هلا هلا عصافيري
ربي هيج الدنيا تخنك
هل كثر متروسة ضيم
وهيج احس بروحي عايش
كلشي اعرف بس غشيم
بين اخوتي وناسي عايش
ليش احس روحي يتيم
صكر. اول مغفيت حسيت على مريم من طلعت جان يدك تلفوني صدك تمنيت اركعة بالكاع شلتة الواء مالتي سلمت عليه ومدري شنو جان يكول شوكت اداوم انتة واسد هوة صديقنة فاكتله على حالت اسد واني من الجهتين هم ديوان وهم بيت كتله اريد اجازة حتى لو بدون راتب بس بين مايتعدل وضع اسد كال تمام اني ارتب كلشي وية ماسديتة جان اسمع صوت مال بجي عالي عرفتة اسد لان غرفتي بصف غرفتة طلعت علية لكيتهم كلهم واكفين باب الغرفة رحت علية شيخة هم تبجي وياه ياعلي المن اسكت انوب اتوسل بي يحجي ميقبل بس يبجي انوب هذولي يبجون وياه عاد عطت بيهم طلعتهم برة ورحت علية حضنتة من كل قوتي كمت اقرة المعوذات بصوت ناصي بأذنة علمود يهدء شوي شوي جان ينام كمت من يمة جان اباوع على شيخة هم تبجي بس تبجي بسكوت بدون صوت بس شهكاتهة تطلع رحت عليهة كعدتهة ونطيتهة مي شربت كتلهة شصار ليش هيج انهار كالتلي انو جان يريد تعوفة وتاخذ حتى الجهال الهة ومن جايس بطنهة كايم يبجي ومتعرف السبب
صكر تدرين ليش كام يبجي
شيخة ل ل لا ول ولله مادري
صكر لان ميحس بأيدة هسة ترحين اجيسين ايدة رجله ميحس بيهن كامت تبجي بزيادة كتلهة كومي كولي يالله ورتاحي انتي هم تعبانة يالله كدامي يالله واني كل شوي اجي تمام وها دائما اسئلي اذا يريد يروح للحمام كليلي اجي اخذة تمام حتى اذا نام تكعديني ومترحين الغيري
شيخة صار وتعبناك ويانة شيخ
صكر اشششش انتي اختي وهذا اخوي ماعوفكم للموت
شيخة لله يحفضك نشالله
صكر طلعت لكيتهم كلهم بالصالة الي بين غرفتي اني واسد وعشق منهارة خلاص شافتني وعيونهة غوركت اكثر فتحتلهة ايدي هية وحنين اجني ثنينهن يبجن بقيت اسكت بيهن هدن شوي جان عمي بكر سئل على اسد ليش هيج
صكر. ماكو شي عمي هوة جان تعبان
بكر خير نشالله بوية يالله كومو نرجع للبيت خلي ياخذون راحتهم
صكر صدك راحو كلهم بقو امي وابوي وفهد وغضب وحنين وعشق ذياب نايم طبعا هذا الحجي ب١٠ بليل
فهد. ولحل شنو رح نبقي اسد هيج ومنسوي شي
غضب ولكم لو الدوة مالتة جوة الكاع هم اطلعة بس كلولي شنو رح انفجر واني اشوف حالتة هيج وحالت مرتة الي انكس من حالة ياعلي
ايلين. يارب يارب اخذ من عمري وانطي الة دخيلك يارب العالمين
الكل اسم لله عليج يمة
ايلين بجي . ولكم حركة بكلبي عليه ماتطفة النار الي بصدري يتمرض كدام عيني واسكت راح للانبار بقة هناك ٦ اشهر اني اشوف الموت بعيني اشتاقلة ولكم ابني ربيتة ٢٤ سنة هيج بلمح البصر يروح مني لله وكبر شاف من حياتة ولكم بس فهموني اشاف من وعا على الدنية وهوة يروكض وره ابوكم والشغل والديوان وشايلنة مثل الماي الي بالصينية يفكر بالصغير قبل الجبير بيت حسين ماخلو بحالة وشوفو الويل وبعد وبعد ابو الي كل يوم براي اخوتة الي مادي شبيكم ولكم ليش هيج ليش
صكر. يمة اروح فدوة لكلبج كافي ولعباس ماعوفة معليج بالكل انة وياه ولله ماعوفة لو على موتي وتشوفين سنة بالزايد ويرجع احسن من قبل ولله لعضيم وبعد اذا نغث بحجاية هذا الشارب مو علية
فهد. واني وياه ولعباس احبة ولله هذا ابوي الثاني ويوم سكتة بالديوان ماجان قصدي اهينة لا وداعت امي جان قصدي ماريد السالفة تكبر وهم ينغث ولله هيج جان قصدي اموت علية ولعباس عندي وية النفس وسئلو من هوة هناك اذا مو بليوم خمس مرات اخابرة هاي اذا مو اكثر
غضب. واني اموت عليه هذا روحي من الدنية جان يخاف علية اكثر من روحة مانسة وكفاتة من ينصح بية ويعلمني الصح من الغلط وها هاي كدامكم المعرض مالتي ابيعة هوة ولي بي وناخذ اسد ونروح للهند نعالجة ونجي وبدون اعترض رجاءاً حتى صكر
صكر بس شلون اوصلاً اني عندي فلوس انتة وراك مستقبل اني عندي راتب ومعرضي والشقق خير من لله
غضب بعصبية. وشو الفلوس شينفعني ها شستفاد منهن واخوي نايم بفراشة مايكدر يتحرك كلت بدون عتراض اني باجر امشي باوراق البيع وادم وعلي رح يسون الجوازات ونروح اني وفهد ويزن وحسنين وانتة وخالد عدكم دوام وانتة الديوان متكدر تعوفة فترة طويلة خاف علاج اسد يطول ٦ او ٧ اشهر احنة ماعدنة شي
صكر كمت حضنتة كفو منك تربيت اسد بعد صدك يمة مرت اسد بيا شهر طبت
ايلين اي يمة بنص السادس رح تخلصة ليش
صكر يعني بعد شهر الي هوة السابع وهية بثامن اجيب مو
ايلين اي
صكر. تمام باجر انطيج فلوس ترحين انتي وياهة للسوك تجهزين بس هدوم والباقي اني اجيبة معليكم بي بس جيبو الهدوم الي تعجبكم ونتي عشوقة كومي نامي انتي وحنونة يالله ياروح اخوجن يالله يالله بوية يالله يمة تعالو انزلكم حتى تنامون وانتة بوية لاتشيل هم اني والولد انحل كلشي
احمد. يصير خير بعد ابوك ولله مادري شنو اكول خجلان حتى اباوع بوجه اسد مادري شنو اسوي
صكر. اشششش بوية كول يالله اسد كلبة طيب ولله هسة يسامحك ولله يالله انزلكم
