دموع طفلة

البارت 67

بقلمي انا : latifa el
البارت 67
من قصة دموع طفلة

كانت ياله حلات عنيها ضربات فيها اشعة الشمش في عنيها وكمشاتهم وناضت كلسات هزات راسها تقيل عليها بزاااف شدات عليه وتفكرات دكشي لي وقع ليها وبقات تتفكر حتى تفكرات لحضة لي تلقات بيه بزبير هزات التلب ديالها فتحاتو وهي تلقاه مصيفط ليها مساج مع 6 دصباح
ريتان: ولي هاد خونا مصبح عليا
فتحات المساج وهي تلقاه كاتب ليها "صباح النور زوينة "
جوباتو : صباح الخير

وطفات التلي وناضت دخلات لدوش غسلات وجها وخرجات شافت راسها مزال لبسا حوايج دلحفلة مشات جبدات بجامة بشورط وتيشورت ولبساتهم وخرجات هبطات لتحت وهي تشوفو كيدوي فالتليفون مشات لكوزينة كبات قهوى ومشات كلسات حداه حتى سلا على خاطرو المكلامة غير كملها شاف فيها
عز: صباح الخير
ربتان: صباح النور واش مغنرجعوش للمغرب
عز: حتى لغدا
ريتان ناضت: اففف انا عيت هنا كل نهار كتقول ليا غدا انا بيت نرجع فحالي
ومشات طلعات الفوق هو تنهد وناض خرج ركب اللوطو ديالو وكسيرة

كانت في بيتها الفوق وهي تشوفو كيصوني
ريتان: الو
زبير: سلام زين صافا

ريتان: الحمد الله ونت
زبير: بخير اش كديري
ريتان: والو علاش
زبير: الى كان ممكن نتلقاو
ريتان سكتات شحال : علاش
زبير: بيت نتعرف عليك كتر منها نفوجو شوية
ريتان: اه وخا وفين نتلقاو
زبير: عطيني العنوان وانا نجي نجيبك اوك
ريتان: وخا
زبير: ياله انخليك سيفطي ليا العنوان في مساج
ريتان: وخا
قطع معاها وهي سفطات ليه العنوان وناضت وجدات راسها تمشي معاه لبسات سروال سليم فاللون البوني جاها لاصق وطلع على الكرش ودار معاه صورفيط بصميطات قصيرة كتجي طالعة على الكرش ومزيرة سرحات شعرها وخلاتو على راحتو ودارت صندالة وهزات صاك وخرجات مشات وقفات حدا باب الدار كتستناه بقات شي 10 دقايق حتى تتشوف لوطو كحلة من نوع الكاط كاط جات وقفات وهي تشوفو هبط الزاج
زبير كيبحلق فيها: الزين ركبي
ريتان مشات ركبات الجيها خرا وهو غير ركبات وكسيرة بيها
بقاو غادين حتى شافتو هز ليها يديها وباسها
زبير: مرحبا بيك معايا في هاد لغدا زوين
ريتان: شكرا
زبير: شنو كديري مع عز في الدار ديالو
ريتان: والو غير كونا جينا انا وهو وتاج الدين ووختي ندوزو شي عطلة
زبير: وفين هوما لخرين
ريتان: مشاو لهونكنك
زبير مبغاش تعيق بيه: اه فين بغيتي نمشيو
ريتان: فين ما كان غير نبدلو الجو حيت عيت
زبير: اجي قولي ليا بعدة شنو سميتك
ريتان شافت فيه : ريتان ولكن
زبير: شنو غير قولي ماتخافيش حسبيني صديقك وتقدري تخوي عليا قلبك
ريتان تنهدات : بزااف مايتعاود ماشي غير حجة وحدة
زبير : المهم قولي ليا على حياتك كاملة
ريتان تنهدات وبدات تعاود ليه حيت حسات معاه بالرحة بقات تتعاود ليه ماحسو بالوقت حتى لقات راسها وصلو
لواحد الكافي جات في وصط لمدينة كافي كلاص وزوينة وراقية شاف فيها لقا عنسها حمارو من كترت ما كتحسس من هاد المضوع لي داز عليها في حياتها كاملة حيت كتحبس البكية ويحمارو ليها العنين شد ليها في يديها وباسها
زبير: شوفي ازين انا نعاونك وندير معاك المستاحيل باش تنتقمي منو
ريتان عنقاتو وهو عنقها وبدا كيلعب ليها في شعرها

😎😎😎😎😎