هلا هلا
شوكت يندگ علينه و يضحك الباب
ويترس بيتنا و صوتك يسرنه
وترد انتَ و يجني الراحن وياك
وتجيبه وياك يالماخذ عمرنه !
احمد ... وديت ايلين لهلهة ورجعت جانت الساعة بحدود ال٩ وربع فاكو محلات مفتحة ضليت افتر حان اشوف فستان يجنن لون وردي
طبعا تعليمات الاستاذ منطلع وجهة المهم
هذا لبس احمد والولد نفسة كلهم احمد رجعت بال١١ للبيت جانو نايمين بابا وماما وبيبي وعمو وخالة والولد بالستقبال يسولفون ولبنات اكيد فوك يتحضراً المهم كعدت يم الولد سوالف وضحك طبعاً اني القاط مالتي اسود والقميص ابيض والرباط وردي بلون الفستان مال ايلين
تسريع الاحداث.....
احمد.. كعدت الصبح سبحت ولبست دشداشة نيلي وغترة بيج ونزلت سلمت عليهم دزيت حسنين وحسن ياخذون البنات للصالون واتفقت وياهم انو يرجعوهم لبيت ايلين هناك واذا ايلين سألتهم يكولولهم البيت بعديد مو مال نرجع وهمة رح يجون علمود ياخذونة وطبعاً اسدي قاط مثل مالتي المهم طلعو الولد اخذو البنات للصالون واني وهمام وبكر وبهاء وعمار رحنة للحلاق والولد مناك يجونة خابرت امين كال كلشي تمام والولد واصلين اليلين ومتخذيهم للصالون طبعا الفستان دزيتة بيد نور وصيت نورهان كلتله تصورلي ايلين خطوة بخطوة ولتخليهة تخلي مكياج قوي حيل المهم صارت ب١٢ رجعنة من الحلاق بوجهنة للحمام بسرعة سبحنة وطلعنة طبعا الهوسة صارت بغرفت همام وغرفة بهاء لان وحدة بصف الثانية المهم ب٢ كلشي كملنة وطلعنة نتشابهة نزلنة وامي وبيبي ومرت عمي يهلهلا وعمار وبهاء راحو يجيبون البنات يودوهن البيت ايلين طلعنة اني بسيارتي ابوي وامي وبيبي وهمام بسيارتة عمي ومرت عمي وبكر وحسنين وحسن بسيارت حسنين المهم طلعنة ٣ سيارات ماعدة سيارت بهاء وعمار هناك المهم طلعة واني الدنية مو سايعتني من الفرحة وصلانة لكيناهم واصلين من زمان نزلنة بوست عمي والولد وجانو عمامهة ثنين ولد عمامهة هم بحدود ال٥ كلش حبابين وخوال ٤ ولدهم ٧يعني كومة اجيت على ايمن كتله بشر كال ضميناهم بالديوان لحد ماطبت من شايفة خالاتي وعماتي ونسوان عمامي موجودين مرتي كايلتلهةاليوم عمو عندة كعدة واجوي علمود يساعدونة لان يمكن عمو يسلم المشيخة الايمن هوة كلة جذب كتله عفية بالسبع ولله صدك ضلعي
العم.... تفضلو حياكم لله طب بابا امين كللهم خلي يخلون شي على راسهم خلي الشيوخ تفوت
امين.... صار يابه
احمد... طبينة اني وبابوي وعمي وايمن وامين وابو ايلين وعمهة الجبير اسمة سالم المهم طبينة لكيناهم مكعديهة على على التخم تكلهم ليش تحسسوني اني عروس يكولولهة لا مو انتي حامل ميصير توكفين المهم من طبيت كامت وكفت بس من شافت ابوي وعمي وابوهة وخوانهة كامت تبجي اني رأسا تقدمت عليهة بست راسهة وكتلهة
احمد.... ادموعج غالية لاتنزليهة ام اسد ولكل يعرف وليوم اني اجيت ارد كرامتج وكرامت عمي واطلبج على سنة لله ورسولة واسويلج عرس البصرة كلهة تدري بيه وهسة يالله رح يجي الشيخ ونعقد عقد شيخ تمام
