بقلمي انا : latifa el
البارت 127
من قصة دموع طفلة
وصلو للڨيلا هبط نيشان دخل لداخل
تاج الدين لحق عليه كيجري
مشا نيشان طلع لبيتها دخل عليهم كي لعجاجة
غير دهل وهو اشوفها كتبكي وهو اوقف وبقا كيشوف فيها هي تتبكي والاء تتسكت فيها
تاج الدين دخل وهي تشوفهم الاء
الاء: صافي هانتي وصلو سكتينا
ريتان شافت فيهم مسحات دموعها وكلسات
تاج الدين شاف فالاء دار ليها اشارة بيديه وناضت خرجو وسدو عليهم الباب
اما عز العرب بقا غير كيشوف فيها مشا كلس حداها وشد راسو بين يديه ومقال حتى شي كلمة
اما ريتان حتى هي غير ساكتة ودموعها نازلين
عز بقا ساكت شحال وهو انطق
عز: كتبغني
ريتان جاتها لقوى هاد السؤال لي قال ليها شافت فيه لقاتو كيشوف فيها
ريتان: اش هاد السؤال
عز: حيت هاد السؤال هو لي غادي افهمني كولشي لي كايدور فراسي
ريتان: واش بصح نت تتبغيني
عز: واش انا كنسولك ونتي تتعطيني نفس السؤال
ريتان: حيت حتى انا نفس الشيء
عز: واش عندك شك فحوبي ليك ها غيير قولي ليا واش شاكة فحوبي ليك
ريتان: اوا ملي تتبغيني انا علاش تغدرني
عز شاف فيها مفهم والو: شنو امتى
ريتان: اه نت غدرتيني مع حبيبت قلبك بغيتي تطلق مني باش تتزوج بيها هي
عز شدها من كتافها: ريتان واش نتي عارفة اش كتقولي ها
ريتان بقا تتبكي: لقتيني بغيتك اعز ياك انا كنبغيك بزاااف وعلاش درتي فيا هاد الحالة ها غير قول ليا
عز : ريتان انا مادرت والو كنحلف ليك انا مادرت والو منين جبتي هاد الهدرة دبا
ريتان: ماشي مهم منين جبتها
عز: ريتان متنسايش بلي انا وعدتك بلي عمرتني نتخلا عليك وانا مزال راني فكلمتي
ريتان شافت فيه بعنين دامشين: واش بصح مخنتنيش
عز: لا معمرني نديرها
ريتان عنقاتو : كنبغيك اعز كنبغيك بزاااف
عز عنقها حتى هو خاشيها فيه لداخل : حتى انا كنحماق عليك
ريتان رفعات راسها وشافت فيه: شربتي ؟
عز: نتي سبابي
ريتان: علاش درتي هكا علاش شربتي غير قول ليا واش باغي تموت
عز: فديك لوقيت نموت ومنعيشش داك الاحساس لي عشتو
ريتان حطات صبعها على فمو: شش ماتقولش هكا
عز سكت وبقا كيشوف فيها وهي تتشوف فيه حتى رجعات حطات راسها على صدرو وعنقاتو
ريتان: سمح ليا بزاف على لهدرة لي قولت ليك والله ماقصدت
عز شاف فيها ورفع ليها راسها
عز: نسولك وجاوبني ونتي تتشوفي فعينية
ريتان: شنو
عز: واش بصح ندمتي حيت جيتي عندي كو بقيتي مع زبير حسن
ريتان هزات باسها بلا : لا انا غير قولت ديك الهدرة حيت كونت معصبة منك بزاااف سمح ليا والله ماقصدت ولكن انا كنبغيك نت ماشي زبير
عز عنقها حتى هو : عمرك تعاودي ديري كي درتي اليوم ديما شتي شي حاحة ماشي هي هاديك اجي لعندي قوليها ليا وخا
ريتان : وخا ☺️
😁😁😁😁😁
أنت تقرأ
دموع طفلة
Misteri / Thrillerقصة بين قلوب من حجر تحتوي 🔱الغموض 🔱الحزن 🔱الدموع 🔱الانكسار 🔱الانانية 🔱الخذلان 🔱الادمان 🔱الكره 🔱الحب ❌السفالة ❌ قراة ممتعة
