دموع طفلة

البارت 72

بقلمي انا : latifa el
البارت 72
من قصة دموع طفلة

بقا غادي بيها طول طريق وهي حطا راسها على الزاج وكتفكر مالو وعلاش قال ديك الهدرة وكتفكر شنو تقول لفتيحة على الاملاك بقات تتفكر شحال وراسها ماهنيهاش حاسة بشي حاجة ماشي هي هاديك ماحسات بالوقت حتى وصلات شافت في انحاء المكان ونزلات وخلصات مول الطاكسي هبطات وهي جارة بالزتها بقات غادية حتى دخلات لداخل وهي كتقرب لدار وهي قلبها كيتزير عليها كتر بقات غادية حتى وصلات دقات وهي كتستنا افتحو ليها حتى شافتها فتحات الباب
فتيحة والابتيسامة على وجها : بنتي ريتان
ريتان عنقاتها وفتيحة بدلاتها العناق ودخلو لداخل مشاو كلسو فالصالة وريتان غير كتفكر كي دير تقولها ليها
فتيحة: امدرة اش درتي
ريتان شافت فيها وهي تشد ليها في يديها
ريتان: ماما بغيت نقول ليك شي حاجة ولكن
فتيحة : شنو قولي
ريتان: عز العرب عاق بيا بلي انا هي ريتان ولوراق شركهم
فتيحة مع هاد الكلمة وهي توقف وشافت فيها
ريتان وقفات معاها : ماما ستناي نعاود ليك
فتيحة تجننات ملي سمعات هاد الهدرة مارضاتش وهي تدفعها حتى طاحت فلرض وكلسات عليها كتضرب فيها وتخرج فيها غدايدها
ريتان تتغوت وكتقول ليها غير سمعني
فتيحة: تفو عليك القحبة تفو على مك انا صيفطك ترجعي ليا املاكي الكلبة ونتي فرشختي كولشي ها
كتضرب وتنتف فيها
فتيحة: انا عمري عتبرتك بنتي  ولكن الزمل ديال راجلي دار الاملاك كاملين على سميتك ولكن نتي دخلتي لحياتي كي اللفعة ملي دخلتي لحياتي وانا ماتهنيت
بقات تتعاير فيها وريتان كتسمع لهدرتها وكتنزل عليها كي سم
فتيحة ناضت جراتها من حوايجها وهي تتجر فيها حتى خرجاتها من الدار
فتيحة: عمرك تولي ترجعي عندي الكلبة تفو مك وباك لي هما ولديك الحقيقين رماوك وانا نحن فيك ها سير تقودي في جيها خرا ياله قودي عليا
وردخات الباب
ريتان ناضت ودموع في عنيها وكتشوف في حالتها كي ولات تتشفي لعدو حوايجها كولهم مشركين عليها وشعرها منتوف المهم الحالة حالة ناضت جمعات وقفاتها وبقات غادية خرجات من المزراعة كاملة بقات غادية ماعرفات فين تمشي وهي تتفكرو هزات التلي ديالها ودوزات نمرتو بقا شحال كيصوني عاد جاوب
ريتان: الو زبير
زبير : نعام ازين مالكي
ريتان: فينك
زبير: راني في الخدمة علاش
ريتان: كونتي قولتي ليا غادي تجي للمغرب واش جيتي
زبير: اه جيت البارح فليل
ريتان: بغيتك محتجاك
زبير جمع الوقفة: وخا فينك نتي
ريتان : انا نصيفط ليك العنوان فين نتلقاو
زبير: وخا
قطعات معاه وهي تصيفط ليه العنوان في مساج وبقات غادية وهي شدة سميطات  ديال الكسوى حيت تقطعات ليها

😫😫😫😫😫