعد .. اقولك كايد ما بتشوف المباراة ؟!
كايد لف عليه: مباراة شو؟!
مروان: كيف مباراة شو .. برشلونه واشبيليه
كايد: ما اطالع مباريات انا
مروان: شو اطالع اخبار ؟!
كايد لف عليه
مروان: شيبه انت لا مباراة لا مصارعه كيف عايش .. المهم ابا اطالع المباراة الحين كيف؟!
كايد: شغل من فونك وطالع البث
مروان وهو يفعد بملل: ياربي لو ف بيتنا جان الحين سويت لي بوبكورن وطلبت لي وجبة دسمه وقعدت اطالع
لولوه: اقولك مروان وايد تتكلم تراك خلاص اسكت
مروان طنشها وتم يطالع المباراة
كايد: لولو تعالي عندي ساعديني
لولوه راحت عنده: ياربي ما اتحمل الريحة
كايد وهو يأكلها: كلي تراج ما تاكلين عدل وايد ضعيفه
عهود بغيره: لا والله اخ كايد .. ناديت الكل واكلتهم الا انا بنت البطه السوده انا !!
كايد: هههههههه تعالي بأكلج
عهود: مابا
كايد: يلا عاد تعالي بلا دلع ولا ترا بتاكلهم لولو شو فيها كيف اطالع
عهود راحت عنده وهو اكلها وبطلت عينها: لذيييذههه
كايد ابتسم: بالعافيه
عهود وهي تحضنه: اففف اخوي اشتقت لك وايد صرت بعيد عنا
كايد: ما عليه حبيبتي ف كل الاحوال لازم تتعودون ترا برد اسافر
عهود: وجودك بينا يخليني مرتاحه ويحسسني بالامان .. لولاك والله محد دارني عني
كايد بادلها الحضن و لولوه كانت واقفه اطالعهم لف عليها وابتسم واشر لها تقربت منه وحضنها بعد
تولين وهي تشوفهم ابتسمت: ما شاء الله حضن جماعي و بدوني
كايد: خواتي دلوعات
تولين بوزت : انا بعد ابا حضن
لولوه: انتي دومج ف حضنه خلينا اليوم نحن نستغل الفرصه بما انه متاح
الكل: ههههههههههههههه

يتبع
|
|
|
|
|
|