"وهناك من يجبرنا علي أن نتنازل عن قوانين وضعناها بدستور حياتنا "
#ŘőOmà
بعد دقائق عثر قاسم علي الاء في طريقها للحفل
قاسم بهدوء ما قبل العاصفه:آلاء انا مش قايلك تستنى وليد؟؟
آلاء بعِند طفولي :والله بقى يا أستاذ انا مش عيله صغيره تقولي اعمل ايه ومعملش ايه انا حره... وبعدين انت حاشر نفسك في حياتي كده ليه ده ايه ده
قاسم بنفس الهدوء :طب اركبي وبعدين نشوف مش عايز نتأخر على الحفله
الاء بعِند :لا يمكن.. انا هروح لوحدي
هايدي :يا آلاء يلا يا ماما بدل ما يتنكد علينا يلا
آلاء بغضب:اوووووووف... عملي الأسود في حياتي يا ربي ده انت غتت يا شيخ
قاسم بنبره حاده:بتقولي حاجه؟
آلاء بخوف استطاعت اخفاءه:مبنقولش مبنقولش يا ساتر
بعد قليل وصل قاسم بصحبته الاء وهايدي... ووصل عاصم مع شيماء ووليد الذي كان قد سُحر بتلك الحوريه
وكل منهم ينوي على فِعل ما لم تُتَوقع عقباه..
تم توقيع العُقود بنجاح وبعدها توجه قاسم للمنصه؛ وبعد أن شكر الحضور بدأ بما سيشعل أجواء الليله
قاسم بجديه:بالمناسبه دي وبما ان الكل موجود فخليني أعلن عن مفاجأة وهيا اني عايز استغل فرصة تجمعكم واكتب كتابي انهارده
صدمه حلت على أذان العديد إن لم يكن الجميع ... فكيف؟؟
كيف لذلك القاسي أن ينبض قلبه لأنثي؟؟؟
عاصم بذهول:نهار ابيض بيعمل ايه ده
وليد :والله كنت حاسس
عاصم:حاسس ايه..هو قصده البت نرمين
وليد :نرمين مين يا بني...
عاصم:انا فاتني كتير ولا ايه..
عاصم بذهول:طاب مين هى العروسة
.. ولاه يا وليد خد هنا فهمني يلاا
اتجهه عاصم لقاسم ومال علي أذناه
عاصم:انت بتعمل ايه؟ هتتجوز مين يا مجنون
قاسم بإبتسامة : ألاء
قاسم: عاصم عايز مأذون في عشر دقايق.
عاصم بعصبيه وصوت منخفض حتي لا يلاحظ الحضور :اجيبه من تحت الارض ده ولا ادعك الفانوس يظهرلي.. اجيبه ازاي
وليد :بقولك ايه يا قاسم... انا هجيبلك مأذون في عشر ثواني بس ليا طلب صغنون
قاسم :طلب ايه يا وليد مش وقتك
وليد :انا عايز اتجوز هايدي
قاسم بإبتسامه :لسه اللي فاكر تقولي
وليد بذهول:هو انت كنت عارف
قاسم:اهبل... بقى كل العِشره دي ومتخيل اني في حاجه تستخبي عليا
وليد بابتسامه:طب قولت ايه
قاسم :الرأي مش رأيي.. رأي العروسه
وليد :خمس ثواني اجيب موافقتها واجي
قاسم وهو يمسك وليد من ثيابه:خد هنا خلص موضوعي انا الأول وبعدين شوف هايدي اخلص
وليد : يارب صبرني.. طيب
ذهب وليد وفي خلال دقائق بالفعل كان قد احضر المأذون واتجهه للبحث عن هايدي
وليد :هايدي اخيرا لاقيتك
هايدي بضحك :ايه يا وليد بتنهج كده ليه...
وليد :بصي.. هايدي انا بحبك وعايز اكتب كتابي انا وانتي دلوقتي بعد اخوكي
هايدي بذهول :نعاااام... انت بتقول ايه.. هو الهوبه جات لكو كلكو انهارده ولا ايه
وليد برجاء :بالله عليكي يا هايدي
هايدي :وليد بطل هبل
شيماء :وافقي يا هايدي خلي العروسه يبقو اتنين
شيماء لوليد :خلاص وافقت... اجري الحق قاسم خليه وكيلها قوام
عاصم:لا هما مش هيبقو عروستين هما هيبقو تلاته... شيماء انا بحبك ووالله ما نا ماشي الا وانتي مراتي مجاتش عليا
شيماء :هايدي... يلا بينا نجري من هنا
وكانت ألاء في تلك الوقت تجلس على البوفية بتأكل وتمثل اللامبالاة
آلاء بلامبالاه : ها مين بيناديني
شيماء بضحك :انهاردة كتب كتابك وانتى بتأكلى ولا همك
آلاء بلامبالاة : بيجاااااد طاب متنسوش تعزمونى
قاسم : ألاء انهاردة كتب كتابنا
ألاء ببرود : الف مبروووك متنساش تعزمنى
قاسم بعصبية : الاء
ألاء بغضب : بلا الاء بلا زفت انت مين اصلا عشان تقرر بدالى وجاي فجأة تقولى انهاردة كتب كتابنا
اقترب قاسم منها وامسكها من ايديها وذهب لمكان بعيد عن الحضور
ألاء بغضب : سيب ايدى انا مش موافقة انا مش بحبك من الاساس
قاسم ببرود وهو بيقرب منها : متأكدة انك مش بتحبينى
ألاء بتوتر من قربه : اه
قاسم وقرب أكتر من ألاء ومفيش بينهم غير خطوة : متأكدة
ألاء بتوتر : قولت اه انت بتقرب كده ليه ابعد و وقبل أن تكمل كلامها كان قاسم قد قربها إليه أكتر وأحاطها عن طريق وضع كفتيه علي الحائط الموجود خلف آلاء
قاسم بخبث : و ايه كملى كلامك
ألاء بتوتر شديد وخجل : مينفعش كده ابعد عنى لو سمحت
قاسم بدون وعى وسرحان فى عيونها : انتى جميلة جدا
ألاء بخجل شديد : قاسم لو وقبل ما تكمل كلامها كان قاسم اقترب اكثر من اللازم وكان رد فعل الاء هو إغلاق عيناها ظننا منهاا انه سيُقْبلها
قاسم :يلا عشان المأذون وصل وانا اتصلت بأخوكى أحمد عشان يبقي وكيلك
وألاء كانت واقفة مكانها متجمدة ومش مستوعبة اللي حصل ووشها أحمر جدا
ألاء بصوت واطى : ايه ده هو مباسنيش لااااا الغوا رحلتشي انا عايزة باد بوى
قاسم سمعها وفضل يضحك وغمزلها : يخرب بيتك وانا اللي فاكرك بريئة
ألاء بخجل شديد : هو انت لسه قاعد
وبالفعل بعد عده مشاكسات تم عقد قران قاسم والاء؛ وعاصم وشيماء؛ ووليد وهايدي.
بعد انتهاء الحفل في قصر قاسم
وفاء (والده قاسم) بغضب:قاسم.. ممكن افهم ايه اللي بيحصل
يعني ايه حفله افتتاح قريه سياحيه تتقلب فرح
قاسم :ماما.. انا تعبان ممكن ناجل كلام في الموضوع
وفاء:انت بتحبها؟
قاسم بتفكير :لا.... انا بس عايز انتقم من نرمين واعرفها اني متهزتش بعدها
وفاء:طب عينك في عيني كده.
قاسم بإستسلام:يوووه...اه يا ماما بحبها ومعرفش امتى وازاي وعن اذنك عايز انام
وفاء:هايدي
هايدي: يا نهار ابيض اتقفشت... نعم يا ماما
وفاء :مبروك يا عروسه
هايدي بخجل:الله يبارك فيكي يا ماما
وفاء:وانتي بقى متجوزه بجد ولا علشان تنتقمي من مين
هايدي بخجل:ماما وليد بيحبني وانا حاسه بده وهو أقرب حد ليا بعدك انتي وقاسم والبت مريم
وفاء بإبتسامه :ربنا يسعدكو يا حبايبي
في نفس التوقيت عند احمد وماجده
ماجده :احمد يا بني ايه رأيك نخلي كتب كتابك مع فرح اختك
احمد بجمود :اللي تشوفوه.
هند : عن اذنكو
ماجده :يابني بطل اللامبالاة دي بطل تحسسها انك مجبر عليها
احمد :يوه ياماما هيا مش دي الحقيقة؟
ماجده :معلش يا حبيبي والله هتدعيلي بعد كده اني جوزتك هند
احمد:حاضر يا ماما
ماجده :جهز نفسك بقى.. وقبل ما تنام هناديلك هند اتكلم معاها شويه.
احمد :لا تعبا
ماجده بمقاطعه:هشششش اسكت هناديها على طول اهو
بعد دقائق خرجت هند من الغرفه......
مساء الخير ع الناس الجمر اللي بتتفاعل ع بارتاتي؛ والناس اللي بتقري وتجري لا سلام ولا مسا ولا كلمه كويسه👀
متنسوش فوت للبارت ومتابعه ليا ورأيكم في كومنت علشان احبكم 🌚♥️
وقبل منسي شكرا لكل الناس اللي بتدعمني بكلامها القمر وبتنور يومي بسببه، بقرأ كل كومنتاتكم وبرد عليها وبتفرحني💙
دومتم ليا يا قمرات💜💜
#ŘőOmà🖋️
