هلا يالله نبدي
#كون_اشتكي_اليعكوب✋
#عالجاري بيه🤦♀⁉️
جا شمر #ثوبـه💢🍂
وثوب #يوسف_عليه 😔✋
احمد... رجعنة اني والولد الساعة ب١١ وصلنة اول ايمن وعلي والولد كلهم نامو بالمضيف يم ولد عمتي بس اني صعدت طبيت للغرفة ولكيت ايلين نايمة بالكاع تقربت اكثر جان اشوف راسهة مشدود وشكلهة مو مال وحدة نايمة كلش خفت بكلبي تقربت وصحت ايلين كاعدة
ايلين... من دفعني احمد وكعت وركع راسي بالحافة مال الجرباية والي قهرني انو صيح عليه بدل مايفهمني بهدوء اني ابد مشايفة سلاح وكلش اخاف منهة كمت ضمدت راسي من اجتي نور كتلهة عليج لله لتكولين الاحد ويضل بالهم عليه وتصير مشكله مابية حيل وهوة من دفعني معبالة وكعت بتواسيل قنعت نور ونزلت كمت فرشت بالكاع ومنمت ضليت ابجي لان صدك حرك كلبي شوي وطب احمد اني سويت نفسي نايمة جان يكول ايلين كاعدة مجاوبتة
احمد... اكول اذا كاعدة تعالي عندي حجي وياج
ايلين... كمت وكفت كتلة امر شيخ محتاج شي
احمد.... ايلين لا تعصبيني شبيج تحجين من ورة خشمج وشبي راسج
ايلين... بس ادموعي تنزل كتلة مابية شي شيخ كولي اذا محتاج شي حتة اسويلك
احمد... كلش نرفزتني تقدمت بعصبية ورفعت راسهة لكيت لعيون حمر وتبجي سكتة كتلهة شبيج ها ليش تبجين
ايلين.... مابية شي شيخ
احمد.... حسيتهة شلون الطفل ويريد يضوج احد ميعرف شلون كتلهة راسج بشنو نظرب
ايلين... ها هئ من دفعتني انتة وكعت على الحافة مال الجرباية هئ هئ
احمد.. بقيت مصدوم انو اني شلون ما نتبهت عليهة كلش كرهت نفسي حسيت نفسي صدك حقير واناني كتلهة بعصبية وهسة شلون صار راسج اخذج مستشفى
ايلين... ها لالا مابية شي هوة جذب راسي موتني من الوجع
احمد.... ايلين تعالي خلي نسولف
ايلين.... تمام شيخ
احمد... ستغفرلله احنة شكلنة
ايلين.........
احمد.... منو الي كالت بالغرفة اصيحلك باباتي ها شو صرت شيخ
ايلين... لا انتة مو باباتي لان الاب ميعصب على بنيتة الاب يفهمهة بدوء وميكلهة متستاهليني من اول مشكله خلي يكون بعلمك لو ماثق بيك جان مستحيل تلكة مني هذا الحجي وبالمستشفى ومن طلبت منك نكون اصدقاء هذا كله وتطلع مخدوع بية اني اني شنو ذنبي اذا اخاف من المسدسات ها شنو واني اخوي داعم جدك وانتة اليوم معصب كلت رح يكتله
وكمت ابجي
احمد... انهدت عليه فرد هدة ولا سكتت
اخر شي من كامت تبجي رحت يمهة انطيتهة ماي وكتلهة اهدي ترة ميصير هيج تسوين تعرفين نفسج غلطتي من كتلي جذاب واني حذرتج وكتلج من قبل من تحجين كلمة اوزنيهة
ايلين.... بس اني ماعرف عوايدكم وانتة بصفتك الاب المفروض تعلمني وتكلي يابت الناس هذا لبسي العادي بس انتة متحبني ودور علية الزلة علمود تعصب
احمد... تعالي ايلين تعالي شوفي يابنت الناس اني ضابط بالستخبارات و شيخ من بعد جدي الله يرحمة واني حفاظا علية وعلى عائلتي اخذ سلاح وين ماروح واني حياتي بخطر
ايلين.... نصدمت طلع ظابط كتله يعني شنو انتة تموت احمد احجي يعني رح تعوفي وتموت مو اهلي امنوني يمك وانتة رح تعوفني وتموت اني يم منو ابقة ها احجي احمد ليش ساكت
احمد... بقيت مصدوم من ردت فعلهة حضنتهة وكتلهة ولله ماعوفج بس هذا الواقع انو احنة حياتنة مهددة بالخطر باي لحظة يجوبوني ب....
ايلين.... احمد بروح كلمن عزيز عليك لجيب هذا الطاري احمد تدري انتة من اليوم شنو بالنسبة الي انتة من اليوم سند الي يعني اني من اضعف من احد يأذيني اجي يمك احمد فدوة لاتعوفني حباب وكمت ابجي
احمد... ايلين شبيج كافي بجي مو زين عليج بعدين كله بيد لله جوز باجر ويجوز بعد الف سنة كلهة بيد ربج وسهة انتي راسج يوجعج تعالي نامي على الجرباية واني حنام على القنفة كالتلة لا احمد ميصير تعال نام على الجرباية لان هذا مكانك
احمد... كلش كبرت بعيني بهذا التصرف كتلهة بس
ايلين.... بلا بس بلا بطيخ تعال نام اليوم كلش متعب باجر لازم اكعد من الصبح
احمد... ليش
ايلين.... شلون ماكد باجر اكو خطار لازم اقل شي ب٧ اني جوة عيب
احمد.... ماعرف بكيفج
ايلين.... راح احمد نام واني هم نمت كعدت ب٧ الا ربع كمت غسلت ولبست دشداشة سودة وشال اسود ونزلت جوة
لكيت بس عمتي ومرت عمي هم وبيبي والشيوخ
صبحت عليهم ورحت للمطبخ حضرت الريوك كله على ميز الطعام سويت كلشي اشوفة كدامي والشيخ دز واحد من الولد على صمون شوي شوي بدو يكعدون اني صعدت كعدت احمد كتلة
احمد حمد باباتي اكعد كول يالله تأخرت والريوك برد
احمد... صباح الخير بنيتي شلونج بعدين ياريوك
ايلين.... ليش اني مو بعينك
احمد.... لا يابة بعيني هسة يطلع بيض محترك وجاي معطب
ايلين.... دنزل ويصير خير
احمد..... اني متحضر الرزايل من اهلي على الضربة الي براسهة كمت غسلت ولبست دشداشة سودة مطرزة بعسلس والغترة الحزام والشحاطة والمحابس نفس الون نزلت صبحت على اهلي بس محد فتح الموضوع اني ستغربت طبيت للمطبخ واشوف اشكال والوان اكلات اصلان ماماكلهة بحياتي كتلهة ايلين انتي سويتي هذا كله
ايلين...اي شيخ
اجوي كلهم كعدو على السفرة جان تجي ميسون عمت احمد واني هستوني كعدت جان تكول شنو انتي تكعدين ويانة
احمد.... كلهة اي ليش عندج مانع
ميسون.... لعد اني ماكعد
ايلين.... كلش ستهضمت الموقف عفت كلشي وصعدت حتة ماسمعتهم شكالو
احمد.... من حجت عمتي هيج كلش عصبت كلتلهة عمة شنو هل حجي ها انتي سمعتيني شحجيت لو لا واذا على الاكل من اليوم اذا ايلين ماكعدت على السفرة اني هم ماكعد
عمة.... اي طبعاً هية البارحة اجتي فرت دماغك علينة
احمد.... ستغفرلله ياربي من الصبح مغثة تعرفين منو سوه هذا الاكل الي كدامج هية الي سوتة كاعدة من صباحيات لله علمود تسويلج اكل وانتي تخليهة تعوف الاكل ها شيخ اني اعتذر منك على الشي الي صار يالله مع السلامة عفت الكل وكلت النورهان كلتلهة بنيتي حضري صينية ريوك وصعديهة لغرفتي تمام عفتهم وصعدت لكيت ليا كاعدة على القنفة وتبجي رحت يمهة كعدت كلتلهة بنيتي شبيج
ايلين.... مابيه شي ولله ومسحت ادموعي
احمد... ايلين لتضوجين اني وياج واهلي وياج يحبوج وهسة نورهان رح تصعد الريوك
نتريك اني وياج
ايلين... ولله ماريد شبعانة
احمد... ايلين نازفة كوم دم وبلا عشة تريدين متتريكين ترة انتي مجايه هنا تموتين وبعدين سؤال
ايلين... جواب
احمد.... ليش اهلي محجو على وكعتج
ايلين... ها لان محد يعرف
احمد.... شنو لعد منو ضمدلج الجرح
ايلين ... اني ونور بس شافتني وحلفتهة متكول ومكالت الاحد
احمد... وليش مكلتي الاحد؟؟؟؟
ايلين... لان انتة رح تصير بموقف محرج وانتة بغنة عنة وانتة جنت متعرف اني انضربت وبعدين اني شفت بيبيتك من حلفتك بداعت جدو انو متأذيني فاشلون اسوي هيج واكوللهم رح تكبر السالفة بدون معنة
احمد.... بقيت مصدوم بتصرفهة شلون تفكر صح مصارلهة غير يومين بس كلش احس نفسي متعلق بيهة كلتلهة ها اي مشكورة لان اهلي مهدوني
صعدت نورهان جايبة الريوك اني جلبت بنورهان تتريك ويانة وشفة ايلين ونورهان شلون وحدةاتحب الخ ......
