هلا يالله نبدي
واحطك بين حزني وراحة البال
يالنبضات گلبك عاشت وياي
مثل عمر الدقيقة بين الاميال .
احمد.... كلش حبيت تعاملهة وية نورهان هسة انتو تستغربون شلون هيج مصارلهة يومين وهيج تعاملوهة معقولة متحبون جدكم انتو شفتو بالبارتات السابقة شلون الكل يحب جدي ويعزة بس الشي الي مصبرنة انو اخوهة ميعرف جدي وابوي هم غلطان لان طالع على السايد الثاني هذا كله بكفة وهية مالهة اي ذنب بالي صار بكفة المهم كملت ريوك وكلت
احمد... يالله اني رايح محتاجين شي
نورهان.... احمد عليك لله شتريلي حباب
احمد.... مو من عيوني وانتي ايلين متريدين شي
ايلين.... ها لا ماريد شي سلامتك
احمد عفتهم ورحت للديوان جان شوي اكو مشاكل وهوسة
تسريع الاحداث
اجة يوم السبعة مال جدي جان يوم كلش متعب وايلين كلش تعودت عليهة اهتمامهة بينة احسهة مثل الام للبنات وكلشي قبل ماطلبة يجي يمي وخواتي حتة ضحك وياهة ونورهان صارلهة فترة الضحكة مرسومة على وجهة وتتشاقة وية ايلين صار مجلس جبير بالبيت وهوسة ونسوان عماتي موجودات فاكمل كلشي بالديوان واني اجيت بس اطمن على البيت وارجع اكل لان ميصير بكلشي اعتمد على الولد طبيت جان اشوف ايلين شكلهة باجية بس تكسر البجي بضحكهة من اول ماطب تضحك بوجهي وبوجه الكل والبنات شكلهم معصبات ونورهان هم جان اخذ نارمين واطببهة بغرفة امي كلتلهة اول شي السلام عليكم
نرمين بخوف.... وعليكم السلام شيخ
احمد.... نرمين هسة تكوليلي شكو وشصار بغيابي
نرمين... شيخ ولله كل الي صار انو صارت عركة بين عمة ميسون وايلين بس ولله يا احمد انو الغلط من عمة والبنية مالهة دخل واصلا حتة مدافعت على نفسهة احنة البنات وبيبي بس ولله احمد
احمد.... احس روحي افور من العصبية على شنو العركة
نرمين.... الصبح مو نزلتو سوة خطية ايلين سوت الريوك ويانة وغسلت الماعين وحضرت الغراض وية امي وبس معزلت لان التهت بالمطبخ وبشغل المطبخ كامن نور وليا يعزلن البيت ونضفن وعائشة هية وخواتهة صعدو عزلو الغرف مال الكل بس لارة ويارة كاعدات بصف عمتي ومشتغلن جان تجي بيبي وكالت للبنات ليش متكومون تساعدون البنات جان عمة تكول ليش وعدنة خدامات اصلان حتة نور وبنات ياسمين حرامات يشتغلن وعدهن خدامات بس بيبي كالتلهة ليش منو الخدامات كالتلهة ايلين ليا هنة خدامات بيبي تعصبت حيل والبنات كامو يبجون ليا وايلين ونورهان كالتلهة على فكرة ماكو خدامات بهذا البيت والي تقصدين عليهن خدامات وحدة مرت الشيخ احمد والثانية اخت الشيخ احمد وبنت الشيخ فهد عرفتي لولا وضلن يتصايحن وبعدين ايلين سحبت نورهان وطلعتهة من الصالة وانتة اجيت
احمد... تمام من هسة جوة اكو احد غريب
نرمين.... لا ماكو احد الخطار راحو بقو بس الي بالديوان
احمد طلعت اني ونرمين كلتلهم الكل اريدة بالصالة
البيبية خير يمة احمد شكو
احمد... سلامتج ياروحي بس شوي اشياء لازم افهمهم لا تعبت اني حيل تعبت رح اخابر ياسر وكلشي ينحل اليوم
احمد الو هلو ياسر انتة وين
ياسر بالديوان شيخ
احمد انطيني ابوي
ياسر اي هاك همي هذا احمد
احمد الو هلة يابة
على هلة احمد وين انتة ليش مو بالديوان
احمد بوية تعال انتة وعمي وهمام وخلي الولد بالديوان وخابر عمي حسين خلي يجي بسر وبحدة
علي احمد صير شي
احمد سلامتك يالغالي بس اريد افتح الوصية مال جدي
علي بوية اجلهة
احمد لا بوية هية هاي وصية الشيخ
علي تم بوية يجرالك
اجوي ابوي وعمامي وطب عمي حسين وهوة فرحان
اني الوصية بجيبي والمحامي اجة طببة همام
((بالصالة كاعدين بيبي وابوي وعمي يوسف وعمي حسين واني وهمام وعماتي ثنينهم بس البقية كلهم طلعو))
كتلهم شوفي اني رح افتح الوصية واكيد كلكم شكون بية
الكل عدة حسين لا شيخ حشاك
احمد... لابوية اني اعرف كل الزين فهذا المحامي وجدي يعرف بولدة وبناتة فابصم على الفتحة مال الضرف والي يفتح الضرف تروح البصمة تمام هذا الدليل الاول والدليل الثاني احلف بكلام الله اني وهمام هسة انو احنة جنة شاهدين على الوصية الي كتبهة جدي بأيدة وهسة المحامي يقراهة بنفسة
المحامي.... السلام عليكم
الكل وعليكم السلام
المحامي... فتح الوصية(( بسم لله الرحمن الرحيم
الشيخ فهد
السلام عليكم اول شي اني رح اخلي هذي الوصية يم حفيدي احمد لان هوة الوحيد الفاهم والامين وهوة الشيخ المستقبلي وهسة رح اقسم الاملاك ولا محالل ولا ماهوب كلمن يتملعب بيهة اول شي رح ابدي بتوزيع الاملاك علي ابني انتة الي وكفت وياي وماهديتني طول عمري وحتة من تمرضت ماعفتني انتة ويوسف نفس الشي يوسف وليدي انتة هم ماقصرت بشي وطول عمركم انتو الثنين ادورون رضاي فالبستان والبيت بالنص علي ويوسف والشركات وحدة اليوسف وحدة العلي والبيت الي بغداد بأسم احمد سجلتة اني والبيت الي بكربلاء باسم همام والي بالعمارة بأسم ياسر اما حسين فالك بس البيت الي كاعد بيه وخلي يكون بعلمك اني متت وماراضي عليك وهذا البيت انطيتكيا عطفن عليك واكون يم ربي مامقصر والبنات ياسمين وميسون كل وحدة خمسة وعشرين مليون فقط والولد بكر وبهاء وحسنين وعمار وحسن اعرفكم تحبون المزرعة فاتسجلت باساميكم بس انتو وجاسر وياسين انتو مالكم اي شي لان انتو مو كفو انطيكم من تعبي وعلي ويوسف الحجية امانة بركابكم واخر شي الشيخة يستلمهة احمد وهمام واني متأكد ماضلمت احد واني طلبت من احمد يفتحة بهذا اليوم لان رح اكون مرتاح يم ربي وهسة في امان لله وربي يحفظكم الشيخ فهد)) احمد الكل بقة مصدوم بالوصية كلت الكل يقرة الفاتحة الجدي الكل قراهة الة حسين الصكط ابوي شافة وهز ايدة كامو ابوي وعمي حسين بوسو بيبي لان كامت تبجي جي شافت عمي حسين هيج وجدي موصي بيهة
عمتي ياسمين كالت مادام المحامي موجود اني متنازلة من الفلوس الامي
بيبي... يايمة حكج هذا
عمتي لا يمة اني مامعتازة رجلي ولدي موجودين هذا من حقج
البيبية لعد اني هذي الفلوس هدية مني الاحمد هدية زواجة
ميسون اي من الفصلية اني اريد فلوسي لان باجر راجعة
احمد... من كملت صعدت الغرفتي طلعت فلوس ٢٥ مليون ونزلت كلتلهة كدام المحامي هسة توقعين وقعت ونطيتهة الفلوس كلت الهمام خابر بكر همام تمام شوي واجة بكر السلام عليكم الكل وعليكم السلام احمد بكر اخذ عمة ميسون هية وبناتهة وديهم البيتهة
ميسون ليش الضاهر البيت بيتك واني ماعرف احمد ولله ياعمة ولا بيتج وهسة انتي عبالج اني ماعرف بالحديث الي دار قبل ماطب واني مو لخاطر عيونج فتحت الوصية وجنت مخطط ورة السنة يالله بس اعرف بيكم مارح اخلص منكم فاهسة احسن علمود نعيش بسلام وخلي يكون بعلمج ليا بنت الشيخ احمد تمام وتعيش بهذا البيت هية وياسر معززة مكرمة وهسة يالله بكر اخذهة لبيتهة
احمد طلعت ميسون وحسين سحب قواتة وطلع خلصت منهم بوست بيبي وتبوي وعمي وعمتي كتلهة عمة ولله لو ماعزج واحترمج جان سويتلج مثلهة بس اعرفج انتي متشبهيهة
ياسمين... يمة احمد تحجي صدك راح ابوي نور عيوني شتفيد الفلوس ترجعة قابل
البيبية.... يمة ولله حجيتي عين العقل ولله يايمة ابوج ماخاب ضنة بيج وبخوتج جان دائما ينبهني من ميسون ومن حسين وصدك طلعو زبايل
احمد....يالله يالله مرة خصتكم اني اروح ارتاح لان اليوم كلش تعبت
الكل... الله وياك
احمد... ايلين تعالي حضريلي الحمام
ايلين... تامر شيخ وصعدت قبلة
احمد... صعدنة اني وايلين راحت تحضرلي الحمام
ايلين... الحمام حاضر شيخ
احمد... مشكورة تعبناج اليوم
ايلين... لا شل قصة غير اهلي انتو
احمد... بستهة من راسهة ورحت سبحت واجيت نمت لان صدك تعبان وجانت الساعة ب١٠ وايلين كالت
ايلين... احمد يصير اروح يم البنات بعد وكت
احمد... اي بنيتي بس قبل مترحين تعالي احجي وياج
ايلين... خير احمد سويت شي غلط ولله مفاكة حلكي وية احد بس وية البنات ولله
احمد... شبيج ولج انطيني مجال اصلان جاي اعتذ...
قبل لا كمل سكتتني
ايلين... لا احمد تحجي صدك عبالي شو شكو بعدين شلون تعتذر مني وع شي انتة مامسوي ها
احمد... يعني متقبلين اعتذر منج
ايلين... مو بس مني من اي شخص ماقبل اني اعتذر وانتة لا لان البنية كرامتهة من كرامت رجلهة فا شلون اخليك تعتذر مني ها
احمد... كلش صدمتني بطريقت تفكيرهة ااااا تمام ونشالله بعد متشوفيهة لا هية ولا بناتهة
ايلين... نشالله بس صدك عود ليش هية متشبهة عمة ياسمين شو عمة كلش حبابة حتة ماما ومرت عمو يوسف ليش بس هية ومرت عمو حسين
احمد... هنة هيج من يوم يومهن حقودات وميتمنن الخير الاحد بس امج شجابهة بالموضوع
ايلين... مو امي امي الحقيقية اقصد امك هية كلتلي كولي علية ماما واني حسيت لله عوضني بيهة بمكان ماما ودمعن عيوني
احمد.... بقيت مصدوم يالله مصارلهة سبوع خلت امي تكلهة كوليلي ماما هاي لو نتعارك يذبوني بالشارع علمودهة
زين ايلين انتي تحبيهم الاهلي
ايلين... طبعا احمد شبيك بعدين لو ماحبهم ماكول لعمتي ماما ولا اكول العمي بابا ولا احجي ويا البنات جان شفتني كاعدة بس بالغرفة وساكتة
احمد... تمام ونشالله همة هم يحبوج وهسة طفي الضوة وروحي يم البنات
ايلين... تمام باباتي تصبح على خير
احمد... وانتي الخير بنيتي
ايلين... طفيت الضوة ونزلت يم البنات نور ونورهان ونرمين ونارين وليا وعائشة ومياسة ورونق كلش حبابات كعدنة اندردش هسج
تسريع الاحداث
طلعت الاربعين مال الجد وراحو للنجف ورجعو وصار على الاربعين شهر
احمد... بوية عمي انتو والولد تعالو للديوان عندي موضوع وياكم
الكل... يالله تفضل
احمد... بوية ولا يهون عمي احنة شنو السبب الي خلينة البنات يتركن داستهن علمودة
الاب.... بوية هذا مجتمعنة وتعرف المشاكل القديمة
احمد... اذا على المجتع والناس ترة ميفيدون عكب شهاداتهن ولازم يحققن احلامهن و اني عندي واسطات اخليهن كلهن ايداومن وية الولد بنفس الجامعة بعدين بوية احنة مو منرفض شي النورهان للبنات هذا حلم نورهان انو تكمل ها شكلتو واني اتكفل بكلشي على حسابي هاا
الاب... وولله ماعرف شرايك يوسف
يوسف... ولله اني تعرفني احب البنات يتعلمن ويحققن احلامهن اني موافق
الاب.... اني اموافق
همام.... اني هم بس لبس مستور
احمد اكيد هذا الشي بس مو مال عباية لان هنة اصغار مو مال هذا الشي تمام
الكل تمام موافقين
احمد... لعد اني رايح احجي وياهن انتو اخذو راحتكم
الكل... الله وياك
الاب.... لله يحفضة الكم كلكم يفكر بخوانة كلهم وميقبل احد يأذيهم او يضوجون من شي
يوسف... اي علي احمد من يوم يومة صاحب مسؤلية ولو ابوي ماشافة هيج صاب مسؤلية وراكز جا ماسلمة المشيخة
الاب... اي ولله
احمد.... بنات الكل تجي هنا بسرعة
البنات خير شيخ شصاير
احمد..... انتن اليوم شمسويات هاااااا وحتة انتي ياهن وأشرت على ايلين
ايلين... ولله ممسوية شي ولله اسأل البنات وكمت ابجي
احمد... ادري هسة ذبحتج وتبجين شبيج واصلن جنت اتشاقة وياكم
ايلين...ليش هيج شيخ ولله كلبي كام يوجعني
احمد... سلامتج يالغالية بس من رح تسمعون الخبر رح طيرون
البنات شنو
احمد انتو شنو الحلم لي تحلمن بي ومستحيل يتحقق
نورهان بحزن ....الدراسة اكو غيرهة
احمد... اي واني رح احققة
البنات شنو
نورهان... يعني رح نرجع ندرس ونغمة علية من الصدمة
احمد... لزمت نورهان شوف حضي عود اجيت افرحهة اني غبي
الكل... حشاك شيخ
احمد... شممناهة عطر شوي وصحت كتلهة ها شلونج هسة
نورهان... احمد ولله لو تتشاقة يعني اني رح اصير دكتورة واحقق حلمي
احمد... اي بنيتي ولله بعدين اني مو مواعدجن ماخلي شي بنفسجن ها واني الشيخ احمد.. كد وعدي
البنات... طبعن شيخ
احمد.. يالله اريد الكل فرحان ويضحك والي الكاهة ضايجة ماكو كليه وها رح داومن وية الولد بجامعت البصرة تمامواريد كلجن تلبسن فساتين طوال ممنوع لبس ضيك تمام
البنات عدة ايلين... تمام
احمد... لاحضت ايلين ضايجة بس ستغربت شبيهة هاي المهم كلت من اصعد اشوف شبيهة
احمد... نورهان شلون صرتي
نورهان... تمام ولله مابية شي
احمد... انشالله دومج تمام يالله ايلين تعالي حضريلي اهدومي عندي طلعة
ايلين تمام
احمد... صعدت وصعدت وراي كلتلهة شبيج ضايجة
كالت ها لا ماكو شي
احمد... ايلين كلمتي متنعاد شنو شبيج
ايلين... احمد يعني اني هم رح اداوم
احمد... اي اكيد
ايلين... ولله
احمد🤨🤨ليش شوكت اني مجذب عليج
ايلين... ولله مو هيج قصدي بس كلش خفت جيف اني فصل
احمد.... ايلين.... انتي من اجيتي الهسة احد كلج فصليه ها احجي شبيج ليش ساكتة
ايلين.... احمد افتهمني اني مو هيج قصدي باجر العالم تكول خلو الفصليه داوم وباجامعة الكل ح يعرف بيه اني فصليه تعرف شنو نضرتهم الي لو لا
احمد.... ايلين شبيج شنو السالفة ها داكلج انتي مرت الشيخ احمد ها شبيج جلبتي بالفصليه ليش تعصبيني تدرين رح اخلي خواتي يداوما لخاطرج ها شبيج بعد شكو
ايلين... احمد يحجي واني ابجي بعد شوي كامت الصورة تغوش عندي وصوت احمد يروح ويجي وبعد محسيت بشي ........
