بقلمي انا : latifa el
البارت 68
من قصة دموع طفلة
بعدات عليه
ريتان: وخا ندخلو
زبير شد ليها في يديها ودخلو لداخل مشاو كلسو في واحد لبلاصة بعيدة على الناس حيت ريتان لي قالتها ليه كلسو حتى شافو السرفور جا عندهم
السرفو: مسيو اش حب الخاطر
زبير: اه جيب لينا لغدا اكون متنوع
السرفور: كي ديما
زبير: اه
مشا السرفور وهما بقاو كالسن شاف فيها لقاها ساهيا وهو احط يدو على يديها
زبير: واش نتي بخير
ريتان : اه اه بخير المهم راه منهنا الفوق محال واش نتلقاو
زبير: علاش
ريتان: حيت انمشي للمغرب
زبير: اه المهم راه حتى انا كنكون فالمغرب يمكن نجي لتماك
ريتان كتفات ببتسامة لي سحرات السيد بقا غير كيشوف فيها
زبير: شوفي نتي ماديري والو فراسك انا غادي نعاونك
ريتان: اه شكرا
شافو السرفور جاب ليهم لغدا حطو ومشا فحالو
كان غدا متنوع من جميع ماكولات الامريكية بقات تتكل هي وياه وهو نقولو غير كيشوف فيها وهي كلات حتى شبعات وشافت فيه
ريتان: نمشي نغسل يديا
زبير: اوك خودي راحتك
ناضت هي مشات تغسل يديها وهو بقا كالس
زبير: نهايتك قربات اسي عز العرب هاهاها
بقا كيستناها حتى جات
ريتان وقفات عليه وهزات الصاك ديالها: ياله رجعني لدار
زبير: بقاي شوية
ريتان: لا لا ياله ايكون قرب اجي
زبير جمع الوقفة
خرجو على برا ومشاو ركبو فاللوطو ديالو وكسيرة بيها موقف غير قدام الدار مامشات فين تهبط حتى شدها من يديها وباسها في خدها
زبير: نتشاوفو مرا خرا
ريتان: وخا
مشات هي دخلات لدار وهو كسيرة مشا فحالو دخلات غير كتسب
ريتان: تفو الزمل لاخر يييخخخ مكيفلت حتى لحضة ميتقربش مني ولكن ماعليش نصبر حتى ناخد داكشي لي بغيت ويمشي اقود تفو اصلا قريب نمشي للمغرب نتهنا من مو فخطرة افف
مشات لبيتها بدلات عليها لبسات البجامة ديالها لي كانت عندها وكلسات تتفرج فالتلي ديالها
بقات كالسة وهي تسمع الدقان
ريتان: دخل
عز دخل وشاف فيها: نوضي وجدي راسك انمشيو دبا للمغرب
ريتان وقفات: ياك قولتي حتى لغدا
عز: وصافي نوضي براكة من الاسئلة
خرج وسد الباب وهي ناضت دغيا لبسات عليها وجمعات حوايجها وهزات لوراق لي كول شوية تتفقدهم واش كاينين وهبطات لتحت كتجر فالباليزة ديالها هبطات وهي تشوفو غادي جاي وكيهدر فالتيلفون
عز : اه.....وخا....لا هاني راجع دبا نيت......صافي كون هاني ...اوك .....باي ....
وقطع وشاف فيها
عز : واش نبقاو هنا
مشا عندها هز البليزة وخرج دارها فاللوطو وركب وهي ركبات ماعرفات مالو على هاد الحالة لي هو فيه وشنو هاد الزربة بقات غير كاتشوف بعنيها هو غير ركبو شاف فيها وخنزر : واش انا ديما نقوليك ديري السمطة
ريتان دارت السمطة وسكتات هو كسيرة بجهد حتى تحاكو روايد
😍😍😍😍😍😍
أنت تقرأ
دموع طفلة
Детектив / Триллерقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
