بقلمي انا : latifa el
البارت 73
من قصة دموع طفلة
بقات غدية وهي مرا مرا عنيها كتدرف الدمعة ولكن ولكن كتحاول تقوي راسها كتر باش متبكيش وكتقول مع راسها
ريتان: كولشي غادي افوت كولشي افوت دبا تتصلح الامور
دبا اقاد كولشي
بقات غادية حتى وصلات لبلاصة كلسات تحت واحد الشجرة وهي تتشوف فطريق حتى بان ليها جاي وقف اللوطو وجا كيجري عندها
زبير وقف حداها : مالكي اش هاد الحالة
ريتان عنقاتو بدون صابيق انضار وبداو دموعها انزلو حيت في هاد اللحضة كانت محتاجة لشي حضن تبكي فيه وخا اكون لي كان هو عنقها وخا هكاك بقات فيه رفع ليها راسها وشاف فيها
زيبر: مالكي
ريتان: عافك ديني منهنا انا مابقيتش حاملة هاد لبلاصة عافك
زبير: فين بغيتي نمشيو
ريتان: اي بلاصة غير بعدني منهنا
زبير: وخا ياله
شد ليها في يديها وجرها عندو وداها للوطو ركبها وقاد ليها الصمطة ومشا ركب حتى هو وكسيرة نيشان بقا غادي حتى خرج لمدينة وشاد طريق لطوروت
ريتان شافت فيه: فين غادين
زبير شد ليها يديها وباسها: غنديك لواحد لبلاصة ترتاحي فيها
ريتان بتاسمات ليه ابتيسامة ديال بزز بقا غادي شي 5 دسوايع وشاف فيها وبتاسم ورجع تبت راسو مع الصوكان حتى دخل لواحد الدار كبيرة وجات في وسط لمدينة دخل وقف اللوطو وهبط مشا عندها هزها ودخل بيها لداخل مشا نيشان حطها في واحد البيت فوق النامسية وغطاها وناض خرج
....اما هي فتحات عنيها كتشوف راسها فين هي ناضت مفزوعة فاش حسات بالباب تحلات غير شافتو داخل تنهدات
زبير كلس حداها : كي بقيتي
ريتان: الحمد الله
زبير: نوضي دوشي عليك هاد الحالة ولبسي شي حاجة واجي انا لتحت
وناض باغي اخرج وهي توقفو بهضرتها: شكرا بزاااف
زبير: مابناتناش
وغمزها وخرج وسد الباب
هي ناضت دخلات لدوش طلقات الماء فالجاكوزي ودارت فيه زيوت الاسترخاء وحيدات حوايجها بقات بدوبياس وتخشات فيه طلقات شعرها وصط الماء وسترخات بقات مدا وهي على ديك الحالة حتى تفكرة واحد الحاجة وهي تنوض ناضت تخشات تحت الرشاشة دارت الشمبوان فركات شعرها وشللاتو وخرجات لوية عليها فوطة غير شافت فوق النامسية لقات تماك كسيوى طويلة كتتسمة بالفرشة
فاللون الازرق وفيها نقيطات فالاسود وحداها ملابس الدخلية مشات لبسات عليها ومشات وقفات قدام لمرية وبقات تتنشف شعرها وخلاتو مطلوق وخرجات هبطات لتحت وهي تشوفو كالس كيستناها مشات تتجري كلسات حداه
ريتان: بيت نسولك
زبير: وي
ريتان: فين حنا
زبير: فمدينة السياحية مدينة الناظور(لبنات مرحبابيكم في مديني انا نهدر عليها في قصتي هههه نشكرها شوية 😂😂😂)
ريتان: واو شحال كونت بغيت نجي ليها
زبير: هههه اوا هانتي جيتي ليها
ريتان: هدر ليا عليها شوية وعلاش جبتيني لهنا بالضبط
زبير : حيت مدينة فيها بزاااف ديال لبحور واماكن خلابة رائع بي معنة الكلمة زوينة وكتفتح النفس
ريتان: اه بيغيت نخرج نشوفها
زبير: نوضي تنعسي راه مشا لحال دبا حتى لغدا ونخرجو وخا
ريتان: وخا المهم شكرا بزاااف
زبير جرها عندو: هانيا ازين المهم حتى لغدا وتعودي ليا دكشي لي وقع وخا
ريتان وقفات: وخا
رجعات طلعات للبيت مشات حيدات عليها ديكشي لبسات ببجامة خفيفة وتكات فوق الناسية تنعس شوية حيت راسها كيضرها من كترت لبكة 😭😭😭😭😭😭
أنت تقرأ
دموع طفلة
Misterio / Suspensoقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
