بقلمي انا : latifa el
البارت 84
من قصة دموع طفلة
ركب اللوطو ديالو وكسيرة نيشان خارج من الڨيلا وهو كيسب
عز: والله لاكمل هادشي لي باغين ديرو انا ضيعتو ليا حياتي نتوما تعيشو هانين والله لاوقعات شي حاجة من هادشي لي كتتمناو غادي نوقف في وجه اي سعادة غادي تدخل عليكم غادي نقلبها نرجعها تعاسة حياتكم انا لي غادي نتحكم فيها حتى واحد من غيري مغادي اتحكم فيها انا لي غادي تكون اخرجتكم على يدي ودبا نشوفو
كسيرة نيشان للقصر ديالو
اما عند زبير غير خرج وهي تتنتر منو
ريتان: واش نت تسطيتي ولا شنو
زبير: شوفي ريتان خاصك تكملي معايا في هاد الخطة باش نوصلو لداكشي لي بغينا نتي تنتاقمي منو ماتنسايش شنو دار فيك
ريتان : ولكن انا مافهمتش كيفاش زعما هو اش غادي يستافد سواؤ تزوجنا سواء لا عادي هادشي عندو واش فهمتيني
زبير: لا واش ماشتيش ردت فيعلو هو واش ماشتهش انا متاكد بلي شي حاجة مور هادشي كاين شي حاجة كبيرة علاش هو دارك فدماغو لهاد الدراجة اكيد كين سباب مقنع وحنا خاصنا نعرفو هاد السبب شنو هو بضبط
ريتان: اه خاصنا نعرفو ولكن اش جاب زواج للهدرة
زبير: شوفي نتي خاصكي تتزوجي بيا باش انا نحميك وخا ادير لي دار مستحيل اقدر ياديك حيت نتي اتولي مراتي فلوراق فهمتيني
ريتان كلسات فوق الفوطوي وكتفكر
ريتان: زعما الى تزوجنا مايقدرش هو يادينس اصلا انا ماكيهمنيش المهم بغيت ننهيه من هاد الدنيا
زبير كلس حداها كيحاول اقنعها: والحل هو تتزوجي بيا وتبيني ليه بلي داكشي لي دار كامل نتي ماعلبلكش بيه فهمتي باش اعرفك نتي كملتي حياتك وخليتي الماضي موراك فهمتي هكا اتباني قوية كتر ملي راكي قوية دبا
ريتان سكتات شحال: اه عندك الحق دبا هو غادي اقول بلي هي اكيد غي تستسلم ليا وانا غادي نتكرفس عليها صافي انا موافقة ولكن بشرط
زبير: شنو هو
ريتان: غير تكمل هاد الانتيقام طلقني
زبير وقف: صافي وخا كوني هانيا
ريتان : صافي تفقنا
مدات يديها تصافحو
(اوا مزيان ليوم صفاحتيه غدا اصرفق مك وهاني فين قولتها ليك هاودني منك 👂🏻😂😂😂😂).....
اما عند عز العرب غير وصل وهو القا تاج الدين كيستناه
غير شافو مشا عندو كيجري
تاج الدين: فين كونتي
عز : مشغول
تاج الدين: راني هزيت التحاليل واجي خاصني نهدر معاك
عز العرب ماسمعش الهدرة ديالو طلع نيشان فدروج وهو كيحيد الفيستة لي كان لبس دخل لبيتو رماها على النامسية وحيد التيشورت رماه حتى هو ومشا هز قرعة دلويسكي كب فالكاس وخرج للبالكون كيشرب منو .تاج الدين تبعو كيجري غير شافو هز كاس دلويسكي وهو امشي عندو كيجري بغا احيدو ليه
تاج الدين: ورمي عليك اصاحبي رمي عليك زبل
عز: اش لقيتو فالتحليل
تاج الدين: عز رمي عليك هاد شي لي فيدك وسمعني مزيان راه حياتك فخاطر كبير شوف راه نت السرطان غادي وكينتاشر وراه هاد الكارو غادي اخرج عليك رمي هادشي وسمعني شوف خاصك دير دوا ضاروري راه الى بقيتي هكا راه مايفوتش عليك شهر وتكون تحت تراب
عز العرب شاف فيه: ومنبعد ياك موت وحدة لي كاينة
تاج الدين: وعارفين موت وحدة لي كاينة ولكن راه انا باغيك مزال معايا باغير تحدر لعرسنا انا وديك لهبيلة ديال الاء واش نت باغي تخليني بهاد السوهولة وتمشي من هاد الدنية ها
شنو واش نت تتفكر غير فراسك كاع متتفكر فيا انا لي عمري خليتك ها شنو شنو قلتي ليا ياك كنتي تتقول عمرني نخليك واش هدا هو الوعد ديالك ليا ها شنو شنو واش نت بهاد السهولة باغي تتخلا على الوعد ديالك
عز العرب كيشوف فيصاحبو وحاس بيه ولكن واعد راسو بلي مغادي ادير دوا حتى ينتاقم من العائلة لي ضمرات عائلتو سها لبعيد وكيفكر زعما يقدر في هاد شهر لي بقا ليه اعدبهم واحد بوحد وبلاخص فتيحة هي لي مولات هاد شي كامل ماعرفش واش ياقدر ولا يمشي من هاد الدنيا قبل مايكمل انتيقامو
تنهد تنهيدة حارة تنهيدة من القلب وحط يدو على كتف تاج الدين لي شاد راسو بيديه
عز: كون هاني ماغيوقع والو
تاج الدين: واش موافق انك دير دوا باش تتخلص من هاد المرض ياك
عز العرب هز راسو باه:اه واكن حتى نكمل انتقامي
تاج الدين عنقو بجهد وعز حتى هو عنقو : صافي انا كانواعدك قبل هاد شهر غادي تكون نتقمتي من العائلة لي ضمرات ليك حياتك وانا غادي نعاونك
عز العرب شاف فيه: صافي وخا
تاج الدين حيد ليه الكاس : ولكن ماتشربش هدة باش مينتشرش السرطان
عز اما ليه باه وتنهد وهو كيشوف لبعيييد
🥺🥺🥺🥺🥺
أنت تقرأ
دموع طفلة
Mystery / Thrillerقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
