دموع طفلة

البارت 22

بقلمي انا : latifa el
البارت 22
من قصة دموع طفلة

ناضو لبنات طلعو لفوق كل وحدة مشات لبيتها  عند ريحان مشات اول حاجة درتها حيدات حوايجها دخلات فدوش دوشات وخرجات لوية عليها فوطة لبسات 2 بياس فالاسود ولبسات الكيسيوة لي جابت ودارت لشعرها كود شوفال وخلات منو شي خصلات نازلين على وجها ودارت مكياج خفيف وركزات على عنيها لبسات الطالون وهزات واحد البوشيط دارت فيه التيلي ديالها وبقات كتشوف فراسها فلمرية عجبها الحال جات سوكيوت وخرجات هبطات لتحت اما عند جوري حتى هيا دوشات وخرجات لبسات عليها الكسوى لي شرات ودارت مكياج تقيل شوية جا معاها وللسات طلونها وخرجات هزا تلي ديالها فيديها جات زاز هبطات لتحت لقات لقات ختها وباباها وخوها كيستناوهم
جوري: هاني جيت
ريحان: شفناك غير زيدي قدامنا
جوري: مالد اختي على حالتك
ريحان : وتعطلتي
حمزة : اوا ياله براكة من نكير تانتما
خرجو مشا خوهم وباهم تبعهم باللوط ديالو وهما ركبو مع خوهم
ركبو وكسيرة بيهم ماوقف غير قدام الحفلة هبطو لبنات وخهم حتى هو بقاو غادين دخلو لداخل
جوري: ريحان
ريحان افت فيها: نعام
جوري: انا انمشي نقلب على توتوز باين هاد.الحفلة ايكونو فيها غير التوتوز ههههه
ريحان: سيري راه نتي لي ضربك ضربك على التوتوز
مشات جوري غادية وتتعوج كاتشوف هاك وهاك كاينين بزاااف ديال دراري وقليل هاد الحفة مافيهاش بزاااف ديال لعيلات لمهم مشات كلسات في واحد القنت غيير كتشوف بعنيها حتى حسات بشي يد تحطات على كتفها رفعات راسها شافت فيه
جوري: هههه نت راك هنا
تاج الدين: اش كديري هنا
كلس حداها جوري: جيت مع بابا وخوية

تاج الدين: شكون باباك
جوري: بابا سميتو ملود
تاج الدين: اه ههه عرفتو
بقاو كيهضرو شاف فيها وقال : جات معاك الكسوى جتي زوينة
جوري بخجل: شكرا من دوقك ......
اما واحد ريحان غير دخلات مانت مامرتحاش فالحفلة مشات هزات واحد الكاس ديال العصير ومشات كلسات فوق واهدحد الفوطوي كتشوف غير بعينيها وكتشوف لي جاي ولي مشا بقات تماك كتستنا بفارغ الصبر امتى تسالي الحفلة

عند تاج الدين كانو كلسين هو غير كيشوف فجوري لي حتى هيا ماتنكرش عجبها وعاطي العين جا زوين حتى هو بالكومبلي لي شرا بقاو هكاك وهو اشوف عز العرب
تاج الدين: عز
عز شاف فيه: نعام
تاج الدين: اجي اجي
مشا عندو وقف عليهم
عز: اش كاين
تاج الدين: وريح اصاحبي من صباح ونت كادور
عز كلس: لا غير كونت كانشوف واش كولشي هو هداك
جوري شافت ريحا كالسة بوحدها عرفاتها اتكون ملات حيت هي ماعندهاش مع هادشي بزاااف
جوري ناضت: سمحولي هاني جاية
ناضت مشات عند ريحان
جوري: اجي كلسي معانا راه لقيت تماك شي وحدين كالسين
ريحان : والله ماعندي كانة
جوري : والله حتى غيعجبك الحال
ريحان ناضت: وخا ياله
مشاو جيحت دراري وصلو عندهم كلسو ريحان كلسات انفاص مع عز العرب وجوري كلسات حدا تاج الدين
عز العرب كان عاني راسو كيشوف فالتيلي ديالو المسج لي جاه جاوب على المسج من الزميل ديالو بارك ليه المشروع لي ربح وحط التلي حداه ورفع راسو وهو اشوفها كتجغم من الكاس
عز العرب: شنو كديري هنا
ريحان : ها نت لي اش كدير هنا
عز: كفاش
ريحان: اه انا جيت مع بابا
عز العرب: شكون باباك
تاج الدين : مسيو ملود
عز العرب: اممم
بقا كيخنزر فيها حيت تفكر اش دارت ليه على الساعة
ريحان بقات كتشوف فيه وهو كيشوف فيها وتقولي شي واحد حط عينو هي كاظير ليه هكاك بحال كتتحداه وهو غير مازيد فيها

بقاو كالسين جوري وتاج الدين لي مسكتوش من الهدرة
ريحان: واش نتي مكتسكتيش
تاج الدين: خلي عليك البنت
جوري ضرباتو على صدرو: ههههه دسما كديرها ليا هههه
تاج الدين مع ديك الحركة لي دارت ليه بحال ضربات فيه الضوء
بقا كيشوف فيها كيف كتضحك ويتغمضو ليها العنين وريحان لي غير كدور وجها هاك وهاك وهي توقف
ريحان: عافك فين جا الحمام
عز العرب: من ديك الجيها
ويدرا ليها بيدو ومشات هي مشات للحمام دخلات قضات حجتها وخرجات مع الدورة وهي تحس بشي حد شدها كن يديها
ريحان: اييي
الرجل : مالك ازين
ريحان : طلق مني
الرجل كيقرب منها: والى مابغيتش
ريحان هزات يديها لخرا وعطاتها ليه لوجه وهو اشوف فيها بغا اضربها وشدات ليه يدو ولواتها ليها حتى كانت غتدي تتقطعها ليه
ريحان تحت سنانها : عمرك تحط عليا يدك الى عودتي نكردها ليك ومشات

هادشي كامل داز تحت اعين عز العرب لي كان كيدوي فتيلي بقا متعجب فيها 😍😍😍😍