بقلمي انا : latifa el
البارت 60
من قصة دموع طفلة
حنات راسها وهي شادة الفوطة بين يديها وهي كترجف
عز العرب هبط عنيها على شفايفها لي كلهم كيترعدو هز راسها بصبع يدو وطلعو عندها وهو عنيه على شفايفها
بقا كيشوف فيها وهي مغمضة عنيها
اما هيا بقات مغمضة عنيها حتى حسات بشفايفو دافين فوق شفايفها لي كيرجفو بقا شحال وهو مدار حتى حركة عاد بدا كيحركهم بطريقة لي خلاتها تترخا بين يديه بقا كيبوس وهي عاد حسات على راسه وهي تجمع قوتها وتدفعو بكامل جهدو دفعاتو وهي كتنهج
ريتان: بعد مني ماتقصنيش
عز العرب وقف وهو مزال كيطلع وهبط فيها وحات صبعو على فمو كيحقق فيها وعجباتو في هاد المنضر
اما ريتان هزات حوايجها ومشات كتجري لدوش دخلات وسدات عليها الباب لبسات عليها بالزربة وخرجات لقاتو مكينش مشات وقفات قدام لمرية كتنشف شعرها بالششوار حتى سلات وهبطات لتحت مشات الكوزينة لقاتو دار القهوى وكبات في الفنجان وخرجات على برا لقاتو كالس فوق الفطوي وكيشرب القهوى
ريتان : شوف نقوليك اش داك لفعايل لي كدير ها
عز شاف فيها وطلع حاجب بمعنا شنو
ريتان: هاديك المرة بستيني وهادي نهار تاني اش باغي اشوف نقوليك الى كتقلب على شي حاجة غير خوي راسك اصلا انا اليوم باغيا نمشي منهنا
عز: سليتي
ريتان: اه ساليتي هي لا مشينا منهنا
عز: مغنمشيو حتى اقولها ليا راسي
ريتان: وعلاش بالسلامة
عز: انا قولت ومنعودهاش
ريتان كلسات حداه : شوف انا بيت نمشي للمغرب توحشت ماما
عز دار فيها شوف ديال واش منيتك
ريتان: اه توحشتها بيت نشوفها
عز: وانا قولت ماشي دبا نزيدو واحد اليوماين
ريتان: ولكن علاش
عز: عندي مايدار
ريتان: امممم
عز: المهم انا غادي نمشي دبا وموحال واش نرجع فالليل غير نعسي
ريتان : وانا غادي تخليني هنا بوحدي
عز: وشنو باغيا تمشي معايا راه غادي نمشي عند صحابي المهم ضاروري نمشي
ريتان : وخودني معاك ومتخلينيش هنا بوحدي شو واش انا ديال نبقة بوحدي
عز وقف: المهم انا قولت ليك
ومشا ريتان شافتو داخل وهي تمشي كتجري تبعاتو
ريتان: عز ......عز وستنا غير نقوليك
عز شافت ليها وهي وقفات حداه
ريتان: دبا نت ناوي تمشي وانا تخليني هنا بوحدي ياك
عز : اه
ريتان: واش ماتخافش عليا الى جا شي واحد ودخل عندي وبغا اتعدا عليا
عز خنزر فيها: دبا نتي علاش كتقلبي لمك انا لي نغتاصبك هنا الى بقيتي كاديري هاد لبس
ريتان كدور قدامو : هههه مالو لبسي اصلا انا كنتيق فيك وعارفة ماديرهاش
عز جرها عندو: والى درتها
ريتان زادت قربات: لا انا عارف لي كاين
عز طلقها ومشا لبيتو ابدل عليه باش اخرج
دخل لدوش خدا دوش خفيف وخرج لبس عليه كومبلي فلكحل وطلع شعرو الفوق ورجعو اللور ودار ساعتو ورش من برفانو ولبس صباطو وخرج لقاها غادية جاية فالصالون
غير شافتو مشات عندو كتجري
ريتان: وش صافي غادي تنشي
عز: اه دبا غادي فلعشية مع 6 نجي نلقاك واجدة ونخدك معايا
ريتان عنقاتو: كونت عارفة ماغتخلنيش بوحدي
باستو في حنكو
عز العرب تفك منها غير بزز
وبقا كيشوف فيها وخا هاد البنت كان غالط فيها بزاااف كان كيسحابليه بلي هي بنت صعيبة بزاااف ولكن كتشف الشخصيتها من واحد لبلاصة خرا لقاها هبيلة ومزااال فيها لهبال ديال صغر وبريئة وخا دير لي دارت كتبقة الفتاة البريئة بقا ساهي فيها ختى حس على راسو تنهد وخرج
اما هي غير خرج وهي تطلقها بجرية للبيت
🏃🏻♀🏃🏻♀🏃🏻♀🏃🏻♀🏃🏻♀🏃🏻♀
أنت تقرأ
دموع طفلة
Mistério / Suspenseقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
