بقلمي : ŘőOmà
""الخاتمه""
بعد مرور شهر
عند قاسم وآلاء في جزر المالديف
قاسم:آلاء اخلصي اصحى بقى كل ده نوم
آلاء بنعاس:يا عم يا أبو عضلات انت سيبني أنام هو أنا اخلص من إمي تيجي انت؟! .. وبعدين انت صاحي بدري كده ليه؟! .. هو أنت كنت بتروح تبيع لبن قبل الشغل؟
قاسم بضحك :طيب خليكي نايمه أنا هصحيكي بطريقتي
آلاءبفزع:لا خلاص أنا صحيت أهو.. دانا رجلي واجعاني مش ناقصه
Flash back
في حفل زفاف اآلاء وقاسم
وبالتحديد أثناء شجار قاسم ووائل ذهبت آلاء لتسحب قاسم ولكن لسوء حظها كانت ترتدي حذاء عالي فسقطت بسبب وأخذت تصرخ بألم
قاسم:آلااااااء
آلاء:رجلااااااااااايي...منك لله يا هايدي يابنت أم هايدي قولتلك هلبس كوتشي قولتيلي لااااااء
قاسم بضحك على تلك المجنونه:قومي نوديكي المستشفى
آلاء :إنت أعمى.. رجلي اتكسراااااات.. أقوم ازاي
شيماء بضحك :خلاص اسندي عليا ويلا ان شاء الله مفيش كسر ولا حاجه.. قومي يا نحس
آلاء بمحاولة للنهوض:مستغله اني مش هقدر اقوملك والله مانا سايباكي وهوريكي مين اللي نحس.. ااااه
قاسم وهو يضعها على ذراعيه:ارحمي بقى يا شيخه
آلاء بصراخ :نزلنااااي.. أنا عندي فوبيا من المرتفعات وانت ما شاء الله برج في نفسك
في المشفي
الطبيب:هيا كويسه بس رجلها فيها شرخ هنضطر نجبسها مدة مش كبيره يعني
قاسم بجديه :تمام؛ تقدر تخرج من هنا امتى؟؟
الطبيب:انهارده لو حابين بس اهم حاجه الراحه التامه
قاسم :تمام
Back
أحمد:هند انا جعان حضريلي فطار بسرعه قبل ماانزل
هند:طيب اهو بعم..... عاااااا
احمد بفزع:بتصرخي ليه
هند:فاااااااااااار
أحمد :والله مانا سايبك الا لما تاخدي علقه.. مره صرصار ومره فأر يا شيخه ارحمي امي؛ حد يفزع حد كده
هند:يا ماما ده بيجري ناحيتي امسكه يا أحمد
أحمد :احسن خليه ياكلك ويخلصنا منك
هند بغضب :طيب... والله لاوريك
أحمد وهو يتناول الفطار:يا هننددد
هند ببرود:نعم
أحمد بغضب:مين اللي حط الشطه دي كلها في البيض
هند ببرود:أنا
أحمد :لا والله لتاخدي علقه
هند :جدع امسكني بقى
واستمرت في الجري وأحمد خلفها حتى أمسك بها
أحمد:ااااه مسكتك
هند بخوف:هتعمل ايه يعني
أحمد:هاخد حقي
هند بدموع :خلاص والله مش هعمل كده تاني
أحمد بندم :خلاص بس متعيطيش مش بحب اشوفك بتعيطي
واخذها بين احضانه مهدئاً اياها
هند بتوتر:خلاص انا كويسه
احمد:ماشي
هند:طيب خلاص سيبني
احمد:تؤتؤ.. هو انت مراتي ولا انا بيتهايألي
هند بخجل:عايزه اروح افطر
احمد:لا
هند:ليه
احمد:كده
هند بغضب:اشمعنا انت كلت
أحمد:فين ده يا نصابه ماانتي حطيتي فيه شطه كتير
هند:خلاص سيبني وهعملك غيره
أحمد بتفكير:امممم ماشي بس المره الجايه مش هعديها بالساهل كده
عند وليد وهايدي في سويسرا
هايدي بسعاده :عارف يا وليد انا بحب السفر والخروج اوي..
وأكملت بحزن:بس دايما قاسم مشغول ومش بيوديني ف حته ولما بطلب إني اسافر مع صحابي مش بيوافق
وليد بمرح :يا ستي انا صايع وعايش في الشارع أصلا... شاوري انتي بس على اي مكان ثواني ونبقى فيه
هايدي بفرحه :لاف يو (هنسيبهم عصافير الحب دول مع بعض 😂)
