بقلمي انا : latifa el
البارت 123
من قصة دموع طفلة
تاج الدين عنقها: صافي صافي احبيبة ماشي مشكيل
الاء: كنبغيك
تاج الدين: حتى انا كنبغيك بزاااف
الاء عنقاتو وهو بدلها العناق
نبدلو لبلاصة وصل ليل كانت كالسة في بيتها حتى شافتو داخل لبيت شاف فيها لقاها كالسة
عز: ريتان مالكي
ريتان شافت فيه ورجعات شافت فلرض: والو
عز مشا كلس حداها : ريتان مالك
ريتان ناضت كلسات: قولت ليك والو
عز شد ليها وجها وشاف فيها : ريتان حبيبة مالكي
ريتان ناضت وقفات بغات تخرج : صافي والو اعز والو
ريتان خرجات وريتان هبطات لتحت غير شافتها حنات راسها ومشات لكوزينة دخلات لقات الخدمات تيقادو لغدا
ريتان: اري نعاوك
الخدمة: لا الالة انا نعاودك
ريتان: قولت ليك اري
الخدمة حنات راسها وبعدات عليها وريتان شدات الموس وبدات تتقطع فالخضرة وهي معصبة
اما تورية ملي شافتها هكاك هبطات معصبة دارت ضحكة الجنب ومشات لكو زينة طلات عليها لقاتها على ديك الحالة
تورية: دبا نشوفو داكشي لي قولت ليك واش غادي اتاتر عليك ولا لا
اما عز دخل لدوش دوش عليه وخرج لبس عليه كيطمة وهبط لتحت تلاقة مع واحد الخدمة
عز: فين هي ريتان
الخدمة: راها فالكوزينة اسيدي
مشا تيجاه الكوزينة دخل وهو اشوفها فديك الحالة دار اشارة للخدامات خرجو كاملين ومشا هو كيقرب عندها كيشوف في صبعانها لي كولهم تجرحو بالموس وكينزفو وهي مزات تتقطع
مشا عندها شد ليها يديها وحيد ليها الموس من يديها ورماه فلرض
عز دورها عندو وغوت عليها: ريتان اش هاد الخالة شوفي كي درتي ليديك
ريتان طلعات فيه عنيه وشافت فيه
ريتان جمعات كل قوتها ودفعاتو: بعد مني لهيه ماتقربش مني
عز : ريتان مالكي اش تتقولي
ريتان خرجات كتجري طلعات لبيتها وسدات الباب وكلسات تتبكي غير بوحدها
ريتان: هئ هئ شنو درت ليك باش دير ليا هاكة اعز شنو
بقات تتبكي وهي تفكر الهضرة لي قالت ليها تورية
فلاش باك
تورية: بنتي عاودي ليا عليك شوية
ريتان عاودات ليها حياتها كاملة
تورية: عاد عرفت ولدي علاش ختارك نتي لي ادوز بيك هاد الوقت ويرميك
ريتان: شنو كيفاش
تورية دايرة راسها مقصداتش داكشي لي قالت : لا والو والو
ريتان: لا قولي ليا اخالتي
تورية: المهم ابنتي انا مابغيتكش ضيعي حياتك معاه ولكن انقول ليك اش باغي ادير بيك هو راه تزوج بيك غير باش ادوز بيك الوقت ويرميك واصلا هو فصباح ملي خرج سمعتو كيهضر مع شي واحد فالتليفون وقال ليها بلي راه غير نسالي داكشي لي بغيت ندير نطلقها ونجيبك عندي نتي هادشي لي سمعت ابنتي ونتمنا ديري ليه الحد لهاد العلقة وخا عارفة بلي نتي كتبغيه ولكن زطمي على قلبك نتي قبل مايزطم عليه هو
ريتان ناضت وقفات: لا ميمكنش
تورية ناضت وقفات : ماتقيش فرجال بزاف حيت حتى انا راجلي شحال من مرا لقيتو كيخوني وشحال من مرا حولت ننتاحر ونتفارق عليه ولكن كان كيهددني بولدي
ريتان بقات غير كتشوف فيها ودخلات ليها الشك ومشات نيشان لبيتها من تماك وهي تتبكي تيقاتها بلي صافي هو كيخونها
نهايت لفلاش باك
ريتان ناضت جمعات الوقفة ومشات قدام لمرية وقفات انقاص معاها وشافت فراسها
ريتان: كنواعدك اعز هادشي مغاديش اطول بزاااف
مسحات دموعها وهي تسمع صوت الدقان
عز: ريتان مالكي فتحي
ريتان : لا
عز : ريتان فتحي ولا نهرسو ديل مو على جوج
ريتان: لي فجهدك ديرو
عز رجع اللور وضرب الباب ضربة وحدة حتى تفتحات شاف فيها لقاها واقفة قدام لمرية وتتشوف فيه
عز : ريتان علاش تتعصبني اش هاد الحالة ملي جيت ونتي ماشي هي هاديك
ريتان: بعد مني هادشي لي بغيت
ريتان بعدات منو ومشات للبالكون
عز تعصب نيت وبدا كيشخشخ فالبيت كولشي قلبو وكلس على النامسية كايحاول اتهدن ومابغاش اشوفها قدامو في هاد الوقت حيت عارف الى باتدنت قدامو غادي اقتلها ولا ادير ليها شي حاجة
اما هي مالي خرجات من لبالكون وهيت كلسات فوق واحد الفطوي وهي تتبكي وتتفكر اش غادي دير
اش هاد.الحالة تاني 😨😨😨
أنت تقرأ
دموع طفلة
Misterio / Suspensoقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
