هلا هلا ياحلوين
سامرت الدروب أجدام
بحسابي الحلم هم ريل
يشتل للمحطة إسنين
متوزره بگصايب صوت
هنيالي شربتك موت.
حسنين....جنت راجع من الدوام وميت تعب بعدني واكف باب الهول جان اشوف علياء ذبت الزيت على الباية اني عبالي بالبداية وكع منهة انتضرتهة تكمل اخذت الزيت وصعدت نزلت ال
يلين مالحكت حتة اصيحهة كبل وكعت وصلت للنهاية والدم فيضهة واهلي تكومو واني ماكدر اتحرك من طلع احمد والكل اني بقيت افور شلون رح اكول يالله الله يساعد همام وياسر لو احمد الي خسر ولده اففف المهم كضيت بحدود ال٢٠ يوم الحد ما ايلين شالت اخيوط العملية وصارت زينة خطط احمد ياخذهة البغداد اني كيفت بس الكل لاحض علية لااضحك ولا اتشاقة وبس ساكت واذا اسمع صوت علياء العب بيهة خلقة المهم
همام....حسنين تعال عندي موضوع وياك
حسنين....ها همام شتريد
همام...احجيلي شبيك انتة وعلياء وليش هيج عصبي ومتحجي احجيلي شكو
حسنين...انتضر مابقة شي بس خلي احمد يروح البغداد ويصير خير
همام بقلق...تمام
احمد...ايلين بنيتي حضري غراضج انروح البغداد
ايلين....صدوك ولله احمد
احمد....اي ولله يلة حبيبي بالعشرة ارجع من الدوام واخذج تمام
ايلين....تمام باباتي عافني احمد. اني بديت احضر الجنط لان هسة الساعة بالعشرة وهوة نزل يبلغ اهلة المهم اني بهاي الفترة صارت حالتي احسن وطبعا الفضل كله الاحمد والبنات وحتة الولد دائما ميخلوني بحدي ودائما يضحكوني ويشاقوني ويومية ب١١ باليل هيج يطلعوني المهم حضرت البدلة مال احمد مال الدوام وكويتهة وسبحت وقت التلفون ونمت كعدت بالخمسة فتت توضيت وصليت ورحت كعدت احمد
ايلين...صباح الخير حبيبي يالله كوم اسبح اني رح انزل احضرلك الريوك تمام
احمد...صباح النور ياعمري اي كمت كمت فتت سبحت وصليت ولبست البدلة والمحبس والساعة والسبحة والترتيبات والبيرية وطلعت رحت على غرفت نور بستهة وغطيتهة وطلعت ورجعت على نورهان هم بستهة وطمنت عليهة ونفس الشي نارين ونرمين وليا ونزلت لكيت ايلين مكملة الريوك جان عبارة عن لحم وطماطة وعليهن بيض يعني يجنن وجاي مهيل المهم تسويلك واهس على الاكل
احمد....ليش تسوين اكل دسم الصبح
ايلين...مو انتة تتعب بالدوام ويومك طويل فعلمود تسند طولك ومدوخ اسويلك هيج عادي اذا متحبة ماسوي
احمد....لا باباتي عاشت ايديج يجنن
ايلين....عوافي بس شكوت انروح
احمد...لله يعافيج باعشرة ارجع اخذج تمام
ايلين...تمام طلع احمد واني ذبيت وراه مي وقريتلة المعوذات رجعت غسلت الماعين ونضفت المطبخ والبيت كله بدون ماطلع صوت وكلشي كملت صارت ٩ونص صعدت سبحت وبدلت لبست فستان اسود وشال ماروني غامق باعشرة وربع صعد احمد
