دموع طفلة

البارت 19

بقلمي انا :latifa el
البارت 19
من قصة دموع طفلة

في واحد لبلاصة خارجة كازا في واحد الدار كبيرة شوية وراقيا ومتكونة بجوج طبقات ندخلو نشوفو اش كيوقع فهاد الدار

الرجل واقف وسط الدار : جوري ريحان ويلاه ابناتي راه انطعطلو
ريحان هابطة مع دروج لبسة كسيوى قصيرة حد لفخاد ودايرة مونطو خفيف على كتافها وهزا صاك صغير في يديها وطلقة شعر
تبعاتها جوري لبسة سروال جينس جاها لصق مع واحد تيورت مزيرة جاتها وسط الكرش وعلى ضهرها شكارة صغيرة وهبطو
ريحان: هاني ابابا جاين
الاب ملود : اوا ياله
خرجو مشاو ركبو فاللوطو وكسيرة بيهم موقف غير قدام اكب بوتيك فكازا نزلو وهو بقا فاللوطو
ملود: ياله سيرو من بعد ساعة نرجع نلقاكم واجدات وخا
لبنات: وخا بابا
مشاو لبنات وهو مشا فحالو دخلو لداخل وبقاو كيشوفو لكساوي لي معلقين فجناب
جوري: هانتي انا انمشي لجيها خرا انا هاد الجيها مكتعجبنيش لحوايج لي فيها
ريحان: سيري سيري اش كتعرفي نتي
مشات جوري وريحان بقات كتشوف فلكساوي عجباتها وحدة هزاتها ومشات تقيسها لبساتها كانت كسيوى جاتها نص فلفخاد فاللون اسول ومزيرة على صدر ومنبت بالاحجار وفيه الريش جيهت العنق واليدين وعلى لفخاد عجباتها حيداتها ورجعات لبسات لي كانو عندها وخرجات مشات خلصات ومشات جيهت الاحذية بقات كتعطي ليها واحد البنت فالطالونات وهيا كالسة على واحد الكورسي كتقيس بقات كتقيس حتى عجبها واحد فاللون الذهبي خداتو ومشات جيها كانو فيها الاكسيسورات
ريحان: سلام
البنت : سلام انيسة اشحب الخاطر
ريحان : بغيت شي اكسيسوار تكون رقيقة ةفيها شي حاجة فالوسط
البنت : اه وخا انا نعطي ليك
بقات كتستنا حتى جات البنت هزا شي بوطات جات حطاتهم حداها وكتفتح ليها
كانت تماك  وحدة بسيطة وراقية فيها دمعا في الوسط ووحد فيها وردة فالوسط ووحدة فيها قلب
عجباتها لي فيها القلب خداتها ومشات بقات كدور وهيا تشوف واحد الساعة ديال رجال مشات جيهتها وهي تفكر خوهة عجباتها غير مدات يديها وهي تمد يد خرا على ديك الساعة شدو في الساعة بجوج رفعات راسها كان عز العرب غير رفعات راسها وهيا تشعل
ريحان: راه انا لي سبقتك
عز العرب: لا انا
ريحان هزاتها: لا انا لي سبقتك يعني انا لي نخدها.
عز حيدها ليها: لا انا لي غادي نخدها
دارها في يدو كيقيصها 
ريحان شدتها وهو شادها بقاو كيتخاصمو عليها وهيا تتقطع على جوج
ريحان رمات عليه النص فدلي كان في يديها
ريحان: هههه كونتي باغيها صافي انا مابغيتهاش
عز: كيفاش لا غير خوديها دبا
ريحان: لا غير خودها صافي بسلامة
مشات كتجري وخلتو موراها كيسب
شاف فالرجل لي كان غير كيشوف فيهم وهما منوضين الحيحة
عز العرب : شحال هادي
الرجل: 1000 درهم امسيو
عز العرب جبد لفلوس من جيب خلصو وخدا وحدة خرا وخلصها حتى هيا ومشا فحالو

......اما عند جوري كانت غادية كتفرنس مشات كتشوف لكساوي كتختار وتعزل شيبات البنت لي معاها مسكينا الكسوى لي تقول ليها حيدي ليا ملي كتحيدها كتنوض تغوت تقول ليها ماشي هاديك مكتعجبهاش حتى شافت وحدة الكسوى فلكري طويلة وفتحا من جناب وعندها تقبا فالضهر هيا مشات تهزها وهيا تسبقها واح لمرة هزاتها ومشات
جوري: بيت بحال هاديك
البنت : عندنا غير هاديك ا انيسة
جوري كلسات فلرض كتبكي
جوري: هئ هئ هئ
البنت: مالك انيسة
جوري : بغيت هديك الكسوة  هاديك لي خدات ديك لمرة هئ هئ
البنت: وراه ببقاغير هاديك ممنين
نجيبها انا
جوري : هئ هئ هئ

.....😍😍😍😍😍😍