بقلمي انا : latifa el
البارت 99
من قصة دموع طفلة
وصلو لدار غير دقو وهي تفتح ليهم
ريتان مشات تعنقها
الاء: حدك تم ماتعنقني مانعنقك
ريتان تعجبات: علاش
الاء: اتخصري ليا الكمارة
تاج الدين: خليها عليك راها هي براسها كتكلس بوحدها باش متضحكش ومتهدرش بزاااف
ريتان: ناري اش كيستناني
الاء: دوزو كلسو ونت تسخر عليهم
تاج الدين: نضرب مك مع الحيط انا ماعندي سمية
الاء: والله غير لقتيني ساكتة ليك قولتي تركب عليا وخا غير ستنا حتى نحيد هادشي ونوريك
عز شاف فيهم : تاج الدين فين هي بيتي
تاج الدين: اجيو معايا
هز ليه الباليزة وريتان كتجر فالباليزة ديالها مراهم
عز شاف فيها لقاها غير كتوحل مع ديك الباليزة مشا عندها وهزها ليها
ريتان: لا خليك انا نهزها
عز: شش زدي قدامي
تاج الدين: المهم هابيتك اريتان ها بيت عز
عز دخل لبيتو وهو هاز بليزتها
ريتان: ارا ليا الباليزة
عز: نن شنو قولتي ليا ياك غادي توقفي معايا حتى نبرا اوا خاصك تكوني معايا لا
ريتان : اممم اوك تاج الدين شاف فيهم: نخليكم انا انمشي لبيتي عيان ليل كامل مانعست وانا كنستنا فيكم
مشا لبيتو وهي مشات جبدات بيجامة من الباليزة ديالها دخلات لدوش لبساتها وخرجات شافت فالبيت مالقاتوش وهي تشم ريحت الكارو مشات بخوطوات تقال للبالكون وهي تشوفو واقف وكيكمي غير شافتو وهي اركبوها جنون مشات عندو تتجري حيداتو ليه
ريتان رمات الكارو فلرض وعفطات عليه وبدات تتغوت
ريتان: اش كادير ها شنو هاد الحالة واش نت حساب ليك راسك ديال راسك ها شنو هاد لفعايل علاش كتكمي ها شنو واش مكتسمعش لهدرة ديال طبيب سمع لهدرتي بغيتي تمشي من هاد الدنيا ها بغيتي تمشي اوا سير سير اش كتستنا اصلا شكون عندك باش تبقا معاه
عز ماحملش راسو ترفع عليه صوتها وهو اهز يدو وعطاها ليها لوجه نيشان : عمرك تتجارئي ترفعي صوتك عليا سمعتي
غوت حتى ولا كيكحب هي دخلات لداخل تتبكي علاش ضربها وهو بقا تماك كيتقطع ملحريق حتى فاتو شوية الحال دخل لبيت لقاها كتحل الباب
عز: فين غادية
ريتان شافت فيه: ماشي شغلك بعد مني
عز: ريتان متعصبنيش
عز مشا وقف انغاص معاها
عز: ريتان خليك
ريتان غير هزات راسها وهي تشوف دم حارج من نيفو
ريتان غوتات: نيفك نيفك فيها الدم
عز طلع وجهو الفوق وهي مشات تتجري جابت الفوطة تتمسح ليه مشات كلسات على النامسية وهي تتحاول تصيطر على الدم لي خارج من نيفو بحال الماء
ريتان: شتي تنقوليك ماتكميش
عز: ماشي من لكمي كيوقع ليا هادشي ملي كنتعصب
ريتان: ونت لي تتعصب راسك
عز: نتي لي تتعصبني مكتسمعيش للهدرة
ريتان سكتات عرفات راسها غلكات حيت غوتات عليه ولكن حتى هو غلط حيت كيكمي مزال
ريتان وقفات ليه الدم وتكاتو
ريتان: بقا هكا وخا
عز: اوك
مشات غسلات يديها ورجعات عندو لقاتو مغمض عنيه
مشات تخشات حداه وتكات وهي تتشوف فيه
عز: نعسي نعسي اتكوني عيتي
ريتان كحزات عنو وحطات راسها على صدرو هو حل عنيه شاف فبها لقاها كتشوف فيه باسها في جبهتها ونعسو
لبنات عيت من لكتابة حتى لغدا نكمل ليكم كنحبكم
😍😍😍😍
أنت تقرأ
دموع طفلة
Mystery / Thrillerقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
