دموع طفلة

البارت 52

بقلمي انا : latifa el
البارت 52
من قصة دموع طفلة

وصلات لدار دخلات نيشان ماشت ليبتها دخلات سدات عليها الباب ومشات تكات فوق النامسية ديالها على كرشها وساهية لبعيد ماحسات غير بدموعها طاحو من عنيها وهي كتفكر حياتها كي غادية كولشي فيها مهدود كولشي مكركب عطات العنان لدموعها حتى تفشات حسات براسها غادي اتفركع وتكات ونعسات

....اما عز العرب ملي وصل دخل لدار مالقهاش لتحت وهو اطلع الفوق مشا بدل عليه لبس شورط ومشا عندها للبيت اطل عليها فتح الباب لقاها ناعسة مشا كلس حداها لقا شعرها كامل على وجها وكلو فازك بدموع تنهد وقرب ليها حيدو كامل على وجها لقا عنيها فزكين بدموع حط يدو على وجها وهو اقول
عز: ريتان البلالي انا كونت عارفك بلي نتي مستحيل تموتي وتستسلمي ولكن انا غادي نلعب معاك لعبة خرا حيت نتي عانيدة بزااااف وانا كيعحبني بنادم اتعاند ماعيا وهاحنا غنشوفو اش دري ملي غادي تعرفي الحقيقة ويتنفد داكشي لي كونت مانع اتنفد شحال هادي ونشوفو اش غادي ديري في ديك لوقيتة نيت
بقا كيشوف فيها ونطق تاني وهاد المرة كيدوي بدون هواه : انا عارفك تعدبتي فحياتك وقاصتي بزاااف ونتي مزااال صغيرة ولكن نتي لي خطارتي تتعندي مع عز العرب الادامي وانا الوجب عليا نتعند معاك

(اش مخبي هدا تاني شي قومبلة في الطريييييق هاهاهاها👹)
ناض خرج هبط لتحت مشا هز قرعة ديال الماء ومشا لبيتو بقا خدام حتى وصلات ديك 12 دليل وهو اسمع واحد الصوت ناض وقف وهو اشوفها داخلا كتجري
ريتان جات مراه :بعدو بعدو
غير بغا انطق وهو اشوفو داخل
عز: كرلي اجي
مشا عندو كيجري نط عليه وهي تبعد عليه مشات تخرج وهي تشوف كرستي وكرلينا حتى هما مشات كتجري دخلات لدوش
ريتان سدات عليها الباب وخايفة
ريتان كتغوت: عز عزززززز
عز ضحك عليها ملي شافها دارت ديك الحركة وهو اشوفها كطل عليه وهو كالس وسط النامسية وكيلعب معاهم بثلاتة
ريتان: وخرجهم
عز: غير خرجي وسيري لبيتك مغادي اديرو ليك والو
ريتان: اوا شدهم
ريتان غير خرجات سدات الباب وهي خطات شي خطوات وكتشوف فيه
عز العرب غير شافها في وسط البيت وهو اغوت: تبعووووها
لكلاب بثلاتة ناضو كيجريو جيهتها وهي بقات مصدومة غير كاتشوف رجليها فشلو عليها وهي كتشوفهم غادين قدامها مامشاو فين اوصلوها وهي طيح فلرض كاسات ودموعها شلالة على جناب عنيها
عز تصدم من الوضع وهو انوض مشا عندها
عز: ريييييحاااان مالكي
ريتان بقات على نفس الحالة ولكلاب كلسو حداهم كيشوفو فيها
عز: كرستي كرلي كرلينا برا
هما مزادوش الهدرة خرجو وهو اشد ليها وجها بين يديه وكيضرب فيه بشوية: هيه مالكي
ريتان هزاات راسها بزز ومسحااات دموعها وشافت فيه : حشومة عليك والله حشومة
شاف فيها مالقا مايقول مقا غير متبع ليها العين وهي ناضت خرجااات مشات لبيتها سدات عليها الباب وهي تتكة وهي تجيها واحد الخوف تش غادي نقول ليكم بقات كتبرقق في عنيها وهي تجمع الوقفة ناضت خرجات وكتشوف على جنابها
حتى وصلات لبيتو وهي تشوفو متكي باش ينعس غير شافها وهو اتقلب لجيها لي هي فيها بقا متبع ليها العين اش غادير
ريتان شافت فيه: ماتلومنيش على هادشي لي غادي ندير دبا
عز العرب مافهم والو وهي تمشي رفعات لغطا تكات حداه وغطات راسها هزااات ليه يدو حطاتها على كرشها وتخشات فيه
عز العرب حيد يدو: اش كادري نتي هنا
ريتان علات راسها شافت فيه: نت سباب
ورجعات ليه اليد في لبلاصة لي كانت حطاها وهو اقول
عز: واش خايفة
ريتان شافت فيه: حيت خوفتني نت ماشي خايفة
عز دار ضحكت الجنب حيت هي خايفة ومبغاتش تعتارف : اتنعسي وترساي الى حولتي ديري كس لبارح غادي نلوح مك من البالكون
ريتان سمعات هدرتو ونعسات حيت عرفاه اديرها  وهو بقا متبع ليها العين غير كيشوف فيها وكيف ناعسة

😍😍😍😍😍😍😍