روايه: عشق القاسم
بقلمي : ŘőOmà
"إذا رأيت ذئباً يقطف الزّهور ثُمّ يرميها فلا تتعجّب، فإنَّ بعض البشر يقطفون قُلوب أحبّتهم ثُمّ يدوسونها بِلا مشاعر أو......... رحمة.!!!!!"
ماجده :يا الاء اخلصي قومي
هتتاخري ع جامعتك هو انا كل يوم هافضل انبح ف صوتي عشان اصحيكي انتي والمحروس اخوكي... ياربي انا تعبت جاتها نيله اللي عايزه عيال ده الهم ده(جمله اي ام مصريه اصيله 😂😂)
الاء بصوت ناعس:يييييي يا ماما كل يوم نفس الاسطوانه انا تعبت.. حاضر اهو هاقوم... أما نشوف آخرتها ايه
بعد قليل خرجت آلاء مرتديه جيب اسود جميل وعليه بلوزه زرقاء وطالقة لشعرها العنان ووجها خالي من أي أنواع من مستحضرات تجميل.
خرجت من غرفتها باتجاه المطبخ لتقول لوالدتها بمرح :ايه ياست الكل جهزتي فطار ايه انا جعانه اوي
ماجده وهي تناولها بعض انواع السندوتشات :امسكي خدي دول كليهم ف الطريق مفيش وقت تفطري هنا يلا هتتاخري
آلاء وهيا تدبدب ف الارض بشكل طفولي :حاضر... ياربي ده حتى اللقمه الواحد مش عارف يأكلها زي الناس... يارب الجامعه دي تولع عشان ارتاح
خرجت من المطبخ باتجاه باب الشقه لتصتدم باخيها احمد
احمد:ايه براحه واخده ف وشك كده ليه بت انتي
الاء بغضب:بقولك ايه مااسميش بت يا استاذ انت... ولو قولت بت تاني والله لاقول لبابا... اوعي كده اونت طول النخله بطولك ده
احمد بضحك :مش احسن من قصرك ده
ماجده بصوت عالي:انتي لسه هنا... يخربيتك والله شكلي هاشغل ابو ورده علكيي(اللي مش عارف ابو ورده هو الشبشب يا جماعه 😂😂😂💔)
الاء وهي تفر هاربه خارج المنزل :انا ف الجامعه اصلا يا ست الكل وصلت من بدري
استووووووب
تعالو اعرفكو ع العيله الجميله دي
( هيا عائله بسيطه تسكن في احد أحياء محافظه الشرقيه تتكون من...
الاء الجبالي:فتاه جميله ذات بشره خمريه جميله وعيون خضراء تسحر من ينظر إليها وشعر بني في بدايه عقدها الثالث تدرس ب الفرقه الاخيره بكليه هندسه

احمد الجبالي:شاب وسيم بالمعنى الحرفي للكلمه، طويل القامه (يعني الاء عندها حق لما بتقوله طول النخله 😂😂💔) يمتلك عيون شديده السواد وشعر اسود كثيف وجسم رياضي، يدرس ف الفرقه السابعه من كليه الطب

ماجده :والدة آلاء واحمد سيده تبلغ من العمر ٤٥ عاما، تحب أولادها وزوجها بشده وهيا سيده طيبه جدا محبوبه من الجميع
عبدالله الجبالي: والد الاء واحمد رجل طيب يبلغ من العمر ٥٠ عاما يعمل في مصنع أدوات كهربائيه
في مكان آخر في احد ارجاء محافظه القاهره تجلس سيده يبدو عليها الوقار والتقدم ف السن أيضا تقدم إليها قاسم ابنها وهو يقبل يدها بحب وهو يقول :صباح الخير يا أمي
وفاء بابتسامه:صباح النور يا حبيبي شكلك مستعجل مش هتفطر معانا انا واختك
قاسم :لا يا ماما مش هاقدر والله عندي اجتماع كمان ساعتين ولازم الحق أحضره.. ادعيلي
وقبل رأس والدته بحب واتجهه الي بااب الفيلا ليستقل سيارته ويتوجهه الي مقر عمله
في احد الجامعات الخاصه ف القاهره وبالتحديد كليه الهندسه
هايدي :الو يا مريم انتي فين
مريم : انا ف الكافتيريا وصلت من بدري انتي اللي فين
هايدي :انا اهو بركن العربيه ف البارك وجايالك
مريم :طيب يلا
ركنت هايدي سيارتها واتجهت باتجاه الكافتيريا حيث صديقتها ليعترض طريقها شاب وهو ينظر إليها بوقاحه وخبث شديد :ممكن نتعرف بالجميل.. انا وائل
هايدي وهي تنظر اليه بغضب :انا مالي انا وائل ولا زفت ايه البلاوي اللي بتتحدف ع الواحد دي يا ربي
جاءت لتتخطاه ليقوم هو بمسكها من ذراعها لتقف وتلتف اليه هايدي بصدمه وسريعا ما هوت على وجهه صفعه شديدة منها أثناء مشاهدة العديد من الطلاب لهذا الموقف
وائل وهو ينظر إليها بغضب واضح :انتي اتجننتي بتضربيني بالقلم!!
وحياه أمك لاربيكي واعلمك ازاي تفكري بس تمدي ايدك عليا
هايدي بغضب اكبر :أعلى ما في
خيلك اركبه ده القرف ده
ف نفس اللحظه جاء شاب الي هايدي بسرعه وقلق وغضب ب نفس الوقت :هايدي انتي كويسه فيه ايه ايه اللي حصل
هايدي :مفيش حاجه يا دكتور عمر ده واحد **** وانا ربيته
عمر :طيب كويس الحمد لله انك كويسه (هو ده اللي طلع معاك 😂😂💔)
استوووووووب تعالو اعرفكو ع الناس دي 😂
قاسم الكيلاني:شاب شديد الوسامه له جاذبيه تسحر جميع من يراه فهو يمتلك شعر اسود كثيف وعيون زرقاء تتحول إلى الاسود الفحمي عند غضبه بالاضافه اللي جسمه الرياضي.. يبلغ من العمر٢٩ عاما.. يمتلك مجموعه شركات ف الهندسه والمعمار عالميه فهو ورثها من والده وقام بتنميتها وتطويرها لتصبح الأولي عالميا ف المجال
هايدي الكيلاني :فتاه جميله ذات بشره بيضاء وعيون بنيه تشبهه القهوه وشعر بني لامع أيضا تبلغ من العمر ١٩ سنه تدرس ف الفرقه الأولي من كليه الهندسه

مريم طاحون :صديقه هايدي المقربه تدرس معها بنفس الفرقه... فتاه تملك عيون بنيه وبشره صافيه تميل للخمريه، شعر اصفر جميل كخيوط الشمس

وائل الشرقاوى:شاب يبلغ من العمر ٢٤ عاما يدرس ف الفرقه الثانيه من كليه هندسه (بيسقط كتير الفاشل 😂) غير مبالي بدراسته نهائيا ف الجامعه بالنسبه له مكان لاصطياد فرائسه ومقابله صحبه السوء لا أكثر

عمر رأفت:شاب يبلغ من العمر ٢٧ عاما يعمل معيد في كليه الهندسه (بالمناسبه هو معيد هايدي ومريم) يشعر ببعض مشاعر الحب تجاه هايدي ولكنه يحاول دائما أن يكذب مشاعره (هنعرف ليه قدام)
بس كده ده بارت انهارده متنسوش تقولولي رأيكو وتعملولي فوت وفولو♥️♥️
#ŘőOmà🖋️
