بقلمي انا : latifa el
البارت 101
من قصة دموع طفلة
بقات تاتحط ليه تماك جبدات واحد البواطة حمرة طويلة حلاتها لقات فيها سنسلة رقيقة ومرسعا بالاحجار وفيها حجرة كبيرة فالوصط على شكل قلب بقات تتشوف فيها عجباتها دارتها في عنقها وبقات تتشوف راسها فلمرية وهي تجبد التلي متصور وتعاود حنى شافتو جاي شافت دارت حالة فاللوطو وهي تبدا تجمع وترد كولشي بلاصتو نسات سنسلة في عنقها شافتو حل الباب ركب وكسيرة كاع مشاف فيتيجاها
ريتان: علاش خليتيني هنا وانا علاش جيت باش تخليني هنا فاللوطو
عز: انا مكنخرجش معايا لي لبسة لمعري كتر من لمغطي
ريتان: اوا كو قولتي ها دسها فالدار كز بدلتها خليتيني حتى وصلنا
عز دار شاف فيها وهو اشوف فسنسلة في عنقها وقف اللوطو بجهد وقرب لعندها
عز: شكون عطاك الحق تهزي هادشي
ريتان: شنو
عز حط يدو على عنقها وغوت: هادي
ريتان عاد عاقت بلي نسات ماحيداتها
ريتان مابقات ماتقول: شوف متفهمنيش غلاط والله مانويت ناخدها انا غير
عز غوت تاني : اش هاد الحالة وليتي تتصرقس دبا ها اشفرة
ريتان: عز شوف بلامة تتعصب والله...
عز قطعها: حيديها واريها ليا
ريتان حيداتها ومداتو ليه: هاك ولكن انا ماشي شفرة
عز: شش ماتزديش تعصبيني وعمرك تمدي يدك على هادي نعطيك كولشي من غير هادي عرفتي علاش
ريتان شافت فيه بنعنة علاش
عز: حيت هادي ديال اغلا وحدة تنبغيها وكوني متاكدة بلي مستحيل نبغي شي وحدة من غيرها وهادي اتبقة عندي الى في حالة شي نهار بغيت شي وحدة بحالها
ريتان دارت بيها الدنيا كيفاش وعلاش بقات غير كتشوف فيه مافهمات والو ومعرفاتش شكون هاديك
ريتان شافت فيه وسكتات
هو شاف فيها حس بنيفو بدا ينزف هز كلينيكس حطو على نيفو مسح الدم لي خرج منو ورجع راسو اللور كيحاول يتهدن
اما هي كاع مشافت في جيهتو نهائيا بقات غير حاطة راسها على الزاج حتى حسات بيه كسيرة شافت فيه ورجعات تكات على الزاج حتى وصلو لدار هبطات نيشان مشات لبيت لي كانت معاه فيه بدلات عليها لبسات بيجامة وهبطات لتحت مشات الكوزينة مالقات حد كفضات كمام يدين البجامة وبدات تدير لغدا
اما عز رجع حط ديك البواطة عندو فاللوطو وهبط مشا نيشان لبيتو مالقهاش بدل عليه لبس سبورت وهبط لتحت مشا لكوزينة وهو اشوفها كدير لغدا مشا حل التلاجة شاف حتى عيا وهو تجي عنو على الوسكي هزها كب شوية فالكاس ورد القرعة ومشا كلس فواحد الكورسي وكيشوف فيها وهو كيشرب وكيشوف فيها
هي شافت فيه لقاتو كيشرب تنهدات مكيسمعش الهدرة عيات تهدر وهي تقول مع راسها هو حر فحياتو ادير لي بغا فلخر هو كيلعب بحياتو هو ماشي بحياتها هي
كملات التوجاد وحطات على الطابلة تماك فالكوزينة وهي تشوف تاج الدين داخل
ريتان: وسير غسل يديك واجس تتغدا وقول لالاء تجي تتغدا
تاج الدين: وخا نتي لي تتفهمي خوك بالله اما الصكعة لخرا ماعرفت مالها معايا
ريتان: دبا يحن الله
تاج الدين طلع البيت وعز مزال متبع ليها العين وخا كيشرب قدامها مقالت والو عكس المرا الفايتة بقا غير كيشوف وهو اقول
عز: عطيني القرعة لي فالتلاجة
كايشوفها اش غادي دير مشات حلات التلاجة جبدات القرعة وحطاتها ليه على الكابلة
ريتان: هاهيا
عز شاف فيها ورجع كب شوية تاني تيشرب فيها
ريتان خرجات وهي تتلقا مع تاج الدين
ريتان: شوف راه غادي تدخل غادي تلقاه كيشرب ماتقول والو وخا
تاج الدين: علاش
ريتان: خليه اوك
تاج الدين: ولك...
ريتان: وعافاك
تاج الدين: وخا
😋😋😋😋😋😋
أنت تقرأ
دموع طفلة
Mistério / Suspenseقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
