هلا هلا عصافيري الحلوين بارت جديد لعيونكم
.....
وعتبة شوكنه نهجرت وباب العشك سدينه
بعد هيهات اذا مرو نذكرهم بغانينه!
بعد مامش فجر يضحك ولاصبح اليتانينه
اسد رحنة لبيت العالم هم هوسة وصراخ المهم صلينة الفجر وصلات الجنازة واخذنا وطلعنة سيارتي بيهة اني وفهد وصكر وخالد وشهم
طبعا بهاي العشر ايام اني شتريت سيارة وضللهة صكر لان اني مابية حيل معاملات المهم وحسين وحسنين ويزن وزين بسيارة يزن وصلنة بال١٢الظهر وحنة طلهنة بالخمسة احس حيلي انهد والجو حار الضماد كام يطلع دم توسلو ياخذوني مستشفى بس اني ماقبلت وخاصة خالد يفور من العصبية حتة خشمة طك دم المهم خلصنة مراسيم الدفنة وزورنا الامام علي عليه السلام دفنا وخلصنة كتلهم تسبقونة للمطعم واحنة بس انزور اجدادنة ونجي كالو تمام صدك بسرعة رحنة زرة جدي وحبوبتي (فهد /نورهان ) ولحكناهم طبعا مطعم الزيتونة الي بالحلة يمكن اكو عالم تعرفة المهم رحنة ونزلنالهم مشاوي وتشريب وكلشي الي يردو بالخير ابو جعفر راد يدفع الاحساب وحيدر همين بس اني ماقبلت دفعنة وكملنة وتوكلنة للبصرة وصلنة البيتهم بقيت يمهم صكر حسين وزين ونطيت بيد صكر فلوس لان اليوم اول يوم كتلة اتجيب الذبايح وكلشي اريدة كامل تمام كال روح وانتة مطمن كتله مطول ساعتين واحنة يمك رجعنة البقية للبيت تلكوني الاهل سلمت وابوي تعصب لان شاف جرحي بس اني كتله مابية شي صعدت بدلت واجتي امي بدلتي الاضماد وخلصت وبدلت ونزلت كلت للولد منو يجي كالو كلنة انروح كلت الخالد كتله انتة لاتجي لان ضغطك هابط ابقى وعلى باجر تعال توجهنة اني والشباب هناك ينتضروني وصلنة وكفنة وياهم باب الجادر وماخليت شي ينقص خليتهم فاكين حلوكهم مايلحكون يطلبون شي يلكو موجود الاكل ارقة مايكون كومة زاد كتلهم ممنوع اذبون ماعون كله يتوزع للفقرة وصدك جابو ماعين سفري ورتبو الاكل والولد فوك روسهم المهم خلصو الثلاث ايام اني النوم ماعرفة شنو ارجع من يمهم ب١٢ اكعد اشتغل على الابتوب لو كعدة اكعد احلهة اني وابوي للخمسة انام ساعة وب٦:٣٠ كعدتني حنين بس صدك كعدت عصبي ومتنرفز انقهرت عليهة لان من كعدتني كبيت بوجهة وضليت اصيح هية ركض دموعهة نزلت وكالت اسفة وطلعت عصبت بالزايد لان ضوجتهة وهية من نوع الكتومة حيل كمت النوب ماكدر ايبح علمود الضماد غسلت راسي وطلعت بدلت ونزلت بس شنو شياطين الدنية كلهة دكمز كدامي كلت صباح الخير همة عرفو ضايج كالو صباح النور وسكتو نزل ذياب يصيح على امي مايريد يداوم جان اعيط بي
اسد. ذياببببببببب جمممممم مرةةة كلتتتتت صوتكككك مايعلةةةةةة على اميييييي لاتخلينيييي اكفررررر بيكككك
هوة نزلت دموعة مسحهة واخذ الجنطة بعصبية وطلع حتى قبل وكتة ستغفرت لله وطلعت لان اذا ابقى شوي صدك انفجر رحت هناك هم هوسة والثالث وقاري ولعبان نفس لل٤ ترخصت وكتلهم باجر انتضركم بالديون وحيدر يندل العنوان ستأذنت اني والشباب لان لحكوني بقيت يزن وزين وحسنين يمهم كتلهم ورة العشة تعالو رجعت للبيت شفت امي وجهة اصفر وعماتي متوترات وابوي وعمامي وجدي بالديوان رحت على امي كتلهة شكو
ايلين. من شفت اسد عصبي سكتنه لان اسد نفس احمد من يعصب نزلت عشق علمود تروح للدوام هية والبنات كتلهة حنين وين جان تكول متقبل اداوم صعدت ركض شفتهة جانت عيونهة حمر وجهة احمر خليت راسهة بحضني ومحجيت شي لان حنين من نوع الكتومة وماتحجي وية احد شوي ونامت نزلت لكيت احمد موجود كتله على حنين كال خاف بيهة شي متعاركة بالمدرسة خلي اصعد اشوفهة
ايلين. لاحبيبي عوفهة نايمة هسة من تكعداكلك وصعد
احمد. نشالله يصير خير
ايلين احمد اه ه ه بس هوة
احمد. شبيج ايلين شكو بعدين ليش تمتمتين
ايلين. هوة شسمة اسد شبي عصبي
احمد. مادري ولله البارحة اني وياه لل٢ مابي شي بس ايلين حقة ماجاي يرتاح شفتي من هم الهم بعدة ماطاب اجتة سالفت خالد وباجر الكعدة بس لله يحلهة واني خاف من الي بالي بس نشالله اسد يحلهة
ايلين شنو الي بالك ليش
احمد. ايلين خايف ياخذون رسل لو وحدة من البنات فصليه
ايلين. بشهكة. شنو لا مستحيل لا ابني اسد مستحيل يخليهم يسون هيج
احمد. لله كريم نشالله ربج يحلهة عفت ايلين وطلعت للديوان
ايلين طلع احمد واجوي الولد من المدارس والبنات بس ذياب اول ماجة كبل صعد الغرفتة حتة ماحجة وياي عفت على راحتة شوي ونزلت عشق تركض كلتلهة شكو جان تكول ماما حنين مصخنة
ايلين يمة بنيتي حنين طبعهة اذا تنقهر ركض تصخن صعدت عليهة بس هل مرة حيل مصخنة شلتهة اني ونور طببناهة للحمام سبحتهة بمي بارد وطلعتهة وهية فاقدة عشق شافت اختهة هيج كامت ترجف وصارت صفرة اخذتهة سارة الغرفتهة علمود ترتاح واني شفت حرارت حنين شوي خفتت نزلت وطفيت عليهة الضوة وكعدت بالصاله وبالي يمهة ليش هيج صار منو ضوجهة شوي وطب اسد بس شاف امة اجة ركض
اسد. يمة شكو شبيج اكو شخص بي شي ابوي وين
ايلين. لايمة مابينة شي بس
اسد. لعد ليش وجهج اصفر وبس شنو
ايلين حنين اليوم ماداومت وهسة مصخنة وبس تون ماعرف شنو بيهة
اسد. عفت امي تحجي وطفرت الغرفت حنين شافهة ظلمة فتح الضوة واجة عليهة بسرعة
اسد. حنين حنيني بنيتي شبيج ياروحي اسف ولله اسف مدري شلون عيطت عليج ولله اعتذر بنيتي ليش لدموع ياروحي
حنين.اسد عوفني لله يخليك والله مالي حيل عوفني اصلاً انتو ماتحبوني كل تفكيركم بعشق اني حتى محد يكلف نفسه يسأل عليه
اسد. اسف ياروح اخوج اسف ولج شلون تكولين هيج كلكم نفس المعزة شلون هيج تفكرين بعدين انتي تعرفين اختج شنو توصل للموت من تتخربط ترة انتي الجبيرة من شوكت تغارين من عشق انتي
حنين ماغار هاي اختي وادري بيهة مريضة واتمنى المرض بية ولا بيهة بس اني هم من حقي احد يسألني شلوني شمحتاجة من شنو ضايجة كلكم مامعبريني بابا اول مايجي يسأل عليهة بس حتى مايجيب طاريي فهد صكر غضب كلهم اول مايطبون شلونهة عشق وعبالك حنين مو بتكم ليش اني بشنو مضوجتكم ترة اني صغيرة وهم احتاج الي يفهمني والي ينصح والي يسأل مو ضاربيني بعرض الحايط وفوك كل هذا انتة اليوم اصبح تعيط عليه بدون سبب وتكفر بوجهي 😭😭
اسد. اباوع عليهة شلون تحجي بحركان كلب كلتلهة ادري احنة مقصرين بحقج واعتذر واسف ولله ماجان قصدي اعيط عليج بس حنين حسي بية يعني تدرين الحادث مالتي ماصارلة ٢٠يوم واني لا كاعد ولا مرتاح بالبيت تدرين بطني تنزف اداويهة بدون ماكول الاحد واسكت ولعباس ماجاي انام غير ساعتين لو ساعة باليوم الدوام يردوني بالديوان يردوني والفاتحة مال الولد براسي ولازم يمهم من ال٧ الصبح لحد ١١باليل يالله اعوفهم ارجع انحل اني وابوي سوالف الديوان وارجع على الحاسبة للخمسة ونص للستة بربج عيشة هاي بس كليلي وانتي حقج على عيني وعلى راسي وارجع واكول اسف ومن حقج اضوجين وشنو الي تريدي اني حاضر بعد
حنين. سلامتك ولله ماريد شي بس جنت ضايجة وحبيت احجي الاحد او احد يسمعني اسد تعبت اريد افرغ همي الاحد لو احد يسألني شبيج ولله ماريد غير هيج من اجي تعبانة لو من اضوج اتمنة واحد يكلي شبيج بس انتو لا ولا واحد معبرني
اسد. حقج ولله واحنة الي غلطانين ونعتذر بعد واوعدج رح اكون الج الشخص الي تتمنينة بعد
حنين حضنت اسد الله يخليك النة ومايحرمنة منك اسد انتة ابونة واخونة وكلشي ولله اموت عليك
اسد. ياروح ابوج واخوج واني اموت عليج بعد يالله كومي خلي امي تصب الغدة وتغدي تمام
حنين تمام بس صدك عشق وين
اسد. مادري اول ماجيت امي كالتلي عليج واجيت يمج كبل تعالي خلي نشوفهة اخذت حنين وكمنة رحنة الغرفة عشق طبعا نعرف عشق تخاف من الظلمة حيل شغلت الضوة ماكو ولا بالحمام رحت الغرفتي اني وحنين جان الكاهة حاضنة المخدة مالتي ونايمة ياربي ولله هاي البنية بيهة شي يعني حتى من اني ماكو تنام هنا رحت عليهة حرارتهة زينة بس وجهة اصفر كدتهة
اسد. عشقي حبيبتي بنيتي كومي يالله كافي نوم
عشق. اسدي بشرفك عوفني نايمة راسي يأذيني
اسد. اها تمام لعد كومي حنين اخذج بس انتي والبنات لان عشق مريضة
حنين تمام شيخ
عشق. شنو وين رح اطلعون وانتي مو مريضة شلون صرتي
حنين. زينة اني انتي شلونج
عشق. تمام لو تشوفين ماما شصار بيهة هية وعمة سارة من شافوج مصخنة وكله من وراج اني تخربطت
حنين بخوفة صدك ليش تخربطتي بعدين اني كلشي مابية مجرد حرارتي ارتفعت
عشق. اي انتي مشايفة نفسج ماما سبحتج وشربتج علاج وانتي ولا يمج الموضوع
حنين. اي واني شدراني معبالي هيج يصير
عشق ولله الة اعرف شبيج
حنين لو تموتين ماكلج
عشق. هسة اسد ايكلي
اسد. همزين اتذكرتيني اني موجود هنا كملن نقاشجن
البنات اسفين شيخ
اسد انجبن ولاتكولن شيخ ولاتعتذرن ويالله كومن ننزل يمهم هسة اكيد خايفين عليكم
البنات تمام ونزلن وية اسد نزلنة وكعدنة سوالف وضحك وخالد صافن بغير عالم اخذت التلفون ودزيتلة رسالة انو يطلع للحديقة هوة اخذ التلفون شاف الرسالة وباوعلي اشرتلة يعني كوم كام اني ترخصت منهم وطلعت رحت وراه لكيتة كالد على الكراسي بالحديقة ويدخن من شافني ذب الجكارة وعدل كعدتة
اسد. شبيك خالد ليش مو على بعضك صاير شي وياك
خالد. لا اسد ماكو شي بس حاير بالكعدة مال باجر
اسد. وليش حاير مو كتلك مايصيبك شي واني موجود
خالد. اسد اعرف مرح يصير بية شي بس اني خايف من شغلة بالي ونشالله متصير
اسد عقج حواجبة. وشنية الي بالك خالد
خالد. خايف ياخذون وحدة من البنات فصلية
اسد انتة شجاي تحجي
خالد. اي اسد هذا الواقع احنة مو اخذنة فصلية من مات الشيخ فهد همة هم رح يطلبون فصلية
اسد. بس بوكتهة جان خالي ايمن غلطان وهسة الولد هوة الي شارب وذاب نفسة على السيارة بعد شكو
خالد. اسد لا تخلي اعذار كلتلك هذا الي رح يصير
اسد. لعد مادام متأكد ولحسن ماخلي شي يمس خواتي تمام
خالد لله كريم عفت اسد وطبيت جوة كلتلهم تصبحون على خير الكل كال شعجب من وكت كتلهم تعبان ومالي خلك كالو على راحتك عفتهم وطبيت نمت
اسد من راح خالد بقيت كاعد افكر شلون لو طلبو فصلية زين حتى اذا كدرت انقض فانقض وحدة مو ١٢بنية اوفففف زين شلون ياربي وهذا ابن عمهم شكله حاقد ويدور فلوس المهم عفتهة على لله وكلت باجر هوة يحلهة طبيت هم كبل نمت ورة ماخلصت باكيت الجكاير كله جان ماكو احد بالصالة صعدت الغرفتي وكل عادة عشق نايمة يمي رحت سبحت ولبست تراكسود ونمت بصفهة وهية ولا حست طبعا حتكولون شكو وليش وشدعوة هل عيارة شوفو انتو كلكم تعرفون امي جانت مريضة ومن جابت البنات دهورت حالتهة فامن فحصنة عشق كال الدكتور انو البنية هاي ماعدهة توازن بسبب انو رجليهة فلات فود واضافة الى هذا انو خمول وهذا الخمول يروح بستمرار الوقت بس حتصير عدهة مضاعفات وهية ضغطهة الي يهبط فجئة او الغماء المفاجئ فاني جنت اني جبير كتلهم عشق تبقى يمي كالو شلون وهواي اكو نسوان كلتلهم اختي واني اداريهة رغم مو كلش جبير اني بس خلص احترمو رأي جنت اخذهة باليل الامي ترضعهة وارجع يمهم او من توصخ اخذهم الهم المهم بليل ابقى سهرا وياهة مانام دواهة كلشي اني اسوي فا من وعت وكبرت واني هم كبرت هية تعودت علية جان مثل اذا عني شغلة او شي تبقى تبجي عليه لحد ماخذهة يالله تسكت لو منكعد كلنة كلنة هية تبقى خانسة بحظني صوت ما الهة واذا احد يشيلهة تفرفح من البجي جنت اخذهة اشتريلهة والاعبهة خوب بالكلية شفت الموت يومية مخابرني صكر عشق بالمستشفى كرهت روحي على ماخلصت الكلية ومن رجعت لكيتهة ضعفانة وجوه عينهة اسود وبغرفتي نايمة وبأيدهة مغذي تخبلت رجت بكل حيلي وياهة اوكلهة واطلعهة هية وحنين طبعاً ابد مافرقت بينهم بس حنين جانت هادئة ومبتعدة وبس ورة امي واذا احجي وياهة كلمة تكوم تبجي او حتى اذا اشيلهة تكوم ابجي المهم فامن يوم ولادتهة هية يمي ومتعلقة بية واني هم صح مرات جنت اجي معصب واتمنة اطلع حركتي بفد شي بس من اشوفهة لا انقهر عليهة واكعد اراضيهة لان هية تعرفني من اتعصب تصير عيوني حمر المهم نرجع للواقع نمت وكعدت امي تكعد بية
ايلين. اسد يمة اسد ابوك يكول هم يالله
اسد. ها يمة صباح الخير يمة اني مو كايل ماتصعدين الدرج ليش هيج تسوين
ايلين لعد منو يكعدك حنين بعدهي نايمة وهاي الفصعونة خاتلة بظهرك وبنات عمك يستحن
اسد. تمام يمة بس بعد ماتصعدين دكي علية واني اكعد
ايلين من عيوني وكعد هاي الفصعونة وياك
اسد. ههه ليش تسميهة الفصعونة وتحجيهة بضوجة
ايلين اي عبالك ولا اني امهة ولا معبرتني لاني ولا ابوهة كله يمك
عشق بنعاس. اسود شكلنة اليوم رح ننكتل
اسد هههههه ليش ولج
عشق. ماتشوف امك يمكن الوالد طالع وما مصبح عليهة وهيج كابه علينة
ايلين. ولج ام لسان انتي منين تجيبين هذا الحجي
وانتة مكيفلهة يرادلج تأديب
اسد. ههههههه عوفيهة يمة بعدهي شمعرفهة يالله ولج كومي ام السان ولله اذا ماكمتي هسة اعضج
عشق. تمام 🥺🥺بعد ماحبكم اشرار
ايلين. يااااا ولج اشسوينالج وسويتينة اشرار
عشق. ما معلية انتي تكليلي الفصعونة وتريدين تأدبيني واسد يريد يعضني ويكلي ام السان اني بعد ماحبكم
اسد. يمة يمة حبيبت ابوهة زعلت تعالي يمة نراضيهة شلت عشق وافتر بيهة وهية تضحك نزلتهة وكلتلهة يالله ادعبلي نزلت هية وامي اني كمت سبحت وطلعت لبست دشداشة سودة وشماغ ابيض وحمر لفيتة على شكل اماراتية ولشحاطة والحزام والجكاير والمحفضة والتلفونات طبعا رجعت جبت تفس تلفوناتي ومن خلال الايكلود رجعت كلشي المهم نزلت وامي وبيبيتي وعماتي يصلن على محمد بوست جدي وبيبيتي وابوي وعمي وامي وكعدت شربت بس كهوة ماتريكت خالد نزل واني اسولف وية ابوي وهم ضايج المهم قسمت الشغل على الولد وطلعنة اني وابوي وعمامي وجدي وخالد وصكر وفهد وحسنين وحسين وشعم وزين ويزن للديوان لل٩:٣٠ كلهم اجوي وبدت سوالف عادية بعدين جدي كال ......
سوري على التأخير بس نت ماكو ولله ضعيف
٢١٠٠ كلمة 🖤💜💛❤️💚💙🧡💕
