بقلمي :RoOma
"أحياناً يكون سلطان القلب أقوى من العقل.."
#RoOma ✍️
كان أحمد يجلس بغرفته بتفقد هاتفه بملل ليتفاجئ بصوت جعله ينتفض...خرج مسرعاً بإتجاه مصدر الصوت ليجد هند تصرخ بشده ويبدو عليها الرعب الشديد
احمد :بتصوتي ليه فيه ايه
هند بخوف :الحق فيه F16هنا
احمد بعدم فهم:ايه...
هند :ابو شنبات ي بني
احمد :ي بنتي بتقولي ايه
هند:صرصور ي عم صرصور
احمد بذهول:ناااعم... كل ده علشان صرصور... تصدقي بالله انتي عايزه تاخدي علقه وبعدين نرميكي لكلب جعان يخلصنا منك
هند بغضب :فيه ايه ي عم انت لسه هترغي اخلص موت البتاع ده ولا شيله من هنا
احمد بنفاذ:ي رب جاتلي منين البلوه دي
هند :سمعاك ع فكره سمعاك هاااا
عند شيماء ف المستشفى
شيماء قد استعادت وعيها وتحسنت حالتها الصحيه بعد تعرضها للعلاج والرعايه الطبيه
في نفس ذات التوقيت عاصم كان لا يفارق المشفى بل بالأحرى لا يفارق الطابق الذي به غرفتها
طرق عاصم الباب الخاص بغرفة شيماء وجائه الإذن بالدخول..
عاصم بابتسامه:صباح الخير
شيماء :صباح النور
عاصم :الدكتور هيجي يطمنا عليكي ولو حالتك تسمح بإنك تخرجي هيكتبلك اذن خروج
شيماء بفرحه :بجد هخرج
عاصم بضحكه :اه... بس فرحتي اوي كده ليه
شيماء :بصراحه انا بكره اوي المستشفيات بيجيلي اكتئاب منها
عاصم :بصراحه وانا كمان.. بس للأسف بنبقي مضطرين
شيماء :معاك حق... هو انا فوني فين
عاصم :ي بنتي انتي ازاي كده.. يعني مخطوفه وكنتي بتموتي وبتفكري ف فونك
شيماء :ايه دخل ده ب ده
عاصم بنفاذ صبر مصطنع :خلاص.. انتي عايزاه ليه
شيماء :عايزه اكلم الاء
عاصم :متقلقيش قاسم هيجيبها ويجي بعد شويه.. هيخلصو اجتماع مهم ف الشركه وجاين
عند قاسم ف الشركه
انتهى كلا من قاسم وهايدي والاء ووليد من الاجتماع الذي استمر لعده ساعات طويله أرهقت الجميع بلا استثناء
الاء وهي تتوجهه ناحيه الباب:همشي انا ي جماعه علشان الحق شيماء قبل ما تعلقني.. احتمال تخرج انهارده لازم اكون معاها
قاسم بجديه :هاجي معاكي يلا
الاء بإعتراض:وتيجي معايا ليه.. حد قالك اني هبله مش عارفه الطريق
قاسم بإرهاق طغى عليه الصرامه :انا قولت هاجي معاكي عاصم هناك كمان وانا عايزاشوفه.. مش عارف متحنط هناك بيهبب ايه
الاء بنفاذ صبر:اوووووووف... ارحمني ي رب
بعد قليل وصل كلآ من الاء وقاسم الي مبنى المشفى وهنا حدث ما لا يحمد عقباه
تفاجأت الاء بشخص إن بقي علي قيد الحياه بعد ذلك فهذا بفضل الله وحده!!
.
بنفس التوقيت كان كلاً من هايدي ووليد مرهقان بشده
وليد :اه ي دماغي
هايدي بتعب:انا حاسه ان دماغي اتطبقت كده زي المركب الورق
وليد بضحك رغم عنه:هتروحي الجامعه انهارده
هايدي بصوت أقرب للبكاء:اااااااه هروح عندي exam
وليد بضيق :اللي اسمه عمر ده لسه شغال هناك
هايدي:اه بس انا مش بختلط بيه خالص... ولا كأنه موجود
وليد :طب قومي يلا اوصلك علشان ارجع اكمل شغلي
هايدي :لا لا خليك انا هروح لوحدي... اقعد ارتاح شويه علشان تعرف تكمل شغلك
وليد :يلا ي هايدي انا اصلا جعان... اوصلك وبالمرة ناكل حاجه. واحنا رايحين
هايدي :اوك يلا
عند جاسمين في مكان يطغي عليه الظلام..
جاسمين:انا فين انتو مغمين عنيا ليه.
الحارس:مسمعش صوتك.. عندي أوامر لو سمعت صوتك اخلص عليكي.
جاسمين :انتو اكيد تبع عاصم صح؟؟ هاتوهولي وانا هتكلم معاه وهو هيسمعني والله هو بيحبني
الحارس بصوت بثّ الرعب بداخل جاسمين:انا قولت مسمعش صوتك
Flash back
سميه:عاجبك كده.. اهو عاصم عرف كل حاجه وعرف انك ورا خطف البنت دي ومش هيعديها واحتمال يجيب رقبتك فيها
جاسمين بخوف:ي ماما الحل ايه دلوقتي... انا لازم اتصرف
سميه:تتصرفي!! تتصرفي تعملي ايه.. عاصم مش هيرحمك.. انتي فاكره علشان سابك اول مره يبقى خلاص... لا ي حبيبتي
جاسمين:انا لازم اروحله واتكلم معاه هو مهما كان كان بيحبني اكيد هيسمعني وهيسامحني
فجأه دخل رجال ملثمون ظهر من خلفهم عاصم بهيئه اقل ما يقال عنه بركان ثائر
عاصم:بيحبك!!! لا ي حبيبتي كان فيه منه وخلص..
اتجه عاصم لجاسمين وامسك بها من خصلاتها بشده
عاصم:بقى انتي ي ******تعملي كده وتخطفي بنت بريئه... خطفتيها ليه؟؟؟
جاسمين ببكاء:والله كنت خايفه تقومك عليا اكتر
عاصم :ليه هو كل الناس*****زيك
عاصم لرجاله:خدوها
وعاد موجهها حديثه لسميه:اما انتي انا مش عارف اعمل فيكي ايه... ليه... ليه ده انتي مشوفتيش مني غير كل خير... كنت بعاملك زي امي... ليه تساعدي بنتك بدل ما تعرفيها الصح من الغلط
سميه ببكاء:عشان خاطري.. لو فعلا ف يوم من الايام اعبرتني زي امك هاتلي بنتي... هاخدها ونسافر من هنا ومش هتشوفنا تاني
عاصم بتهكم:داانتو فاكرني اهبل اوي بقى
انا هسيبك اكراما لعمي الميت...
غادر عاصم وهو يقسم انه لن يرحم تلك الافعى جاسمين
Back
عند عاصم أصدر هاتفه صوتاً معلنا وصول اتصال
عاصم:الو...
شخص:........
عاصم:ايه....
-يتبع....
استنوني البارت الجاي؛ ومتنسوش تعملو تصويت للبارت ومتابعه لو عجبكم♥️
بقلمي:
#ŘőOmà
